San Juan 3:34 - El Nuevo Testamento

³⁴ pues yej Dios kiti̱tan, kijtowa tájto̱l yej Dios kijtowa, iga Dios nokta kimaka iyEspí̱ritoj.

San Juan 3:34 Iomraidhean Croise

San Mateo 12:18

Ini̱nya yej tekipanowa iga nej, yej niktapejpen, yej nikpoxneki, iwá̱n ne̱yo̱lchikajtoꞌ. Ípan nia nikta̱li̱ti noEspí̱ritoj, iwá̱n yéj yawi kipowati ken iga no̱ wel nikma̱nawiáj yej ayéj judiyojmej.

San Lucas 4:18

IyEspí̱ritoj toTe̱ko ne̱pale̱wiá, Dios ne̱tapejpen iga manikui̱guili ye̱ꞌnoti̱ciaj yej ayá̱ꞌ motapialiáj. Ne̱ti̱tan iga manikachitialti yej moyo̱lmiktijtokej, iwá̱n iga manikijto̱ki ken iga maxitomika̱n yej ken ilpitokej, iwá̱n iga maniktachalti yej pachamej. Ne̱ti̱tan iga manikma̱nawi̱ki yej kikno̱chi̱waj.

San Juan 1:16

Dios te̱maka yej ye̱kti, ayéj se̱ ve̱j, miaꞌ ve̱j, iga te̱poxneki.

San Juan 15:26

’Nia niktajtanili̱ti toTaj iga mamitzti̱tanili iyEspí̱ritoj. Inó̱n iyEspí̱ritoj mitzpale̱wiáj iwá̱n mitzyo̱lchika̱waj iga mitzne̱xtiliáj yej melaꞌcie̱rtoj de nej,

San Juan 16:7

Eꞌ ayá̱ꞌ nimitzkajkaya̱waj: ye̱kti iga maniá, iga siga ayá̱ꞌ nia, el Espíritu Santo yej mitzyo̱lchika̱waj ayá̱ꞌ wi̱ꞌ iga maonoki amowa̱n; eꞌ siga nia, nia nimitzti̱tanili̱tij.

San Juan 3:17

Dios ayá̱ꞌ kiti̱tan iPiltzi̱n ipan iní̱n ta̱jli iga makijto iga makicastiga̱ro la gente, ma̱jwaꞌ iga makima̱nawi.

San Juan 5:26

Iga noTaj Dios wel tamaka vida, no̱ ne̱máꞌ nej yej iPiltzi̱n iga manitamaka vida.

San Juan 7:16

Jesús kijtoj: —Ken nimitzmachtiáj ayéj nejsan nikijtowa, iga ijkó̱n kijtowa yej ne̱ti̱tan.

San Juan 8:40

Eꞌ iná̱n amejwa̱n anne̱mikti̱jnekij iga san nimitzijlijkej yej melá̱ꞌ, yej Dios ne̱ne̱xtilij. ¡Abraham ayí̱ꞌ ijkó̱n kichij!

San Juan 8:47

Yej itatki Dios, kikaki itájto̱l Dios. Eꞌ iga amejamej ayéj de Dios, inó̱n iga ayá̱ꞌ ankikakij notájto̱l.

Hechos 1:2

iwá̱n este iga tejkaj ipan cielo. Kua̱ꞌ aya yawi ipan cielo kitapejpen iyapo̱stolejmej wa̱n iga el Espíritu Santo kitekimakakej te̱ makichi̱waka̱n.

Hechos 10:38

Ankimatij no̱ ken iga Dios kimáꞌ Jesús de Nazaret iyEspí̱rito Santo iga wel makichijtinemi yej ye̱kti iwá̱n makachitialtijtinemi nochi yej tzitzimiꞌ kikno̱chijtoya. Jesús kichi̱waya inó̱n iga Dios onoya íwa̱n.

Romanos 8:2

Iga tise̱titokej wa̱n Cristo Jesús, iyEspí̱ritoj Dios te̱maka vida iga ayꞌya tikchi̱waj yej aye̱kti; te̱salva̱roj iwá̱n ayꞌya te̱tekimaka inó̱n ley yej kijtowa iga timikiskej iga tikchi̱waj yej aye̱kti.

Efesios 3:8

Nej yej má̱j até̱ noteki que nochi yej kitapejpen Dios iga itatki; eꞌ yéj kiye̱ꞌita iga manikpowili ye̱ꞌnoti̱ciaj yej ayéj judiyojmej. Inó̱n ye̱ꞌnoti̱ciaj te̱mati̱ltiá yej kichij Cristo iga tejame̱n, yej pox vale̱rowa iwá̱n ayagaj wel kaxiliá ipatiyo.

Colosenses 1:19

Puej Dios kiye̱ꞌitaꞌ iga nochi ipode̱r maono ipan Cristo.

Colosenses 2:9

Cristo, malej iga kipiaya se̱ icue̱rpoj ken tejáme̱mpa, yéjwaꞌ nokta Dios no̱.

El Apocalipsis 21:6

Iwá̱n ne‑ijlij: —Chíjtoꞌya. Nej ka̱n pe̱wa iwá̱n ka̱n tami, ken le̱trajmej del alfabeto pe̱wa ipan A iwá̱n tami ipan Z. Yej a̱tanekis nej nikmakas a̱ꞌti yej ki̱sa ipan a̱tzontekon yej tamaka vida, ayá̱ꞌ yawi kikowátipa.

El Apocalipsis 22:1

Iwá̱n el ángel ne̱ne̱xtilij se̱ we̱ya̱ꞌ yej tamaka vida, este chipaktiꞌ ken tikita cristal. Inó̱n we̱ya̱ꞌ ki̱saya ipan iweyi asiento ka̱n mota̱liá Dios iwá̱n el Cordero.