San Juan 21:20 - El Nuevo Testamento

²⁰ Kua̱ꞌ Pedro tacháꞌ itepotztajpa, kitaꞌ iga kitokatiwa̱laj inó̱n yej Jesús kipoxnekiá, ino̱nsan yej e̱watoya ite̱noj kua̱ꞌ cena̱rojtoyaj iwá̱n kitajtan: “NoTe̱ko, ¿a̱ꞌyéj in yej yawi mitzne̱xti̱ti iga mamitzki̱tzki̱ka̱n?”

San Juan 21:20 Iomraidhean Croise

San Mateo 26:46

Ximoketzáka̱nya, tiáka̱nya; wi̱ꞌya yej ne̱ne̱xtiá.

San Juan 20:2

Iwá̱n motalojtiajki ka̱n onoꞌ Simón Pedro iwá̱n seꞌ discípulo, inó̱n yej Jesús kipoxnekiá, iwá̱n kijlijkej: —¡Kichté̱kkeja toTe̱ko ompa ka̱n onoya ipan a̱nimajtexapoꞌ, iwá̱n iná̱n atikmatij ka̱n kiwi̱gakej!

San Juan 21:21

Kua̱ꞌ Pedro kitaꞌ, kitajtan Jesús: —NoTe̱ko, in iní̱n ¿te̱ yawi kipasa̱ro̱ti?

San Juan 21:24

Nejsan in inó̱n discípulo yej nikpowa nochi iní̱n yej nikitaꞌ, iwá̱n nikijkuiloj. Iwá̱n nikmati iga ayá̱ꞌ nitakajkaya̱wa.

San Juan 21:7

Iwá̱n inó̱n discípulo yej Jesús kipoxnekiá, kijlij Pedro: —¡Ino̱nwaꞌ toTe̱ko! Kua̱ꞌ kikáꞌ Simón Pedro iga toTe̱ko, motaajakij, iga ayá̱ꞌ kakijtoya itzótzol, iwá̱n momo̱taꞌ a̱tampa.