San Juan 21:15 - El Nuevo Testamento

¹⁵ Kua̱ꞌ tamiꞌ takuajkej, Jesús kitajtan Simón Pedro: —Simón, ipiltzi̱n Jonás, ¿ix tine̱neki má̱j que ini̱mej? Pedro kijtoj: —Kena noTe̱ko, tej tikmati iga nimitzneki. Iwá̱n Jesús kijtoj: —Xine̱cuida̱rowíliwaꞌ noborre̱gojtzitzi̱n.

San Juan 21:15 Iomraidhean Croise

San Mateo 10:37

’Yej makineki itaj o iye̱ꞌ má̱j que nej, inó̱n ayá̱ꞌ kajasi iga mane̱toka; yej makineki iyokichpiltzi̱n o isiwa̱piltzi̱n má̱j que nej, inó̱n ayá̱ꞌ kajasi iga mane̱toka;

San Mateo 16:17

Iwá̱n Jesús kijtoj: —Xipa̱ki tej Simón yej ipiltzi̱n Jonás iga ayéj ta̱gaꞌ mitzmati̱ltij, noTaj yej onoꞌ ipan cielo mitzmati̱ltij.

San Mateo 18:10

’Amo xikali̱mpamatika̱n ini̱mej yej ne̱tokaj. Nimitzijliáj iga iya̱ngelejmej yej kicuida̱rowaj, nochipa onokej iyi̱xtaj noTaj ipan cielo.

San Mateo 26:33

Iwá̱n Pedro kijtoj: —Malej iga inochi̱n mamitzsenkokajte̱waka̱n, eꞌ nej ayá̱ꞌ.

San Mateo 26:35

Pedro kijtoj: —Malej iga matisenmikika̱n, nej ayá̱ꞌ nikito̱j iga ayá̱ꞌ nimitzi̱xmati. Iwá̱n nochi idisci̱polojmej ijko̱nsan no̱ kijtojkej.

San Marcos 14:29

Pedro kijtoj: —Malej iga inochi̱n mamitzsenkokajte̱waka̱n, eꞌ nej ayá̱ꞌ.

San Lucas 12:32

Jesús kijtoj: —Amo ximajmawika̱n, amejwa̱n yej ken amborre̱gojmej yej ayá̱ꞌ ankomatimej, eꞌ toTaj kineki iga íwa̱n xisenmanda̱ro̱ka̱n.

San Lucas 22:32

Eꞌ nikte̱néwija Dios iga tej, iga amo xikajte̱wa iga timoconfia̱rowa ipan nej. Kua̱ꞌ timomelaꞌconfiá̱roja, xikpale̱wi mokni̱wa̱n iga nochipa mamoconfia̱rojtoka̱n ipan nej.

San Juan 1:42

Iwá̱n Andrés kiwi̱gaꞌ Simón ka̱n onoya Jesús, iwá̱n kua̱ꞌ Jesús kitaꞌ kijlij: —Tej tiSimó̱n, ipiltzi̱n Jonás, eꞌ iná̱n tia timoto̱ka̱wi̱ti Cefas —yej kijto̱jneki Pedro.

San Juan 13:37

Iwá̱n Pedro kijtoj: —NoTe̱ko, ¿te iga iná̱n awel nimitztokas? Nej niksentá̱lija noa̱lmaj iga manimiki iga tej.

San Juan 16:27

iga toTaj mitzpoxnekij. Mitznekij iga amejwa̱n anne̱nekij, iwá̱n ankicre̱dojkej iga nej niwa̱laj de Dios.

San Juan 21:12

Iwá̱n Jesús kijtoj: —Xitakuá̱kija. Iwá̱n nisé̱ de idisci̱polojmej ami̱xe̱wia̱ya iga kitajtaniáj a̱ꞌyéj in yéj, iga kimatiáj iga toTe̱ko.

San Juan 21:7

Iwá̱n inó̱n discípulo yej Jesús kipoxnekiá, kijlij Pedro: —¡Ino̱nwaꞌ toTe̱ko! Kua̱ꞌ kikáꞌ Simón Pedro iga toTe̱ko, motaajakij, iga ayá̱ꞌ kakijtoya itzótzol, iwá̱n momo̱taꞌ a̱tampa.

San Juan 8:42

Jesús kijtoj: —Siga melá̱ꞌ iga Dios amotaj, amejamej anne̱nekiáj, iga nej ne̱ti̱tan Dios. Ayá̱ꞌ niyokawa̱laj, sino que Dios ne̱ti̱tan.

Hechos 20:28

Inó̱n iga xikitaka̱n ken iga xiye̱ꞌnemika̱n. Ijko̱nsan no̱ xikitaka̱n iga maye̱ꞌnemika̱n tokni̱wa̱n yej kitokaj Jesucristo. Porque amejwa̱n el Espíritu Santo mitzta̱lkej iga xikitaka̱n tokni̱wa̱n yej toTe̱ko Jesucristo kikowaꞌ iga iyesyo.

