San Juan 18:8 - El Nuevo Testamento

⁸ Jesús kijtoj: —Nimitzijlíjkeja iga nej nokta. Siga nej anne̱te̱mowaj xikajte̱wáka̱nya ini̱mej iga maya̱ka̱n.

San Juan 18:8 Iomraidhean Croise

San Mateo 26:56

Nochi iní̱n nemi panowa iga mamochi̱wa ken kijkuilojkej profe̱tajmej ipan itájto̱l Dios. Iwá̱n nochi disci̱polojmej kikajtejkej ise̱lti Jesús, iwá̱n chojcholojkej.

San Juan 10:28

Nej nikchi̱wa iga nochipa maonoka̱n iwá̱n noTaj, iwá̱n ayagaj ne̱kui̱li̱j.

San Juan 13:1

Kua̱ꞌ mo̱stápaya iyilwiyo la Pascua, Jesús kimatiáy iga ásiꞌya hora iga yawi kikajte̱wati iní̱n ta̱jli iga yáwiya ka̱n onoꞌ toTaj. Yéj nochipa kineꞌ yej kitokatinemiáj, yej onoyaj ipan iní̱n ta̱jli, iwá̱n iga mikis ne̱sis iga kipoxneki ini̱mej yej yéj itatki.

San Juan 13:36

Simón Pedro kitajtan Jesús: —NoTe̱ko, ¿ka̱n tia? Jesús kijtoj: —Ka̱n nej nia; iná̱n awel tine̱tokas, eꞌ ke̱man tine̱tokas.

San Juan 16:32

Pues ásiya la hora, iwá̱n ina̱nya nokta kua̱ꞌ amejwa̱n ampa̱payi̱niskej iwá̱n nijnijiga anya̱skej, iwá̱n anne̱senkokajte̱waskej. Eꞌ ayá̱ꞌ nose̱lti nonos, toTaj onoꞌ nowa̱n.

San Juan 18:7

Jesús sej tatajtan: —¿A̱ꞌyéj ankite̱mowaj? Yejame̱n kijtojkej: —Jesús de Nazaret.

San Juan 18:9

Iní̱n mochij iga mamochi̱wa yej Jesús kijlij iTaj: “Yej tine̱máꞌ, nisé̱ ayá̱ꞌ nikpoloj.”

1 Corintios 10:13

Amejamej ampanowaj ipan inó̱mpasan prueba ken sekin kimachi̱liáj. Iwá̱n wel anmoconfia̱rowaj ipan Dios, yéj ayá̱ꞌ kineki iga xikpiaka̱n prueba yej ayá̱ꞌ wel ankijyo̱wiáj. Ma̱jwaꞌ Dios mitzpale̱wi̱skej iga wel xiki̱saka̱n ipan prueba.

2 Corintios 12:9

eꞌ ne‑ijlij: “Iga nimitzcho̱kiliá, ayá̱ꞌ mitzpolowa nité̱; kua̱ꞌ ayꞌya titajpalej, nopode̱r mone̱xtiá ipan tej.” Inó̱n iga nimokichmati kua̱ꞌ ayá̱ꞌ nitajpalej, ijkó̱n ipode̱r Cristo mone̱xtiá ipan nej.

Efesios 5:25

Ta̱gaꞌ, xikneki mosiwa̱ꞌ, ijkó̱n ken Cristo kineꞌ yej kitokaj Dios iwá̱n miꞌ iga nochi tejamej.

1 Pedro 5:7

Xikijli̱ka̱n Dios nochi yej amejwa̱n mitzyo̱lmiktijtokej, iga yéj kineki mamitzpale̱wi̱ka̱n.