San Juan 5:30 - El Nuevo Testamento

³⁰ ’Nej awel nikchi̱wa nité̱ yej nejsan nikneki. Nitajuzga̱rowa ijkó̱n ken ne̱tekimaka noTaj, iwá̱n yej nej nikchi̱wa ijko̱nya nokta, iga ayá̱ꞌ nemi nikchi̱wa ken nej nikneki, sino que nemi nikchi̱wa ijkó̱n ken kineki toTaj yej ne̱ti̱tan.

San Juan 5:30 Iomraidhean Croise

San Mateo 26:39

Jesús yajki achi má̱j wejkatzi̱n, iwá̱n kite̱ne̱wij Dios este motzonto̱gaꞌ ta̱lpan, ijkí̱n kijtoj: —NoTaj, siga wel mochi̱was, xine̱ma̱nawi iga amo mane̱mikti̱ka̱n; eꞌ amo mamochi̱wa ken nej nikneki, mamochi̱wa ken tej tikneki.

San Juan 14:10

¿Ayá̱ꞌ ticre̱dowa iga nej nise̱titoꞌ wa̱n toTaj iwá̱n toTaj se̱titoꞌ wa̱n nej? Yej nimitzijliáj, ayá̱ꞌ nejsan nikte̱nchi̱wa, toTaj yej íwa̱n nise̱titoꞌ, ne̱tajto̱lmaka. Nochi yej nikchi̱wa, yéjwaꞌ in yej kichijtoꞌ.

San Juan 17:4

’Nej nimitzweyimatí̱ltija nij ipan iní̱n ta̱jli, iwá̱n niktámija yej tine̱ti̱tan manikchi̱waki.

San Juan 18:11

Eꞌ Jesús kijlij Pedro: —Xikaki sej moespa̱daj pan ikajlo̱ꞌ. Siga toTaj kinekis iga mane‑ikno̱chi̱waka̱n, ¿ix aya̱ꞌtaj mane‑ikno̱chi̱waka̱n?

San Juan 4:34

Eꞌ Jesús kijtoj: —Iga manikchi̱wa ken kineki yej ne̱ti̱tan, iwá̱n maniktamili itekipáno̱l; ino̱nwaꞌ in notákual.

San Juan 5:19

Iwá̱n Jesús kijtoj: —Nimitznojma‑ijliáj iga nej yej iPiltzi̱n Dios nose̱lti awel nikchi̱wa nité̱; nikchí̱wasan petz yejsan nikita iga kichi̱wa noTaj. Inochi yej kichi̱wa noTaj, no̱ nikchi̱wa nej yej nite̱Piltzi̱n.

San Juan 6:38

Iga nej ayá̱ꞌ niwa̱laj ipan cielo iga san manikchi̱waki kensan nikneki, sino que iga manikchi̱wa ken kineki yej ne̱ti̱tan.

San Juan 8:28

Inó̱n iga Jesús kijtoj: —Kua̱ꞌ amejamej anyawij anneajkokuitij ipan cruz, nej yej iPiltzi̱n Ta̱gaꞌ, íkua̱ꞌ ankimatiskej a̱ꞌyéj nej. Ayá̱ꞌ nikchi̱wa yej nej nikneki, nikijtowa kensan noTaj ne̱ne̱xtilij.

San Juan 8:42

Jesús kijtoj: —Siga melá̱ꞌ iga Dios amotaj, amejamej anne̱nekiáj, iga nej ne̱ti̱tan Dios. Ayá̱ꞌ niyokawa̱laj, sino que Dios ne̱ti̱tan.

San Juan 8:50

Nej ayá̱ꞌ nikte̱mowa iga mane̱weyimati̱lti̱ka̱n, eꞌ onoꞌ se̱ yej kineki iga mane̱weyimati̱lti̱ka̱n, iwá̱n yéj tajuzga̱rowa.

Romanos 15:3

Niga Cristo ayá̱ꞌ kichij yej yéj kineꞌ; ma̱jwaꞌ mochij ken ka̱n ijkuilijtoꞌ Dios itájto̱l: “Yej mitzma̱lijlijkej, iná̱n nej no̱ ne̱ma̱lijlijkej.”

Romanos 2:2

Eꞌ tikmatij iga Dios kichi̱wa ken kajasi kua̱ꞌ kijuzga̱rowa ino̱mej yej ijkó̱n kichi̱waj.

Romanos 2:5

Eꞌ tej timoyo̱ltakua̱wiliá, iwá̱n ayá̱ꞌ tikneki tikajte̱wa iga tikchi̱wa yej aye̱kti. Inó̱n iga nemi tikuesowa Dios iwá̱n mogá̱najsan nemi timochi̱wiliá iga mamitzjuzga̱ro̱ka̱n kua̱ꞌ ke̱man Dios wi̱ꞌ iga tacastiga̱ro̱ki ken kajasi.