San Juan 20:15 - El Nuevo Testamento

¹⁵ Jesús kitajtan: —In tej, ¿te iga ticho̱katoꞌ? ¿A̱ꞌyéj tikte̱mowa? Yéj kijtoj anka yej kicuida̱rowa̱ya huerto, iwá̱n kijlij: —Nokój, siga tej tikui̱gaꞌ a̱nimaj, xine‑ijli ka̱n tika̱wato iga maniá manikuiti.

San Juan 20:15 Iomraidhean Croise

San Mateo 12:34

¡Amejwa̱n ken ipilowa̱n kowa̱mej! ¿Kén anyawij ankijto̱tij yej ye̱ꞌtájto̱l siga amejwa̱n ankichijtokej yej aye̱kti? Puej yej ankijtowaj, ijkó̱n onoꞌ ipan amoa̱lmaj.

San Mateo 28:5

El ángel kijlij siwa̱tkej: —Amo ximajmawika̱n. Nej nikmati iga ankite̱mowaj Jesús, yej kimiktijkej ipan cruz.

San Marcos 16:6

Eꞌ yéj kijtoj: —Amo ximajmawika̱n; amejwa̱n ankite̱mo̱koj Jesús de Nazaret, yej kimiktijkej ipan cruz. Yéj ojpa‑ísaꞌya; ayoꞌ teyi nigaj. Taꞌkiꞌ xikitaka̱n ka̱n kite̱kakaj.

San Lucas 2:44

Yejamej kijtojkej anka Jesús ya̱ya tatza̱la̱n ka̱n po̱lijtia̱lo. Kua̱ꞌ nejnénkeja semilwiꞌ, íkua̱oꞌ kite̱mojkej ka̱n ya̱yaj iyikni̱wa̱n iwá̱n yej ki̱xmatiáj;

San Lucas 24:5

Siwa̱tkej poxsan momajtijkej iwá̱n motzonto̱lojkej; eꞌ ino̱mej tajta̱gaꞌ kijtojkej: —¿Te iga ankite̱mowaj yej isatoꞌ ka̱n onoꞌ yej miktokej?

San Juan 1:38

Iwá̱n Jesús tacháꞌ tatepotztaj, iwá̱n kitaꞌ iga kitokatiawij, iwá̱n kijlijkej: —¿Té̱ ankite̱mowaj? Yejame̱n kijtojkej: —Tamachtia̱ni, ¿ka̱n iná̱n ticha̱ntitoꞌ?

San Juan 18:4

Eꞌ Jesús kimatiaya te̱ yawij kichi̱wili̱tij, iwá̱n tatajtan: —¿A̱ꞌyéj ankite̱mowaj?

San Juan 18:7

Jesús sej tatajtan: —¿A̱ꞌyéj ankite̱mowaj? Yejame̱n kijtojkej: —Jesús de Nazaret.

San Juan 20:13

A̱ngelejmej tatajtankej: —In tej, ¿te iga ticho̱katoꞌ? Yéj kijtoj: —Iga kiwi̱gakej noTe̱ko, iwá̱n anikmati ka̱n kika̱watoj.