San Juan 3:17 - El Nuevo Testamento

¹⁷ Dios ayá̱ꞌ kiti̱tan iPiltzi̱n ipan iní̱n ta̱jli iga makijto iga makicastiga̱ro la gente, ma̱jwaꞌ iga makima̱nawi.

San Juan 3:17 Iomraidhean Croise

San Mateo 1:23

Se̱ takotzi̱n yej aya kichijchimi ta̱gaꞌ, xo̱lo̱yowis iwá̱n kitas ichoochi̱n, moto̱ka̱wi̱j Emanuel, yej kijto̱jneki: Dios onoꞌ towa̱n.

San Mateo 18:10

’Amo xikali̱mpamatika̱n ini̱mej yej ne̱tokaj. Nimitzijliáj iga iya̱ngelejmej yej kicuida̱rowaj, nochipa onokej iyi̱xtaj noTaj ipan cielo.

San Mateo 18:11

Nej yej iPiltzi̱n Ta̱gaꞌ niwa̱laj nikma̱nawi̱ko yej pojpoliwika.

San Lucas 19:10

Nej yej iPiltzi̱n Ta̱gaꞌ, niwa̱laj nikte̱mo̱ko iwá̱n nikma̱nawi̱ko yej polijtokej.

San Lucas 9:56

Nej yej iPiltzi̱n Ta̱gaꞌ ayá̱ꞌ niwa̱laj nitapolo̱ko, niwa̱laj nitama̱nawi̱ko iga amo mapoliwilo. Iwá̱n yájkija ipan seꞌ a̱ltepe̱ꞌ.

San Juan 1:29

Ipanya seꞌ día, Juan kitaꞌ Jesús iga kina̱ꞌtechojtiwi̱ꞌ, iwá̱n kijtoj: —Taꞌ xikitaka̱n, ini̱nwaꞌ in yej Dios iCorde̱roj yej wel kiperdona̱rowa yej aye̱kti yej kichij la gente.

San Juan 10:36

Siga Dios ne̱tapejpen iwá̱n ne̱ti̱tan ipan iní̱n ta̱jli, ¿kén ankijto̱skej iga nima̱ltajtoj iga nikijtoj iga nej iPiltzi̱n Dios?

San Juan 11:42

Nej nikmati iga nochipa tine̱kaki, eꞌ nikijtoj iní̱n iga ini̱mej gente yej nij onokej makicre̱do̱ka̱n iga tej tine̱ti̱tan.

San Juan 17:18

Ken nej tine̱ti̱tan ka̱n onokej yej ayá̱ꞌ mitzi̱xmatij, ijkó̱n no̱ nikti̱tanij yejame̱n ka̱n onokej yej ayá̱ꞌ mitzi̱xmatij.

San Juan 17:21

Nimitztajtaniliá iga yejamej maonoka̱n se̱san iya̱lmajmej kensan tej tinoTaj, tise̱titokej. Iwá̱n makipiaka̱n se̱san iya̱lmajmej ipan tejamej, iga yej aya mitzi̱xmatij makicre̱do̱ka̱n iga tej tine̱ti̱tan.

San Juan 17:23

Nej nonoꞌ ipan yejame̱n, iwá̱n tej tonoꞌ ipan nej, iga yejamej mamelaꞌse̱tiaka̱n, iwá̱n ijkó̱n yej ayá̱ꞌ mitzi̱xmatij, makimatika̱n iga tej tine̱ti̱tan, iwá̱n tikpoxneki yejamej kensan nej tine̱neki.

San Juan 17:25

NoTaj, yej nochipa tikchi̱wa yej ye̱kti, yej amitzcre̱dowaj, ayá̱ꞌ mitzi̱xmatij; eꞌ nej nimitzi̱xmati, iwá̱n ini̱mej yej ne̱tokaj kimatij iga tej tine̱ti̱tan.

