San Juan 18:11 - El Nuevo Testamento

¹¹ Eꞌ Jesús kijlij Pedro: —Xikaki sej moespa̱daj pan ikajlo̱ꞌ. Siga toTaj kinekis iga mane‑ikno̱chi̱waka̱n, ¿ix aya̱ꞌtaj mane‑ikno̱chi̱waka̱n?

San Juan 18:11 Iomraidhean Croise

San Mateo 20:22

Eꞌ Jesús kijtoj: —Amejwa̱n ayá̱ꞌ ankimatij te̱ ankitajtanij. ¿Ix ankijyo̱wi̱skej ken nej nikijyo̱wi̱j kua̱ꞌ ne̱castiga̱ro̱skej? ¿Ix wel ampano̱skej ka̱n nej nipano̱j? Yejamej kijtojkej: —Kena, wel.

San Mateo 26:39

Jesús yajki achi má̱j wejkatzi̱n, iwá̱n kite̱ne̱wij Dios este motzonto̱gaꞌ ta̱lpan, ijkí̱n kijtoj: —NoTaj, siga wel mochi̱was, xine̱ma̱nawi iga amo mane̱mikti̱ka̱n; eꞌ amo mamochi̱wa ken nej nikneki, mamochi̱wa ken tej tikneki.

San Mateo 26:42

Jesús sej ora̱do̱to, iwá̱n ijkí̱n kitajtanilij Dios: —NoTaj, siga ayꞌ wel tejte‑oꞌ mochi̱wa iga amo mane̱mikti̱ka̱n, mamochi̱wa ken tej tikneki.

San Lucas 12:30

Yej ayá̱ꞌ ki̱xmatij iyojwi Dios, tayo̱koyaj iga nochi iní̱n, eꞌ amoTaj yej onoꞌ ajko kimátiya te̱ mitzpolowaj amocha̱n.

San Lucas 22:42

Kijtoj: —Notaj, siga tikneki, xine̱ma̱nawi iga amo mane‑ikno̱chi̱waka̱n; eꞌ amo mamochi̱wa ken nej nikneki, mamochi̱wa ken tej tikneki.

San Juan 15:10

Siga ankichi̱waj ken nimitzijlijkej, nochipa nimitznekiskej, ijkó̱n ken noTaj ne̱neki iga nikchi̱wa yej yéj ne̱tekimaka.

San Juan 17:24

’NoTaj, ini̱mej yej ne̱tokaj, tej tine̱máꞌ, nikneki maonoka̱n ka̱n nej nonos, iga makitaka̱n inó̱n weyipode̱r yej tine̱máꞌ; iga tine̱neguiꞌ desde kua̱ꞌ aya mochi̱wa iní̱n ta̱jli.

San Juan 18:36

Iwá̱n Jesús kijtoj: —Ka̱n nirreina̱rowa ayéj ipan iní̱n ta̱jli. Siga ijkó̱n katka, yej ne̱tokaj wel ne̱ma̱nawia̱yaj iga amo mane̱ki̱tzki̱ka̱n judiyojmej. Eꞌ norre̱inoj ayá̱ꞌ onoꞌ nigaj.

San Juan 20:17

Jesús kijtoj: —Xine̱majka̱wa iga aya nitejkawi ka̱n onoꞌ noTaj. Eꞌ xaj iwá̱n xikijli nokni̱wa̱n iga nia ka̱n onoꞌ noTaj iwá̱n amoTaj no̱ amejwa̱n, noDio̱s iwá̱n amejwa̱n no̱ amoDio̱s.

2 Corintios 10:4

Ayá̱ꞌ nimoma̱nawiáj iga tejté̱ yej onoꞌ ipan iní̱n ta̱jli, sino que Dios ne̱makaj yej iga wel nikxi̱xiti̱naj nochi yej ajaye̱kti, ijkó̱n nikta̱niliáj yej kijiyaj itájto̱l Dios, iwá̱n ijkó̱n tamis iga ne̱po̱powaj nejamej.

2 Corintios 6:7

Dios ne̱pale̱wiáj iga nikpowaj ye̱ꞌnoti̱ciaj. Kua̱ꞌ nimote̱nki̱tzkiáj wa̱n agaj, iga nikma̱nawiáj ye̱ꞌnoti̱ciaj, nikijtowaj yej melaꞌcie̱rtoj.

Hebreos 12:2

Matimi̱xkui̱ti̱ka̱n ipan Jesús, iga yéj yej achto te̱ne̱xtilij iga matimoconfia̱ro̱ka̱n pan Dios iwá̱n nochipa te̱pale̱wiá iga má̱j matimoconfia̱ro̱ka̱n. Jesús kikno̱chijkej ipan cruz iwá̱n yéj ayá̱ꞌ pi̱ná̱ꞌ iga ompa miguiꞌ, iga kimatiá iga despué̱j iga mikis yawi pa̱kiti iwá̱n mota̱li̱j ila̱doj iye̱ꞌma̱ꞌ Dios ka̱n manda̱rowa.