San Juan 16:27 - El Nuevo Testamento

²⁷ iga toTaj mitzpoxnekij. Mitznekij iga amejwa̱n anne̱nekij, iwá̱n ankicre̱dojkej iga nej niwa̱laj de Dios.

San Juan 16:27 Iomraidhean Croise

San Mateo 10:37

’Yej makineki itaj o iye̱ꞌ má̱j que nej, inó̱n ayá̱ꞌ kajasi iga mane̱toka; yej makineki iyokichpiltzi̱n o isiwa̱piltzi̱n má̱j que nej, inó̱n ayá̱ꞌ kajasi iga mane̱toka;

San Juan 14:21

Yej kimati iwá̱n kichi̱wa ken nitatekimaka, ne̱si iga ne̱neki nokta, iwá̱n noTaj kinekis inó̱n yej ne̱neki iwá̱n nej no̱ niknekis, iwá̱n nimone̱xti̱j iyi̱xtaj kén nokta in nej.

San Juan 14:23

Jesús kijtoj: —Yej ne̱neki, ne̱tajto̱lkaki; iwá̱n noTaj yawi kinekiti, iwá̱n noTaj iwá̱n nej niwi̱tzej iga nisen‑onokij wa̱n yéj.

San Juan 16:30

Iná̱n nikitaj iga nochi tikmati, iwá̱n ayꞌ kineki iga agaj mamitztajtani, inó̱n iga nicre̱dowaj iga tiwa̱laj ka̱n onoꞌ Dios.

San Juan 17:23

Nej nonoꞌ ipan yejame̱n, iwá̱n tej tonoꞌ ipan nej, iga yejamej mamelaꞌse̱tiaka̱n, iwá̱n ijkó̱n yej ayá̱ꞌ mitzi̱xmatij, makimatika̱n iga tej tine̱ti̱tan, iwá̱n tikpoxneki yejamej kensan nej tine̱neki.

San Juan 2:11

Iní̱n yej Jesús kichij Caná ipan estado de Galilea, áchto‑oꞌ kichij milagro ka̱n kine̱xtij iweyipode̱r; iwá̱n idisci̱polojmej kicre̱dojkej ipan yéj.

San Juan 3:13

’Aya agaj tejkawi ipan cielo, sino que yej temoj ipan cielo; ken tikijtowaj nej yej iPiltzi̱n Ta̱gaꞌ.

San Juan 7:29

Nej sí niki̱xmati iga ipan yéj niki̱saꞌ, iwá̱n yéj ne̱ti̱tan.

San Juan 8:42

Jesús kijtoj: —Siga melá̱ꞌ iga Dios amotaj, amejamej anne̱nekiáj, iga nej ne̱ti̱tan Dios. Ayá̱ꞌ niyokawa̱laj, sino que Dios ne̱ti̱tan.

Romanos 8:3

Iga Dios kichij iga tejamej yej ileypa Moisés awel kichi̱waya. Inó̱n ley awel te̱pale̱wiá iga tikchi̱waj yej tatekimaka, iga nochipa toa̱lmaj kineki matikchi̱waka̱n yej aye̱kti. Dios kiti̱tan iPiltzi̱n yej mochij ta̱gaꞌ yej ne̱siá kensan tejamej, yej aye̱kti tikchi̱waj, iga mamiki iga totechko. Dios ipan icue̱rpoj iPiltzi̱n kipoloj nochi yej aye̱kti tikchi̱waj.

1 Corintios 15:47

Yej achto ta̱gaꞌ, chijtoꞌ de ta̱lpíno̱l; iwá̱n seꞌ ta̱gaꞌ, yej toTe̱ko, wa̱laj ipan cielo.

1 Corintios 16:22

Siga agaj ayá̱ꞌ kineki toTe̱ko Jesucristo, inó̱n Dios yawi kicastiga̱ro̱ti. ¡Mawi̱ki toTe̱ko!

2 Corintios 5:14

Iga Cristo ne̱nekij, nikchi̱waj ken yéjsan tatekimaka, puej nikmelaꞌmatij iga Cristo miguiꞌ iga tonochi̱n, inó̱n iga ken tonochi̱n timikikej.

Gálatas 4:4

Eꞌ kua̱ꞌ asiꞌ tiempo yej Dios kijtoj, kiti̱tan iPiltzi̱n, yej onoko ipan se̱ siwa̱ꞌ iwá̱n kichij ken tatekimaka iley Moisés.

Efesios 6:24

Ken iga Dios kiye̱ꞌita makichi̱wa ipan nochi yej ayí̱ꞌ kikajte̱waj iga kipoxnekij toTe̱ko Jesucristo. Ijkó̱nyawaꞌ.

1 Timoteo 1:15

Iní̱n yej nia nimitzijli̱tij ijko̱nya nokta iwá̱n kajasi iga inochi gente makicre̱do: Jesucristo wa̱laj ipan iní̱n ta̱jli iga kima̱nawi̱ko yej ayompa nemij, eꞌ nejwaꞌ in yej má̱j ayompa ninemiá.

Hebreos 12:6

ToTe̱ko yej yéj kipoxneki, kinagastila̱na iwá̱n kikno̱chi̱wa nochi inó̱n yej yéj kíkuiya iga ipiltzi̱n.

1 Pedro 1:8

Amejwa̱n ankinekij Jesucristo malej ayí̱ꞌ ankitaj; iwá̱n malej iga aya ankitaj, ankicre̱dowaj yéj. Ampoxpa̱kij, este awel ankijtowaj iga tájto̱l ken iga nochipa ampoxpa̱kij.

1 Juan 4:19

Tejamej tiknekij Dios iwá̱n tiknekij tokni̱wa̱n iga Dios achto te̱neguiꞌ.

El Apocalipsis 3:19

Nej nikajajwa iwá̱n nikne̱xtiliá kén iga maye̱ꞌnemi nochi yej nikneki. Inó̱n iga iná̱n poxsan xikyo̱lmakaka̱n iga xiktokaka̱n iyojwi Dios.

El Apocalipsis 3:9

Nej nikchi̱was iga mamotankua̱ketzatij mote̱noj ino̱mej yej kitokaj iyojwi Tzitzimiꞌ, yej takajkaya̱waj iga kijtowaj iga judiyojmej, eꞌ ayéj ijkó̱n, iga makimatika̱n iga nej nimitznekij.