San Juan 14:31 - El Nuevo Testamento

³¹ ijkó̱n nokta yawi mochi̱wati, iga la gente yej ayá̱ꞌ ki̱xmatij Dios, makimatika̱n iga nikpoxneki toTaj iwá̱n nikchi̱wa ken iga yéj ne̱tekimáꞌ. Ximoketzaka̱n, matiá̱ka̱nya.

San Juan 14:31 Iomraidhean Croise

San Mateo 26:39

Jesús yajki achi má̱j wejkatzi̱n, iwá̱n kite̱ne̱wij Dios este motzonto̱gaꞌ ta̱lpan, ijkí̱n kijtoj: —NoTaj, siga wel mochi̱was, xine̱ma̱nawi iga amo mane̱mikti̱ka̱n; eꞌ amo mamochi̱wa ken nej nikneki, mamochi̱wa ken tej tikneki.

San Mateo 26:46

Ximoketzáka̱nya, tiáka̱nya; wi̱ꞌya yej ne̱ne̱xtiá.

San Lucas 12:50

Nia nipano̱ti ken ipan se̱ bautismo iga yawij ne̱poxikno̱chi̱watij, ¡poxsan nimoyo̱lmiktijtoꞌ malej ga aya asi inó̱n día iga mamochi̱wa!

San Juan 10:18

Ayagaj wel ne̱miktiá, sino que nej nimoyokate̱maka iga nimiki. Nej wel nimote̱maka iga mane̱mikti̱ka̱n iwá̱n wel sej ni‑ojpa‑isa. Ijkó̱n ne̱tekimáꞌ noTaj.

San Juan 12:27

’Iná̱n pox nitayo̱koxtoꞌ; ¿te̱ nia nikijto̱ti? ¿Ix manikijto: “NoTaj, xine̱ma̱nawi ipan iní̱n yej yawij ne̱chi̱wili̱tij iná̱n”? Eꞌ iga inó̱n nokta niwa̱laj.

San Juan 12:49

Iga yej nikijtowa, ayá̱ꞌ nejsan nikte̱nchi̱wa; noTaj yej ne̱ti̱tan ne̱tekimaka iwá̱n ne̱ne̱xtiliá te̱ manikijto.

San Juan 13:1

Kua̱ꞌ mo̱stápaya iyilwiyo la Pascua, Jesús kimatiáy iga ásiꞌya hora iga yawi kikajte̱wati iní̱n ta̱jli iga yáwiya ka̱n onoꞌ toTaj. Yéj nochipa kineꞌ yej kitokatinemiáj, yej onoyaj ipan iní̱n ta̱jli, iwá̱n iga mikis ne̱sis iga kipoxneki ini̱mej yej yéj itatki.

San Juan 15:9

Nej nimitzpoxnekij ken noTaj ne̱poxneki; nochipa xikchi̱waka̱n ken nimitzijliáj iga nimitzpoxnekij.

San Juan 18:11

Eꞌ Jesús kijlij Pedro: —Xikaki sej moespa̱daj pan ikajlo̱ꞌ. Siga toTaj kinekis iga mane‑ikno̱chi̱waka̱n, ¿ix aya̱ꞌtaj mane‑ikno̱chi̱waka̱n?

San Juan 4:34

Eꞌ Jesús kijtoj: —Iga manikchi̱wa ken kineki yej ne̱ti̱tan, iwá̱n maniktamili itekipáno̱l; ino̱nwaꞌ in notákual.

Filipenses 2:8

iwá̱n kua̱ꞌ onoyay ken nochi ta̱gaꞌ, moali̱mpamatiꞌ, iwá̱n kichij kensan Dios kineꞌ, mote̱máꞌ iga makimikti̱ka̱n, este miꞌ ipan se̱ cruz.