San Juan 19:6 - El Nuevo Testamento

⁶ Kua̱ꞌ kitakej ije̱fejmej sacerdo̱tejmej iwá̱n policiyajmej, pe̱wakej iga tzajtzikej: —¡Xikmikti ipan cruz! ¡Xikmikti ipan cruz! Pilato kijtoj: —Puej xikui̱gáka̱nya iwá̱n xikmikti̱ka̱n ipan cruz amejwa̱n, nej ayá̱ꞌ nikasiliá siga kichij yej aye̱kti.

San Juan 19:6 Iomraidhean Croise

San Mateo 26:58

Eꞌ Pedro kiwejkatokatiajki Jesús este que asiꞌ ipan ipa̱tioj ije̱fej sacerdo̱tejmej, ompa kalaꞌ iwá̱n mota̱lij wa̱n policiyajmej iga makita té̱ kichi̱wili̱skej Jesús.

San Mateo 27:22

Pilato kitajtan la gente: —¿Te̱ ankinekij manikchi̱wili Jesús yej kito̱ka̱wiáj el Cristo? Inochimej kijtojkej: —¡Xikmikti ipan cruz!

San Mateo 27:24

Kua̱ꞌ Pilato kitaꞌ iga ayoꞌ te̱ wel kichi̱wa iga la gente ma̱jya tzajtzikej, tatekimáꞌ iga makikui̱li̱tij a̱ꞌti iga mamoma̱pa̱ka iyi̱xtaj la gente, kijtoj: —Ayéj notechko iga mamiki iní̱n ta̱gaꞌ, yéj ayá̱ꞌ kichij yej aye̱kti, ompa amejwa̱n xikitaka̱n.

San Lucas 23:4

Iwá̱n Pilato kijlij ije̱fejmej sacerdo̱tejmej iwá̱n la gente: —Iní̱n ta̱gaꞌ ayá̱ꞌ nikasiliá siga kichij yej aye̱kti.

San Juan 18:3

Iwá̱n Judas asiko iwá̱n komati solda̱dojmej iwá̱n sekin policiyajmej yej tacuida̱rowaj weyitio̱pan yej kiti̱tankej ije̱fejmej sacerdo̱tejmej iwá̱n fariseojmej, kinentia̱yaj iyespa̱dajmej, iwá̱n mecho̱mej iwá̱n candi̱lmej.

San Juan 18:31

Pilato kijtoj: —Xikui̱gaka̱n amejame̱n iwá̱n xikchi̱wili̱ka̱n ijkó̱n ken tatekimaka amoleymej. Judiyojmej kijtojkej: —Eꞌ nejamej nijudiyojmej ne̱manda̱rówajsan no̱ iwá̱n awel nitatekimakaj iga agaj mamiki.

San Juan 18:38

Pilato kijtoj: —¿Te̱ iteki in yej melaꞌcie̱rtoj? Kua̱ꞌ tamiꞌ kitajtajtan, Pilato sej ki̱saꞌ iga tajto̱to iwá̱n judiyojmej, iwá̱n kijtoj: —Nej ayá̱ꞌ nikasiliá siga iní̱n ta̱gaꞌ kichij yej aye̱kti.

San Juan 19:15

Eꞌ yejame̱n tzajtzikej: —¡Mamiki! ¡Mamiki! ¡Xiclavá̱ropa ipan cruz! Pilato tatajtan: —¿Ix nikmiktiá ipan cruz amorre̱y? Eꞌ ije̱fej sacerdo̱tejmej kijtoj: —Nejame̱n ayá̱ꞌ nikpiáj seꞌ rey, petz isé̱ltisan rey César.

San Juan 19:4

Pilato ki̱saꞌ sej, iwá̱n kijtoj: —Taꞌ xikitaka̱n, niki̱xtij iga xikmatika̱n iga ayá̱ꞌ nikasiliá siga kichij yej aye̱kti.

Hechos 2:23

Dios kejla̱ntoya desde ikya iga Jesús makikno̱chi̱waka̱n wa̱n mawetzi pan ima̱mej yej kijiyaj. Amejame̱n ankiki̱tzkijkej iwá̱n ankika̱watoj ipan ima̱mej tajta̱gaꞌ yej poxsan ayompa nemij, wa̱n kimiktijkej Jesús ipan cruz.

Hechos 7:52

Amo‑ikyapatajwa̱n kikno̱chijkej nochi profe̱tajmej, este kimijmiktijkej yej kijtojkej iga yawi wi̱kiti Cristo, yej ye̱ꞌnemi. Iwá̱n kua̱ꞌ wa̱laj, améjwa̱nsan sej ankentrega̱rojkej iwá̱n ankimiktijkej.