San Juan 5:28 - El Nuevo Testamento

²⁸ Amo ximoyo̱lmajti̱ka̱n iga iní̱n nikijtowa, iga yawi asiti kua̱ꞌ nochi yej miktokej yawij kikakitij notájto̱l

San Juan 5:28 Iomraidhean Croise

San Juan 3:7

Amo ximadmira̱do iga nimitzijliá: “Mitzpolowaj iga amonochi̱n xi‑ojpanace̱ro̱ka̱n sej.”

San Juan 4:21

Jesús kijtoj: —Tej xine̱cre̱do, yawi asiti hora iga amejwa̱n anyawij ankiweyimati̱lti̱tij toTaj, ayꞌya anwi̱kiskej ipan iní̱n tepe̱ꞌ niga anyá̱skejoꞌ Jerusalén.

San Juan 4:23

Eꞌ asis hora, iwá̱n ina̱nya nokta kua̱ꞌ yej kimelaꞌweyimati̱ltiáj toTaj, yawij kichi̱watij ijkó̱n ken kineki iyEspí̱ritoj Dios. Iga toTaj ijkó̱n kineki makichi̱waka̱n yej kiweyimati̱ltiáj.

San Juan 5:20

NoTaj ne̱poxneki iwá̱n ne̱ne̱xtiliá inochi yej kichi̱wa; iwá̱n yáwi‑oꞌ má̱j ne̱ne̱xtili̱ti miaꞌ yej ayagaj wel kichi̱wa, iga inó̱n ankitaskej, te anmoyo̱lmajti̱skej.

San Juan 5:25

Nimitznojma‑ijliáj, iga yawi asiti la hora, iwá̱n á̱mansan nokta, kua̱ꞌ yej miktokej yawij kikakitij notájto̱l nej yej iPiltzi̱n Dios; iwá̱n yej kicre̱do̱skej yawij isatij.

Hechos 24:15

Iwá̱n nikchi̱xtoꞌ, kensan ini̱mej yej ne̱pantiáj kichi̱xtokej, iga ke̱man Dios yawi ki‑ojpa‑ixiti̱tij yej miktokej, yej kichijkej yej ye̱kti iwá̱n no̱ yej kichijkej yej aye̱kti.

Hechos 3:12

Inó̱n kitaꞌ Pedro, kijtoj: —Nokni̱mej yej no̱ an‑israeli̱tajmej, ¿te iga anmoyo̱lmajtiáj? ¿Te iga nejame̱n anne̱tachi̱liáj kenkua̱ꞌ nejamej nikachitialtijkej iní̱n ta̱gaꞌ? ¿Ix nikachitialtijkej iga nejamej niwelitij o iga niye̱ꞌnemij iyi̱xtaj Dios?

1 Corintios 15:22

Ijkó̱n ken Adán itechko inochi gente mikij, ijkó̱n no̱ iná̱n nochi yej kitokaj Cristo ojpa‑isaskej.

Filipenses 3:21

yej kichi̱was iga tocue̱rpoj yej iná̱n kueta̱ni wa̱n mikisneki, maono kensan yéj icue̱rpoj yej ayí̱ꞌ mikis. Inó̱n kichi̱was Cristo iga yéj nochi wel kichi̱wa.

El Apocalipsis 20:12

Iwá̱n nikitaꞌ yej miktókeja, ejejkatokej iyi̱xtaj Dios, onoyaj yej kipiá itekiyo iwá̱n yej ayá̱ꞌ. Iwá̱n tapowikej a̱mamej, iwá̱n seꞌ a̱maꞌ no̱ tapowiꞌ ka̱n ijkuilijtoꞌ ito̱ka̱mej yej nochipa onoskej iwá̱n Dios. Iwá̱n Dios kijuzga̱roj yej miktókeja kensan ijkuilijtoꞌ ipan a̱mamej, kensan yejamej kichijkej.