San Juan 17:3

Iga se̱ maono nochipa mowa̱n, kineki mamitzi̱xmati, tej yej mosé̱ltisan timelaꞌDio̱s, iwá̱n nej Jesucristo yej tej tikti̱tan.

San Juan 17:8

Puej nikpowilij motájto̱l yej tej tine̱máꞌ, iwá̱n yejame̱n kiye̱ꞌkuikej. Kicre̱dójkeja iga tej nokta tine̱ti̱tan.

San Juan 20:21

Iwá̱n Jesús kijtoj sej: —Tamelá̱ xonoka̱n. Ijkó̱n ken toTaj ne̱ti̱tan, nej no̱ nimitzti̱tanij amejwa̱n.

San Juan 3:34

pues yej Dios kiti̱tan, kijtowa tájto̱l yej Dios kijtowa, iga Dios nokta kimaka iyEspí̱ritoj.

San Juan 5:36

Eꞌ nej nikpiá ka̱n niktaksaltiá notájto̱l, má̱j ye̱kti que yej kijtoj Juan. Yej nej nikchi̱wa, inó̱n yej toTaj ne‑ijlij iga manikchi̱wa, iwá̱n inó̱n yej nikchi̱wa, kine̱xtiá iga kena, toTaj ne̱ti̱tan.

San Juan 5:38

niga ankipiáj itájto̱l ipan amoa̱lmajmej iga ayá̱ꞌ ankicre̱dowaj ipan nej yej ne̱ti̱tan toTaj.

San Juan 5:45

Amo ankijto̱skej iga nej nimitzte̱lwi̱skej iyi̱xtaj noTaj; yejwaꞌ mitzte̱lwiáj Moisés, yej amejwa̱n ípan anmoconfia̱rojtokej.

San Juan 6:29

Jesús kijtoj: —Dios kineki iga xicre̱do̱ka̱n ipan inó̱n yej yéj kiti̱tan.

San Juan 6:38

Iga nej ayá̱ꞌ niwa̱laj ipan cielo iga san manikchi̱waki kensan nikneki, sino que iga manikchi̱wa ken kineki yej ne̱ti̱tan.

San Juan 6:40

Yej ne̱ti̱tan kineki iga inochi yej kitachi̱liá iPiltzi̱n Dios, iwá̱n kicre̱dowa ipan yéj, nike̱man ayꞌya mikis, iwá̱n nej nia nikojpa‑ixiti̱ti kua̱ꞌ Dios wi̱ꞌ tajuzga̱ro̱ki.

San Juan 6:57

ToTaj yej ne̱ti̱tan isatoꞌ, iwá̱n nej nisatoꞌ iga yéj; ijko̱nsan no̱ yej kikua nonakayo, onos iga nej.

San Juan 7:29

Nej sí niki̱xmati iga ipan yéj niki̱saꞌ, iwá̱n yéj ne̱ti̱tan.

San Juan 8:11

Siwa̱ꞌ kijtoj: —Ayagaj, noTe̱ko. Jesús kijtoj: —Nej no̱ ayá̱ꞌ nikijtowa iga ximiki; iná̱n xaja iwá̱n ayoꞌ xikchi̱wa yej aye̱kti.

San Juan 8:42

Jesús kijtoj: —Siga melá̱ꞌ iga Dios amotaj, amejamej anne̱nekiáj, iga nej ne̱ti̱tan Dios. Ayá̱ꞌ niyokawa̱laj, sino que Dios ne̱ti̱tan.

1 Juan 2:2

Jesucristo mote̱máꞌ iga miꞌ iga tejamej iga mate̱perdona̱rowili yej tikchijkej yej aye̱kti, ayejsan iga tejamej, no̱ iga inochi gente yej onoꞌ ipan iní̱n ta̱jli.

1 Juan 4:14

Iwá̱n nejamej nikitakej iwá̱n niknojma‑ijtowaj iga toTaj kiti̱tan iPiltzi̱n iga makisalva̱ro nochi gente.