San Juan 5:16 - El Nuevo Testamento

¹⁶ Inó̱n iga judiyojmej kite̱mowa̱yaj Jesús iwá̱n kimikti̱jnekiáj, iga taachitialtia̱ya ipan día kua̱ꞌ mose̱wilo.

San Juan 5:16 Iomraidhean Croise

San Mateo 12:13

Iwá̱n Jesús kijlij inó̱n ta̱gaꞌ: —Xikmela̱wa moma̱ꞌ. Iwá̱n kua̱ꞌ kimélaja ima̱ꞌ, ye̱ktiaꞌya kensan seꞌ ima̱ꞌ.

San Marcos 3:6

Iwá̱n ino̱mej fariseojmej ki̱skej; yajkij motajto̱lti̱toj iwá̱n sekin yej kitokaj rey Herodes, iga makimikti̱ka̱n Jesús.

San Lucas 6:11

Yej ompa onoyaj poxsan kuejkuesiwikej, iwá̱n pe̱wakej iga mota̱tapo̱wijkej té̱ wel kichi̱wilia̱yaj Jesús.

San Juan 1:19

Judiyojmej yej icha̱mej Jerusalén kiti̱tankej sacerdo̱tejmej iwá̱n levi̱tajmej iga maya̱ka̱n ka̱n onoꞌ Juan iwá̱n kitajtankej: —¿A̱ꞌyéj in tej?

San Juan 10:39

Sej kiwi̱gasnekiáj preso, eꞌ Jesús choloj.

San Juan 15:20

Xikejla̱mikika̱n iní̱n yej nimitzijlijkej: “Nisé̱ tekipanowa̱ni má̱j manda̱rowa que ipatró̱n.” Siga nej ne‑ijiyakej, amejwa̱n no̱ yawij mitzijiyatij; siga ino̱mej kichijkej ken nikne̱xtilijkej, no̱ kichi̱waskej ken ankine̱xtili̱skej.

San Juan 5:10

judiyojmej kijlijkej yej achitiáꞌ: —Iní̱n día mose̱wilo; aye̱kti iga xikui̱ga motapech.

San Juan 5:13

Eꞌ inó̱n ta̱gaꞌ ayá̱ꞌ kimatiá a̱ꞌyéj kachitialtij, iga Jesús kajka̱kalaꞌ tatza̱tza̱la̱n, inó̱n iga aki̱xmatiꞌ.

San Juan 5:15

Iwá̱n inó̱n ta̱gaꞌ yajki, iwá̱n kijlij judiyojmej iga Jesu̱swaꞌ in yej ki‑achitialtij.

San Juan 5:17

Eꞌ Jesús kijtoj: —NoTaj nochipa tekipanowa, iwá̱n nej no̱ nitekipanowa.

San Juan 5:18

Inó̱n iga judiyojmej ma̱jya kimikti̱jnekiáj Jesús, ayejsan iga ayá̱ꞌ kichi̱waya ken tatekimaka la ley iga amo matekipano ipan día kua̱ꞌ mose̱wilo, no̱ kijtowa̱ya iga iTaj Dios, ijkó̱n kijto̱jneki iga yéj no̱ Dios.

San Juan 7:21

Jesús kijtoj: —Igasan nikchij yej ye̱kti ipan día kua̱ꞌ mose̱wilo, ayá̱ꞌ ankiye̱ꞌitakej.

San Juan 7:25

Sekin yej cha̱ntitoyaj Jerusalén, pe̱wakej tatajtankej: —¿Ix ayéj iní̱n in yej kite̱mojtinemij iga makimikti̱ka̱n?