San Juan 20:25 - El Nuevo Testamento

²⁵ Iwá̱n sekin disci̱polojmej kijlijkej: —Nikitákeja toTe̱ko. Eꞌ Tomás kijtoj: —Siga ayá̱ꞌ nikitaliá ima̱mej ka̱n panoj cla̱vojmej, iwá̱n ayá̱ꞌ nikakiá nomájpil ka̱n kisoloj cla̱vojmej, iwá̱n siga anikakiá noma̱ꞌ ka̱n kisolojkej ise̱katan, ayá̱ꞌ nicre̱dowa.

San Juan 20:25 Iomraidhean Croise

San Mateo 27:42

—Sekin kima̱nawij, igá̱najsan awel moma̱nawiá, siga yéj iRre̱y Israel, matemo ipan cruz iga maticre̱do̱ka̱n ipan yéj.

San Marcos 16:11

Kua̱ꞌ yejamej kimatikej iga Jesús ojpa‑isaꞌ iwá̱n iga María kítaꞌya, yejame̱n akicre̱dojkej.

San Marcos 16:13

Yejamej no̱ yajkij iga kimati̱lti̱toj sekin, eꞌ yejamej no̱ ayá̱ꞌ kicre̱dowilijkej ken iga kijtojkej.

San Marcos 16:14

Má̱j má̱j Jesús ki̱xne̱xtilij once idisci̱polojmej ka̱n nemi takuaj. Iwá̱n Jesús kajajwaꞌ ino̱mej iga ayá̱ꞌ kicre̱dowa̱yaj iga yo̱ltakuaktíkejoꞌ iga ayá̱ꞌ kicre̱dowilijkej ino̱mej yej kitakej iga Jesús ojpa‑ísaꞌya.

San Lucas 24:25

Iwá̱n Jesús kijtoj: —Amejame̱n pox ankua̱takuaktikej iwá̱n ayá̱ꞌ wel ankitajto̱lkuij profe̱tajmej.

San Juan 1:41

Andrés, lo que kichij, achto yajki kite̱mo̱to iyikni̱n yej ito̱ka̱ꞌ Simón iwá̱n kijlij: —Nikasíkeja in Mesías —yej kijto̱jneki Cristo.

San Juan 20:27

Iwá̱n kijlij Tomás: —Xikaki nigaj momájpil, iwá̱n xikita noma̱mej; iwá̱n xikuajliga moma̱ꞌ iwá̱n xikaki nose̱katan. Amo xiyo̱ltakuaktiꞌ, sino que xicre̱do ipan nej.

San Juan 21:7

Iwá̱n inó̱n discípulo yej Jesús kipoxnekiá, kijlij Pedro: —¡Ino̱nwaꞌ toTe̱ko! Kua̱ꞌ kikáꞌ Simón Pedro iga toTe̱ko, motaajakij, iga ayá̱ꞌ kakijtoya itzótzol, iwá̱n momo̱taꞌ a̱tampa.

San Juan 6:30

Iwá̱n kitajtankej: —¿Te̱ milagro wel anne̱ne̱xtiliáj iga manikitaka̱n iga manimitzcre̱do̱ka̱n? ¿Te̱ wel tikchi̱wa?

Hebreos 3:12

Nokni̱wa̱n, amo maono nisé̱ de amejwa̱n yej kiyo̱ltila̱na yej aye̱kti iwá̱n makikajte̱wa iga moconfia̱rowa ipan Dios yej ayí̱ꞌ mikis.

Hebreos 3:18

¿Iwá̱n a̱ꞌyéj Dios kinojma‑ijlij iga ayá̱ꞌ kalakiskej ka̱n mamose̱wi̱ka̱n íwa̱n? Inó̱mejsan no̱ yej ayá̱ꞌ kichijkej ken Dios kitekimakakej.