San Juan 15:14 - El Nuevo Testamento

¹⁴ Amejwa̱n anmochi̱waskej anoami̱gojmej siga ankichi̱waj yej nimitztekimakaj.

San Juan 15:14 Iomraidhean Croise

San Mateo 12:50

Yej kichi̱wa ken kineki noTaj yej onoꞌ ipan cielo, ino̱nwaꞌ in nookichikni̱n, nosiwa‑ikni̱n iwá̱n noye̱ꞌ.

San Lucas 12:4

’Nokni̱wa̱n, nimitzijliáj iga amo xikmajmawili̱ka̱n yej tamiktiáj, eꞌ má̱j má̱j awel te̱ kichi̱waj.

San Juan 13:17

Siga ankentende̱rowaj iní̱n yej nimitzijlijkej iwá̱n ankichi̱waj, anyo̱lpa̱ktoskej.

San Juan 14:15

Jesús no̱ kijtoj: —Siga amejwa̱n anne̱nekij, xikchi̱waka̱n ken nimitztekimakaj.

San Juan 14:21

Yej kimati iwá̱n kichi̱wa ken nitatekimaka, ne̱si iga ne̱neki nokta, iwá̱n noTaj kinekis inó̱n yej ne̱neki iwá̱n nej no̱ niknekis, iwá̱n nimone̱xti̱j iyi̱xtaj kén nokta in nej.

San Juan 14:28

Anne̱kakíkeja iga nimitzijlijkej iga niaya, iwá̱n niwi̱ꞌ sej iga nonoki iwá̱n amejwa̱n. Siga melá̱ꞌ iga anne̱nekij, ampa̱kiáj iga ankimatij iga nia ka̱n onoꞌ toTaj iga yéj ma̱jya sej que nej.

San Juan 2:5

Iwá̱n María kijlij yej kiki̱xtijtoyaj vino: —Xikchi̱waka̱n nochi kensan Jesús mitzijliáj.

Santiago 2:23

Ijkó̱n mochij ken kijtowa itájto̱l Dios ka̱n kijtowa: “Abraham moconfia̱roj ipan Dios iwá̱n iga moconfia̱roj, Dios kiye̱ꞌitaꞌ.” Iwá̱n Abraham mochij iyami̱goj Dios.

1 Juan 5:3

Yej kineki toTaj, kichi̱wa ken toTaj tatekimaka iwá̱n yej toTaj te̱tekimaka iga matikchi̱waka̱n, ayéj ken yej awel mochi̱wa.