San Juan 5:39 - El Nuevo Testamento

³⁹ Amejwa̱n anmoye̱ꞌmachtiáj itájto̱l Dios, iga amejwa̱n ankijtowaj iga wel ompa ankasij yej mitzne̱xtiliáj kén wel xonoka̱n nochipa wa̱n Dios; ompa ka̱n ijkuilijtoꞌ tajtowa de nej,

San Juan 5:39 Iomraidhean Croise

San Mateo 22:29

Jesús kijtoj: —Amejwa̱n ayompa antajla̱mikij, ayá̱ꞌ ankimatij ken tamachtiá itájto̱l Dios, niga ayá̱ꞌ anki̱xmatij ken Dios wel kichi̱wa.

San Marcos 10:3

Jesús kijtoj: —¿Kén mitztekimakakej Moisés?

San Marcos 12:10

’¿Ix ayí̱ꞌ ankitaj ka̱n ijkí̱n ijkuilijtoꞌ? Kijtowa: Yej nemi kalchi̱waj kitajkalkej se̱ teꞌti yej kijtojkej iga aye̱kti, eꞌ ino̱nya yej mochi̱wako má̱j ye̱ꞌteꞌti.

San Lucas 16:29

Eꞌ Abraham kijlij: “Ompiga onoꞌ yej kijkuiloj Moisés iwá̱n profe̱tajmej, ¡inó̱n makikakika̱n!”

San Lucas 16:31

Eꞌ Abraham kijlij: “Siga ayá̱ꞌ kicre̱dowaj yej Moisés iwá̱n profe̱tajmej kijkuilojkej, ayá̱ꞌ no̱ kitajto̱lkuiskej se̱ yej miktoꞌ malej iga maojpa‑isa.”

San Lucas 24:25

Iwá̱n Jesús kijtoj: —Amejame̱n pox ankua̱takuaktikej iwá̱n ayá̱ꞌ wel ankitajto̱lkuij profe̱tajmej.

San Lucas 24:27

Iwá̱n pe̱waꞌ iga kinejne̱xtilijkej itájto̱l Dios ka̱n tajtowa de Cristo, pe̱waꞌ pan ili̱broj Moisés iwá̱n kine̱xtilijtiajkij pan inewi ili̱brojmej profe̱tajmej.

San Lucas 24:44

Iwá̱n kijtoj: —Ini̱nya nokta yej nimitzpowilijkej kua̱ꞌ nonóyaoꞌ amowa̱n: iga mamochi̱wa ipan nej inewi yej ijkuilijtoꞌ ipan iley Moisés iwá̱n ipan ili̱brojmej profe̱tajmej iwá̱n ipan libro de los salmos.

San Juan 1:45

Felipe yajki kite̱mo̱to Natanael, iwá̱n kijlij: —Nikasíkeja inó̱n ta̱gaꞌ yej Moisés ikyay kijkuiloj ipan libro de la ley, de Yéj no̱ kijkuilojkej profe̱tajmej. Ino̱nwaꞌ nokta Jesús yej ipiltzi̱n José yej icha̱n a̱ltepe̱ꞌ Nazaret.

San Juan 5:32

Eꞌ onoꞌ sewoꞌ yej ye̱ꞌta̱tapowa iga nej, iwá̱n nej nikmati iga inó̱n yej nemi ye̱ꞌtajtowa iga nej, ayá̱ꞌ takajkaya̱wa.

San Juan 5:36

Eꞌ nej nikpiá ka̱n niktaksaltiá notájto̱l, má̱j ye̱kti que yej kijtoj Juan. Yej nej nikchi̱wa, inó̱n yej toTaj ne‑ijlij iga manikchi̱wa, iwá̱n inó̱n yej nikchi̱wa, kine̱xtiá iga kena, toTaj ne̱ti̱tan.

San Juan 5:40

eꞌ amejwa̱n ayá̱ꞌ ankinekij xine̱techo̱ka̱n iga xonoka̱n nochipa wa̱n Dios.

San Juan 5:46

Siga katka amejwa̱n xicre̱do̱ka̱n yej Moisés kijtoj, nej no̱ katka anne̱cre̱dowa̱yaj, iga yej kijkuiloj Moisés tajtowa de nej.

