San Juan 18:40 - El Nuevo Testamento

⁴⁰ Iwá̱n sej nochi tzajtzikej: —¡Inó̱n amo xikmajka̱wa! ¡Xikmajka̱wa Barrabás! Eꞌ Barrabás se̱ yej tachteki.

San Juan 18:40 Iomraidhean Croise

San Mateo 26:55

Iwá̱n Jesús kijlij ino̱mej gente: —¿Ix anwa̱lkej anne̱kuikoj ken kua̱ꞌ se̱ yej tachteꞌ? ¿Ix inó̱n iga ankiwajligakej espada iwá̱n kuawiꞌ? Nej nochipa nimota̱lia̱ya amowa̱n iga nitamachtijtoya weyitio̱pan, iwá̱n ayí̱ꞌ anne̱ki̱tzkijkej.

San Mateo 27:16

Ompa onoya se̱ preso yej inochi ki̱xmatiá iga kichi̱wa yej aye̱kti, ito̱ka̱ꞌ Barrabás.

San Mateo 27:26

Iwá̱n Pilato kimajkaj Barrabás, iwá̱n tatekimáꞌ iga makimagaka̱n Jesús iwá̱n kimáꞌ la gente iga makimikti̱ka̱n ipan cruz.

San Marcos 15:15

Eꞌ Pilato kinekiá makiye̱ꞌitaka̱n, inó̱n iga kimajkaj Barrabás iwá̱n kitekimáꞌ solda̱dojmej iga makimagaka̱n Jesús iwá̱n iga makimikti̱tij ipan cruz.

San Marcos 15:7

Onoya se̱ preso yej ito̱ka̱ꞌ Barrabás; sen‑onoyaj iwá̱n sekin yej no̱ tamiktijkej kua̱ꞌ yajkij ico̱ntraj igobie̱rnoj.

San Lucas 23:25

Iwá̱n kimajkaj inó̱n ta̱gaꞌ yej yejame̱n kitapejpenkej yej onoya ipan cárcel iga kichij revolución iwá̱n iga tamiktij. Iwá̱n Pilato kentregá̱rojsan Jesús iga la gente makichi̱wili̱ka̱n ken kinekiáj.