Hechos 20:29

Pues nej nikmati iga kua̱ꞌ nimitzkajte̱wáskeja, wi̱kiskej sekin yej kinekiskej mamitzpojpolo̱ka̱n amejwa̱n yej ankitokaj toTe̱ko. Ayompa mitzmachti̱skej iga xiki̱saka̱n pan ye̱ꞌojti, ken tikita mitzkua̱jnekij ken lo̱bojmej kikuaj borre̱gojmej.

Romanos 14:1

Siga se̱ aya momelaꞌconfia̱rowa ipan Cristo, xiko̱mema̱wi̱ka̱n iwá̱n amo ximote̱nki̱tzki̱ka̱n íwa̱n igasan ayá̱ꞌ kichi̱wa yej amejwa̱n ankiye̱ꞌitaj.

Romanos 15:1

Tejamej yej timoconfia̱rówaja ipan toTe̱ko, matikpale̱wi̱ka̱n tokni̱wa̱n yej aya momelaꞌconfia̱rowaj ipan toTe̱ko. Amo matikchi̱waka̱n yejsan tejamej tiknekij.

1 Corintios 8:11

Iwá̱n iga inó̱n tikchi̱wa tej yej tikmátiya, tikpojpolowa mokni̱n yej aya kimati iní̱mbapa; iwá̱n Cristo no̱ miꞌ iga yéj.

Gálatas 5:6

Siga tise̱titokej iwá̱n Cristo Jesús, até̱ kichij siga tonokej circuncida̱doj o ayá̱ꞌ, monékisan iga matimoconfia̱ro̱ka̱n ipan Dios, iwá̱n siga timoconfia̱rowaj, tiknekískeja tokni̱wa̱n.

Efesios 4:14

Ayoꞌ matinemika̱n ken ko̱kone̱ꞌ yej nijnijiga kiwi̱gaj ejekaꞌ kua̱ꞌ nejnemij. Onoꞌ nokta yej tamachtiáj iga takajkaya̱waj iwá̱n kinekij mate̱kajkaya̱waka̱n iwá̱n mate̱wi̱gaka̱n pan yej ayéj ye̱ꞌojti. Amo ijkó̱n mate̱chi̱wili̱ka̱n.

Efesios 6:24

Ken iga Dios kiye̱ꞌita makichi̱wa ipan nochi yej ayí̱ꞌ kikajte̱waj iga kipoxnekij toTe̱ko Jesucristo. Ijkó̱nyawaꞌ.

Hebreos 13:20

Dios kichi̱wa iga wel matonoka̱n tamelá̱. Yéj ki‑ojpa‑ixitij toTe̱ko Jesucristo ka̱n miktoya. Iga iyesyo Jesús, Dios kichij seꞌ pacto iga wel nochipa te̱ye̱ꞌita. Iná̱n Jesús te̱cuida̱rowa ken se̱ pastor kicuida̱rowa iborre̱gojmej, yéj nokta ije̱fej nochi pasto̱rmej.

Hebreos 4:13

Ateyi nité̱ yej Dios kichij yej wel mami̱ya̱na iyi̱xtaj; Dios nochi kitas nokta ken onoꞌ, iwá̱n iyi̱xtaj yéj ke̱man tiawij tikijli̱tij nochi yej tikchijkej.

1 Pedro 1:8

Amejwa̱n ankinekij Jesucristo malej ayí̱ꞌ ankitaj; iwá̱n malej iga aya ankitaj, ankicre̱dowaj yéj. Ampoxpa̱kij, este awel ankijtowaj iga tájto̱l ken iga nochipa ampoxpa̱kij.

1 Pedro 2:2

Xijyaka̱n ken seliꞌko̱kone̱ꞌ yej a̱tanekij iga kinektokej chi̱chiwala̱ꞌ, iwá̱n ino̱nwaꞌ chi̱chiwala̱ꞌ kijto̱jneki itájto̱l Dios yej pox ye̱kti iwá̱n te̱pale̱wiá iga wel má̱j matimoconfia̱ro̱ka̱n ipan yéj iwá̱n wel te̱salva̱rowa.

1 Pedro 2:25

Porque ikya amejwa̱n ken tikita anborre̱gojmej yej pojpolijtinemiáj, eꞌ iná̱n ayoꞌ ampojpolijtinemij iga ankitókaja Cristo yej nochipa mitzcuida̱rowaj.

1 Juan 4:19

Tejamej tiknekij Dios iwá̱n tiknekij tokni̱wa̱n iga Dios achto te̱neguiꞌ.

1 Juan 5:1

Nochi yej kijtowa iga Jesús nokta in Cristo, inó̱n yej ijkó̱n kijtowa ipiltzi̱n Dios; iwá̱n yej kineki toTaj, no̱ kineki ipilowa̱n toTaj.

El Apocalipsis 2:23

iwá̱n ipilowa̱n inó̱n siwa̱ꞌ nochi nia nikmiktili̱ti. Iwá̱n ijkó̱n inochi yej ne̱cre̱dojtokej yawij kimatitij iga nej nikmati inochi yej la gente kejla̱ntokej ipan iya̱lmajmej; iwá̱n sejsé̱ de amejwa̱n nimitzmakaskej san ken ankichijkej.