San Juan 20:22 - El Nuevo Testamento

²² Iwá̱n Jesús kipi̱tzaꞌ yejame̱n, iwá̱n kijtoj: —Manimitzmakáka̱nya iyEspí̱ritoj Dios.

San Juan 20:22 Iomraidhean Croise

San Juan 14:16

Iwá̱n nia niktajtanili̱ti toTaj iga mamitzti̱tanili̱ka̱n seꞌ yej mamitzpale̱wi̱ka̱n, iwá̱n mamitzyo̱lchika̱waka̱n iga nochipa maono amowa̱n:

San Juan 15:26

’Nia niktajtanili̱ti toTaj iga mamitzti̱tanili iyEspí̱ritoj. Inó̱n iyEspí̱ritoj mitzpale̱wiáj iwá̱n mitzyo̱lchika̱waj iga mitzne̱xtiliáj yej melaꞌcie̱rtoj de nej,

San Juan 16:7

Eꞌ ayá̱ꞌ nimitzkajkaya̱waj: ye̱kti iga maniá, iga siga ayá̱ꞌ nia, el Espíritu Santo yej mitzyo̱lchika̱waj ayá̱ꞌ wi̱ꞌ iga maonoki amowa̱n; eꞌ siga nia, nia nimitzti̱tanili̱tij.

San Juan 20:21

Iwá̱n Jesús kijtoj sej: —Tamelá̱ xonoka̱n. Ijkó̱n ken toTaj ne̱ti̱tan, nej no̱ nimitzti̱tanij amejwa̱n.

San Juan 20:23

Yej amejwa̱n ankiperdona̱rowili̱skej agaj yej kichij yej aye̱kti, Dios no̱ kiperdona̱ro̱j; yej ayá̱ꞌ ankiperdona̱rowili̱skej, inó̱n Dios no̱ ayá̱ꞌ kiperdona̱ro̱j.

San Juan 7:39

Iga inó̱n kijtoj Jesús, kijtoj iga yej kicre̱do̱j itájto̱l, kipiás iyEspí̱ritoj Dios; íkua̱ꞌ aya wi̱tziá iyEspí̱ritoj Dios, iga Jesús aya kiweyimati̱ltia̱yaj ipan cielo iga aya ojpa‑isa.

Hechos 10:47

Iwá̱n Pedro kijtoj: —¿Ix wel agaj kijtowa iga amo mamobautiza̱ro̱ka̱n ipan a̱ꞌti ini̱mej yej Dios kimajmaꞌya no̱ iyEspí̱rito Santo kensan tejame̱n te̱majmáꞌ?

Hechos 19:2

Iwá̱n Pablo tatajtan: —¿Ix Dios mitzmakakej iyEspí̱rito Santo kua̱ꞌ ankicre̱dojkej ipan Jesús? Yejamej kijtojkej: —Nejame̱n ayí̱ꞌ nikakiáj siga onoꞌ el Espíritu Santo.

Hechos 2:38

Iwá̱n Pedro kijtoj: —Xikajte̱wáka̱nya iga ankichi̱waj yej aye̱kti wa̱n xikna̱ꞌtecho̱ka̱n Dios iwá̱n ximobautiza̱ro̱ka̱n sejsé̱ de amejwa̱n ipan ito̱ka̱ꞌ Jesucristo, iga mamitzperdona̱rowili̱ka̱n yej ankichijkej yej aye̱kti; iwá̱n Dios mitzmakaskej iyEspí̱rito Santo.

Hechos 2:4

Iwá̱n el Espíritu Santo asiꞌ ipan yejame̱n, iwá̱n pe̱ꞌ tajtojkej ipan se̱seꞌpa tájto̱l kensan el Espíritu Santo kitajto̱ltia̱yaj.

Hechos 4:8

Iwá̱n el Espíritu Santo kitajto̱lmáꞌ Pedro, kijtoj: —Amejwa̱n yej anmanda̱rowaj, iwá̱n notajwe̱wetkej de Israel:

Hechos 8:15

Asitoj ompiga, ora̱dojkej iga ino̱mej yej kicre̱dojkej Jesús iga makipiaka̱n el Espíritu Santo.

Gálatas 3:2

Taꞌ xine‑ijli̱ka̱n iní̱n: ¿Ix Dios mitzmakakej iyEspí̱ritoj iga ankichi̱waj ken tatekimaka iley Moisés, o iga ankicre̱dojkej kua̱ꞌ ankikakikej ye̱ꞌnoti̱ciaj?