San Juan 6:14 - El Nuevo Testamento

¹⁴ Kua̱ꞌ la gente kitaꞌ iga Jesús kichij milagro, kijtojkej: —Kena, iní̱n profeta yej momatiá iga yawi wi̱kiti ipan iní̱n ta̱jli.

San Juan 6:14 Iomraidhean Croise

San Mateo 11:3

iga ijkí̱n makitajtanika̱n: —¿Ix tejya in Cristo yej yawi wi̱kiti, o nikcháskejoꞌ sewoꞌ?

San Mateo 21:11

La gente kijtowa̱ya: —Ini̱nwaꞌ profeta Jesús, yej moskaltij Nazaret ipan ta̱jli de Galilea.

San Lucas 24:19

Yéj tatajtan: —¿Té̱ sucede̱roj? Yejame̱n kijlijkej: —Yej kichi̱wilijkej Jesús yej icha̱n Nazaret, se̱ profeta katka yej kichij yej pox ye̱kti iga ipode̱r iwá̱n iga itájto̱l, ijkó̱n Dios kipoxye̱ꞌitaꞌ iwá̱n la gente no̱ kiye̱‑itaꞌ.

San Lucas 7:16

Iwá̱n nochi yej ompa onoyaj momajtijkej iwá̱n ijkí̱n kiweyimati̱ltia̱yaj Dios: —Te‑i̱xna̱mikiko se̱ profeta yej kipoxpiá poder. Iwá̱n kijtowa̱yaj no̱: —Dios wa̱laj kipale̱wi̱ko ige̱ntej.

San Juan 1:21

Iwá̱n sej kitajtankej: —¿A̱ꞌtaj yej in tej? ¿Ix tiprofe̱taj Elías? Juan kijtoj: —Ayéj. Iwá̱n kitajtankej: —¿Ixtaj tej in inó̱n profeta yej momatiá iga asiá? Kijtoj: —Ayéj.

San Juan 11:27

Marta kijtoj: —Kena noTe̱ko, nej nicre̱dowa iga tej el Cristo yej iPiltzi̱n Dios, yej wi̱tziá ipan iní̱n ta̱jli.

San Juan 2:11

Iní̱n yej Jesús kichij Caná ipan estado de Galilea, áchto‑oꞌ kichij milagro ka̱n kine̱xtij iweyipode̱r; iwá̱n idisci̱polojmej kicre̱dojkej ipan yéj.

San Juan 4:19

Kua̱ꞌ iní̱n kikaguiꞌ siwa̱ꞌ, kijtoj: —Nej nikita iga tej tiprofe̱taj.

San Juan 4:25

Siwa̱ꞌ kijtoj: —Nej nikmati iga yawi wi̱kiti in Mesías —yej kito̱jneki Cristo—; iwá̱n kua̱ꞌ yéj mawi̱ki, nochi ne̱nojma‑ijli̱skej yej ayá̱ꞌ nikmatij.

San Juan 4:42

Iwá̱n kijlijkej siwa̱ꞌ: —Iná̱n nicre̱dowaj, ayejsan iga inó̱n yej tej anne‑ijlijkej, sino que iga nejame̱n no̱ nikakikej iwá̱n nikmatij iga yéj nokta in Cristo yej kisalva̱rowa nochi gente yej onoꞌ ipan iní̱n ta̱jli.

San Juan 6:2

Miaꞌ kitokatinemiáj iga kitakej kichij milagro kua̱ꞌ kachitialtijtinemiꞌ yej we̱titokej.

San Juan 6:26

Jesús kijtoj: —Nej nikijtowa iga amejwa̱n ane̱te̱mojtinemij iga san antakuajkej este amixwikej, ayéj iga ankicre̱dojkej yej ankitakej iga nikchi̱wa milagro.

San Juan 6:30

Iwá̱n kitajtankej: —¿Te̱ milagro wel anne̱ne̱xtiliáj iga manikitaka̱n iga manimitzcre̱do̱ka̱n? ¿Te̱ wel tikchi̱wa?

San Juan 7:40

Sekin yej ompa onoyaj kua̱ꞌ kikakikej iní̱n, kijtojkej: —Iní̱n ta̱gaꞌ profeta nokta yej tikchi̱xtoyaj.

Hechos 7:37

Ino̱nsan Moisés kijlij israeli̱tajmej: “Dios yawi mitzti̱tanili̱tij se̱ profeta yej de améjwa̱mpasan, ken nej ne̱ti̱tan. Xikakika̱n yej yéj mitzijliáj.”