San Juan 5:37 - El Nuevo Testamento

³⁷ Iwá̱n toTaj yej ne̱ti̱tan, no̱ ye̱ꞌtajtowa iga nej, iwá̱n amejwa̱n ayí̱ꞌ ankikakij itájto̱l, niga ayí̱ꞌ ankitaj,

San Juan 5:37 Iomraidhean Croise

San Mateo 17:5

Mie̱j tajtojtoya Pedro wa̱laj se̱ mixti yej ta̱wiá iwá̱n kitzakuakoj. Iwá̱n ipan inó̱n mixti mokáꞌ se̱ tájto̱l yej kijtoj: —Ini̱nwaꞌ nokta in noPiltzi̱n yej nikpoxneki, iwá̱n yéj ne̱yo̱lchikajtoꞌ. Yéj xikakika̱n.

San Mateo 3:17

Iwá̱n mokaguiꞌ ipan cielo se̱ tájto̱l yej kijtoj: —Iní̱n nokta in noPiltzi̱n yej nikpoxneki, iwá̱n yéj ne̱yo̱lchikajtoꞌ.

San Marcos 1:11

Iwá̱n mokaguiꞌ itájto̱l Dios; kijtoj: —Tej nokta tinoPiltzi̱n yej nimitzpoxneki. Tej tine̱yo̱lchikajtoꞌ.

San Lucas 24:27

Iwá̱n pe̱waꞌ iga kinejne̱xtilijkej itájto̱l Dios ka̱n tajtowa de Cristo, pe̱waꞌ pan ili̱broj Moisés iwá̱n kine̱xtilijtiajkij pan inewi ili̱brojmej profe̱tajmej.

San Lucas 3:22

iwá̱n iyEspí̱ritoj Dios temoj ipan yéj, ken se̱ jojtoko iwá̱n mokaguiꞌ se̱ tájto̱l ipan cielo, kijtoj: —Tej nokta tinopiltzi̱n yej nimitzpoxneki, tej tine̱yo̱lchikajtoꞌ.

San Juan 1:18

Aya i̱ꞌ nokta agaj kita Dios; ise̱lpiltzi̱n, yej melaꞌse̱titoꞌ iwá̱n toTaj, yéj te̱ne̱xtilij kén in Dios.

San Juan 14:9

Jesús kijtoj: —Felipe, ikyay ninemi iwá̱n amejwa̱n, ¿iwá̱n áyataj tine‑i̱xmati? Yej ne‑ítaꞌya, kitaꞌ no̱ toTaj; ¿te ígataj tine‑ijliá iga manimitzne̱xtili̱ka̱n toTaj?

San Juan 15:24

Ayá̱ꞌ ne̱siá siga kichijtokej yej aye̱kti siga nej ayá̱ꞌ nikchijka iyi̱xtajmej mila̱grojmej yej ayagaj wel kichi̱wa, eꞌ kitákeja yej nikchij; eꞌ malej ijkó̱n, ne‑ijiyaj iwá̱n no̱ kijiyaj noTaj.

San Juan 5:32

Eꞌ onoꞌ sewoꞌ yej ye̱ꞌta̱tapowa iga nej, iwá̱n nej nikmati iga inó̱n yej nemi ye̱ꞌtajtowa iga nej, ayá̱ꞌ takajkaya̱wa.

San Juan 6:27

Amo xitekipano̱ka̱n iga san tákual yej tami, sino que iga tákual yej kichi̱wa iga xonoka̱n nochipa wa̱n Dios. Inó̱mpawaꞌ in tákual yej nia nimitzmakatij, nej yej iPiltzi̱n Ta̱gaꞌ, iga Dios yej tóTajpa kijlij iga ijkó̱n makichi̱wa.

San Juan 8:18

Nej nimotajtowiliá, iwá̱n noTaj yej ne̱ti̱tan mochi̱wa seꞌ yej ne̱tajtowiliá.

1 Timoteo 1:17

Inó̱n iga mamoweyimati̱lti toDio̱s yej nochipa manda̱rowa, yej nike̱man ayá̱ꞌ miki, yej atikitaj iwá̱n yéjsan ise̱lti Dios yej nochi nokta kimati. Ijkó̱nyawaꞌ.

1 Timoteo 6:16

Yéjsan yej ayí̱ꞌ miki iwá̱n onoꞌ ka̱n taxo̱talka̱n ka̱n ayagaj wel kalaki. Ni agaj ayí̱ꞌ kitaꞌ niga wel kita. Yéj nochipa mamoweyimati̱lti wa̱n nochipa marreina̱ro. Ijkó̱nyawaꞌ.

1 Juan 4:12

Dios ayagaj kitaꞌ nike̱man; eꞌ siga timosepannekij, Dios se̱titoꞌ iwá̱n tejamej iwá̱n tejamej tise̱titokej wa̱n yéj, iwá̱n ijkó̱n momelaꞌne̱xtiá ken iga Dios te̱poxneki.

1 Juan 4:20

Siga agaj kijtowa: “Nej nikneki Dios”, eꞌ kijiya iyikni̱n, inó̱n takajkaya̱wa. Pues siga ayá̱ꞌ kineki iyikni̱n yej wel kita, awel kineki Dios yej ayá̱ꞌ kita.

1 Juan 5:9

Siga wel ticre̱dowaj yej kijtowaj tajta̱gaꞌ, ma̱jya sej vale̱rowa yej kijtowa Dios, porque Dios kijtowa yej kichij iPiltzi̱n.