San Juan 7:52

Iwá̱n kijlijkej: —¿In tej no̱ tigalileo? Ximomachti ka̱n ijkuilijtoꞌ, iwá̱n tikitas iga nisé̱ profeta ayá̱ꞌ wa̱laj de Galilea.

Hechos 13:27

Iga yej cha̱ntitoyaj Jerusalén iwá̱n yej ompa manda̱rowa̱yaj ayá̱ꞌ kimatikej a̱ꞌyéj in Jesús. Niga kentende̱rowa̱yaj itajto̱lmej profe̱tajmej, yej molee̱rowa nochipa pan día kua̱ꞌ mose̱wilo; ijkó̱n kua̱ꞌ kimiktijkej Jesús kichijkej ken kijkuilojkej profe̱tajmej.

Hechos 17:11

Ini̱mej judiyojmej poxsan te‑ijikni̱mej ayéj ken de Tesalónica, iga yo̱lpa̱kikej iga kicre̱dojkej yej kipowaꞌ Pablo, iwá̱n nochipa momachtia̱yaj ipan itájto̱l Dios iga makimatika̱n siga ijko̱nya ken kine̱xtilijkej.

Hechos 26:27

In tej rey Agripa, ¿ix ticre̱dowa yej kijtojkej profe̱tajmej? Nej nikmati iga ticre̱dowa.

Romanos 1:2

Dios ipan profe̱tajmej ikyay tamati̱ltij iga asis iní̱n ye̱ꞌnoti̱ciaj, ijkó̱n ijkuilijtoꞌ ipan itájto̱l Dios,

Romanos 3:2

Poxsan, iwá̱n onoꞌ miaꞌ yej wel nimitzne̱xtiliá iga ijkó̱n nokta; achto nimitzijliáj iga Dios kiye̱ꞌitaꞌ judiyojmej iwá̱n kimáꞌ iley.

Colosenses 3:16

Iwá̱n itájto̱l Cristo maono nochipa ipan amoa̱lmajmej, ijkó̱n ankimatiskej ken iga anyawij anmosepamachti̱tij iwá̱n ken iga anmono̱no̱tzaskej. Xikmakaka̱n gracias Dios iga inewi amoa̱lmajmej, xikui̱kili̱ka̱n yej ijkuilijtoꞌ ipan salmos iwá̱n takui̱ꞌ yej no̱ kajasi iga mokui̱kiliá Dios.

Hebreos 11:16

Eꞌ yejamej kinekiáj maonoka̱n ipan ta̱jli ka̱n má̱j taye̱ka̱n, iwá̱n inó̱n onoꞌ ipan cielo. Inó̱n iga Dios ayá̱ꞌ pi̱na̱wa iga yéj iDio̱s ino̱mej gente, inó̱n iga kichij se̱ weyi‑a̱ltepe̱ꞌ ka̱n yejamej cha̱ntitoskej.

Hebreos 11:35

Iwá̱n sekin siwa̱tkej iga moconfia̱rojkej pan Dios, ojpa‑isakej ifamilia̱rmej yej miktóyaja. Onoya tokni̱mej yej moconfia̱rojkej ipan Dios, wa̱n yej kijiyaj Dios kiki̱tzkijkej ino̱mej tokni̱mej iwá̱n kimagakej ka̱nsan makijto̱ka̱n iga ayꞌ kitokaj Dios. Eꞌ tokni̱mej ayá̱ꞌ kinekikej iga makimajka̱waka̱n, ma̱jwaꞌ mote̱makakej iga makimikti̱ka̱n que iga makikajte̱waka̱n Dios, kimatikej iga ke̱man wel ye̱ꞌonoskej kua̱ꞌ ojpa‑isaskej.

El Apocalipsis 19:10

Iwá̱n nimotankua̱ketzaꞌ iyikxite̱noj inó̱n ángel iga nikweyimati̱ltia̱ya, eꞌ yéj ne‑ijlij: —Amo ximotankua̱ketza note̱noj; iga nej no̱ niktoka Dios kensan tej iwá̱n ken inochi mokni̱wa̱n yej moconfia̱rowaj ipan tájto̱l yej Jesús kipowaꞌ. Xikweyimati̱lti Dios. Iga yej kipowaj yej kichij Jesús, inó̱mejwaꞌ el Espíritu kitajto̱lmakaj.