San Juan 3:29 - El Nuevo Testamento

²⁹ Ka̱n mona̱miktilo, chokótzi̱nwaꞌ in yej kipiá takotzi̱n; iwá̱n yej chokotzi̱n iyami̱goj yej ompa no̱ onoꞌ, san takaki, poxsan pa̱ki iga kikaktoꞌ nemi ta̱tapowa chokotzi̱n. Ijko̱nsan no̱ nej iná̱n nipoxyo̱lpa̱ki.

San Juan 3:29 Iomraidhean Croise

San Mateo 22:2

—Ka̱n reina̱rowa Dios, ken tikita se̱ rey yej kilwichi̱wiliá ipiltzi̱n iga mona̱miktiá.

San Mateo 25:1

Jesús kijtoj: —Ka̱n reina̱rowa Dios ken tikita diez takomej yej kikuikej icandi̱lmej de aceite iwá̱n yajkij ka̱n mona̱miktilo iga ki̱xna̱mikitoj chokotzi̱n.

San Mateo 9:15

Jesús kijtoj: —¿Ix wel mokno̱matitoskej te‑ikni̱wa̱n ka̱n mona̱miktilo mie̱j ompa onoꞌ iwa̱mej chokotzi̱n yej mona̱miktiá? Eꞌ asiti día kua̱ꞌ chokotzi̱n kiwi̱gaskej. Íkua̱ꞌya sí mayuna̱ro̱skej.

San Lucas 15:6

Iwá̱n kua̱ꞌ ásisya icha̱n, kinechko̱j iyami̱gojmej iwá̱n iveci̱nojmej, kijto̱j: “Matipa̱kika̱n, iga iná̱n nikásiꞌya noborre̱goj yej nikpolojka.”

San Juan 15:11

’Nimitzijliáj nochi iní̱n iga xipa̱ktoka̱n ken nej, ijkó̱n anmelaꞌpa̱ktoskej.

San Juan 16:24

Este iná̱n ayá̱ꞌ nemi ankitajtanij nité̱ ipan noto̱ka̱ꞌ; xiktajtanika̱n, iwá̱n mitzmakaskej iga ximelaꞌpa̱kika̱n.

San Juan 17:13

’Iná̱n nia ka̱n tej tonoꞌ; iwá̱n nikijtowa iní̱n mie̱j nónogoꞌ ipan ta̱jli, iga yejamej no̱ mapa̱kika̱n ken nej nipa̱ktoꞌ.

San Juan 3:30

Iná̱n yéj sej yawij kiweyimati̱lti̱tij, iwá̱n nej yawij neali̱mpamatitij.

2 Corintios 11:2

Dios kichij iga manimitzyo̱koyaka̱n amejwa̱n. Nikneki iga amejwa̱n nochipa xiktokaka̱n Cristo; amejwa̱n ken tikita se̱ yej takótzi̱noꞌ yej yawi mona̱mikti̱ti, yej aya yawi wa̱n seꞌ, wa̱n nej ken yej nia nimitzna̱mikti̱ti wa̱n se̱san yej ito̱ka̱ꞌ Cristo.

Filipenses 2:2

inó̱n iga nimitztajtaniliáj amonochi̱n iga xikchi̱waka̱n iga manipoxpa̱kto iga xonoka̱n ken se̱san, iwá̱n ximopoxnekika̱n, se̱san amoa̱lmaj iwá̱n se̱san xikejla̱ntoka̱n.

1 Juan 1:4

Nejamej nimitzijkuilowiliáj iní̱n iga pox matiyo̱lpa̱ktoka̱n.

2 Juan 1:12

Ónogoꞌ komati yej wel katka manimitzijli̱ka̱n; eꞌ ayá̱ꞌ nikneki manimitzijkuilowilí̱ka̱mpa ipan a̱maꞌ, iga nia̱jneki noma̱tika nimitzitatij iga wel matisenta̱tapowaka̱n iwá̱n matisempa̱kika̱n.

El Apocalipsis 21:9

Iwá̱n wa̱laj se̱ de ino̱mej siete a̱ngelejmej yej kiki̱tzkijtoyaj siete wajkalmej yej kipiayaj siete pla̱gajmej iwá̱n ne‑ijlij: —Xinejnemi, nia nimitzne̱xtili̱ti takotzi̱n yej mochi̱was isiwa̱ꞌ el Cordero.