San Juan 15:12 - El Nuevo Testamento

¹² Ini̱nwaꞌ in nimitztekimakaj iga xikchi̱waka̱n: ximosepannekika̱n ken nej nimitznekij.

San Juan 15:12 Iomraidhean Croise

San Juan 13:34

Nimitzmakaj iní̱n nuevo mandamiento: ximosepannekika̱n. Ijkó̱n ken nej nimitznekij, amejwa̱n no̱ ximosepannekika̱n.

San Juan 15:17

Iní̱n yej nimitztekimakaj iga xikchi̱waka̱n: iga ximosepannekika̱n sewoꞌ iwá̱n seꞌ.

Romanos 12:10

Ximosepannekika̱n wa̱n amokni̱n ken se̱san amotaj; xikita mokni̱n ma̱jya sej que tej.

Efesios 5:2

Ximosepannekika̱n, kensan Cristo te̱neki, iwá̱n mote̱máꞌ iga miꞌ ga tejame̱n. Kua̱ꞌ miꞌ Cristo, Dios kiye̱ꞌitaꞌ ken kua̱ꞌ se̱ yo̱lka̱ꞌ kimiktiliáj iwá̱n ajwiya̱ꞌ kua̱ꞌ tata.

1 Tesalonicenses 3:12

Iwá̱n niktajtaniliáj toTe̱ko mamitzpale̱wi̱ka̱n iga cada ve̱j má̱j ximosepannekika̱n, iwá̱n ijkó̱n xiknekika̱n nochi, ijkó̱n kensan nejamej nimitznekij amejwa̱n.

1 Tesalonicenses 4:9

Ayá̱ꞌ kajási‑oꞌ iga nimitzijkuilowiliáj iga ximosepannekika̱n iwá̱n amokni̱mej, iga Dios nokta mitzne̱xtilíjkeja ken iga ximonekika̱n.

2 Tesalonicenses 1:3

Nokni̱wa̱n, nochipa nikmakaj gracias Dios iga amejwa̱n, iga ijkó̱n kajasi manikchi̱waka̱n, iga nemi má̱j anmoconfia̱rowaj pan toTe̱ko iwá̱n sejsé̱ de amejwa̱n ma̱jya anmosepannekij.

1 Pedro 1:22

Iná̱n amejwa̱n iga ankichi̱waj ken kijtowa itájto̱l Dios, ayꞌya ankejla̱ntokej yej aye̱kti iwá̱n welja ankimelaꞌnekij tokni̱wa̱n. Inó̱n iga poxsan ximosepannekika̱n sewoꞌ iwá̱n seꞌ iga inochi amoa̱lmajmej.

1 Pedro 3:8

Iní̱n nimitzijliáj, xonoka̱n ken kua̱ꞌ se̱san amoa̱lmajmej, xitacho̱kili̱ka̱n iwá̱n ximosepannekika̱n. Xite‑ijikni̱wa̱n iwá̱n amo ximoweyimatika̱n.

1 Pedro 4:8

Eꞌ yej má̱j ye̱kti, amejwa̱n ximopoxnekika̱n porque iga anmopoxnekij wel anmoe̱lka̱wiliáj siga agaj mitzchi̱wiliáj yej aye̱kti.

1 Juan 3:23

Dios te̱tekimaka iga maticre̱do̱ka̱n Jesucristo yej iPíltzi̱mpa iwá̱n matimosepannekika̱n ken yéj tatekimaka.

1 Juan 4:21

Jesucristo ijkí̱n te‑ijliá iga matikchi̱waka̱n: Yej kineki Dios, no̱ makineki iyikni̱n.

2 Juan 1:5

Iná̱n nokni̱wa̱n, nimitzijliáj iga matimosepannekika̱n. Iní̱n yej nimitzijkuilowiliáj, ayéj ken yej aya mitztekimakakej iga xikchi̱waka̱n, sino que ino̱nsan yej ikyay tikmatikej.