San Juan 21:16 - El Nuevo Testamento

¹⁶ Sej kitajtan, iga iní̱n o̱me ve̱jya: —Simón, ipiltzi̱n Jonás, ¿ix tine̱neki? Pedro kijtoj: —Kena noTe̱ko, tej tikmati iga nimitzneki. Jesús kijtoj: —Xicuida̱ro noborre̱gojmej.

San Juan 21:16 Iomraidhean Croise

San Mateo 2:6

Tej, Belén, yej tonoꞌ ipan estado de Judá, malej iga ti‑a̱ltepe̱tzi̱n, eꞌ ayéj yej má̱j ti‑ali̱mpa, no̱ tivale̱rowa kensan ino̱mej wejweyi a̱ltepe̱ꞌ yej onoꞌ ipan estado de Judá; iga ipan tej yawi ki̱sati se̱ yej manda̱rowa, yej yawi kicuida̱ro̱ti noge̱ntej de Israel.

San Mateo 25:32

Iwá̱n nochi gente yej onoꞌ ipan iní̱n ta̱jli yawij monechko̱tij no‑i̱xtaj, iwá̱n nej nia nikyojyokati̱tij, ken tikita yej kicuida̱rowa yo̱lka̱mej kiyojyokatiá borre̱gojmej iwá̱n chi̱vojmej.

San Mateo 26:72

Iwá̱n Pedro sej kijtoj iga aki̱xmati, este kito̱ka̱wij Dios iga ijkó̱n nokta, kijtoj: —Ayá̱ꞌ niki̱xmati in inó̱n ta̱gaꞌ.

San Lucas 19:10

Nej yej iPiltzi̱n Ta̱gaꞌ, niwa̱laj nikte̱mo̱ko iwá̱n nikma̱nawi̱ko yej polijtokej.

San Juan 18:17

Takotzi̱n kitajtan Pedro: —¿Ayéj tej se̱ idiscí̱poloj Jesús? Pedro kijtoj: —Ayéj, ayéj nej.

San Juan 18:25

Mie̱j Pedro ómpasan ejkatoya iga moskojtoya tite̱noj, kitajtankej: —¿In tej ayéj se̱ idiscí̱poloj Jesús? Pedro kijtoj iga ayá̱ꞌ ki̱xmati Jesús, kijtoj: —Ayá̱ꞌ, ayéj nej.

San Juan 21:17

Iga iní̱n e̱yi ve̱ja kitajtan: —Simón, ipiltzi̱n Jonás, ¿ix tine̱neki? Pedro mokno̱matiꞌ iga e̱yi ve̱ja kitajtanij iga si kineki; iwá̱n kijlij: —NoTe̱ko, tej nochi tikmati; tej tikmati iga nimitzneki. Jesús kijtoj: —Xicuida̱ro noborre̱gojtzitzi̱n.

Hechos 20:28

Inó̱n iga xikitaka̱n ken iga xiye̱ꞌnemika̱n. Ijko̱nsan no̱ xikitaka̱n iga maye̱ꞌnemika̱n tokni̱wa̱n yej kitokaj Jesucristo. Porque amejwa̱n el Espíritu Santo mitzta̱lkej iga xikitaka̱n tokni̱wa̱n yej toTe̱ko Jesucristo kikowaꞌ iga iyesyo.

Hebreos 13:20

Dios kichi̱wa iga wel matonoka̱n tamelá̱. Yéj ki‑ojpa‑ixitij toTe̱ko Jesucristo ka̱n miktoya. Iga iyesyo Jesús, Dios kichij seꞌ pacto iga wel nochipa te̱ye̱ꞌita. Iná̱n Jesús te̱cuida̱rowa ken se̱ pastor kicuida̱rowa iborre̱gojmej, yéj nokta ije̱fej nochi pasto̱rmej.

1 Pedro 2:25

Porque ikya amejwa̱n ken tikita anborre̱gojmej yej pojpolijtinemiáj, eꞌ iná̱n ayoꞌ ampojpolijtinemij iga ankitókaja Cristo yej nochipa mitzcuida̱rowaj.

1 Pedro 5:2

Xikitaka̱n tokni̱wa̱n yej Dios mitzmakakej iga xicuida̱ro̱ka̱n. Xicuida̱ro̱ka̱n ken se̱ yej kicuida̱rowa yo̱lka̱mej. Xikyo̱lmakaka̱n iga xikchi̱waka̱n ken Dios kineki, iwá̱n amo xiktekiꞌchi̱waka̱n. Ayéj iga tomi̱n mamitzyo̱ltila̱naka̱n.

El Apocalipsis 7:17

iga Jesucristo yej kijliáj Cordero yej e̱watoꞌ tajko trono yawi kicuida̱ro̱ti ino̱mej ken tikita borre̱gojmej. Iwá̱n Jesucristo yawi kiwi̱gati ka̱n onoꞌ a̱tzontekon iwá̱n yawij koni̱tij a̱ꞌti yej kichi̱was iga nochipa maonolo; iwá̱n Dios yawi kipojpowili̱ti iyi̱xa̱mej.