San Juan 13:31 - El Nuevo Testamento

³¹ Kua̱ꞌ Judas kí̱saꞌya, Jesús kijtoj: —Iná̱n mone̱xtiá iweyipode̱r iPiltzi̱n Ta̱gaꞌ, iwá̱n iweyipode̱r Dios mone̱xtiá ipan yéj.

San Juan 13:31 Iomraidhean Croise

San Mateo 8:20

Eꞌ Jesús kijlij: —Koyo̱mej kipiáj ixapoyomej ka̱n kochij, iwá̱n to̱to̱mej kipiáj ixekemej; eꞌ nej yej iPiltzi̱n Ta̱gaꞌ anikpiá ka̱n achi manimokuajtetonti.

San Lucas 12:50

Nia nipano̱ti ken ipan se̱ bautismo iga yawij ne̱poxikno̱chi̱watij, ¡poxsan nimoyo̱lmiktijtoꞌ malej ga aya asi inó̱n día iga mamochi̱wa!

San Juan 11:4

Kua̱ꞌ Jesús inó̱n kikaguiꞌ, kijtoj: —Iní̱n kokolis ayá̱ꞌ kimikti̱j, ino̱nwaꞌ iga mamoweyimati̱lti Dios kua̱ꞌ mone̱xtiá yej yéj wel kichi̱wa iwá̱n iga no̱ mamone̱xti iga nej iPiltzi̱n Dios.

San Juan 12:23

Iwá̱n Jesús kijtoj: —Ásiꞌya hora iga iPiltzi̱n Ta̱gaꞌ yawij kiweyimati̱lti̱tij.

San Juan 12:28

NoTaj, xikchi̱wa iga makiweyimati̱lti̱ka̱n moto̱ka̱ꞌ. Iwá̱n mokáꞌ se̱ tájto̱l ipan cielo yej kijtoj: —Níkchija iga mamoweyimati̱lti, iwá̱n sej nia nikweyimati̱lti̱ti.

San Juan 14:13

Iwá̱n nochi yej ankitajtanili̱skej toTaj iga anmoconfia̱rowaj nopan, nej nimitzmakaskej, iga ipode̱r toTaj mamone̱xti ipan nej yej iPiltzi̱n.

San Juan 16:14

Yéj yawi ne̱weyimati̱lti̱ti, iga kikuis yej nej notájto̱l, iwá̱n mitzne̱xtili̱skej amejwa̱n.

San Juan 7:39

Iga inó̱n kijtoj Jesús, kijtoj iga yej kicre̱do̱j itájto̱l, kipiás iyEspí̱ritoj Dios; íkua̱ꞌ aya wi̱tziá iyEspí̱ritoj Dios, iga Jesús aya kiweyimati̱ltia̱yaj ipan cielo iga aya ojpa‑isa.

Hechos 2:36

’Amonochimej an‑israeli̱tajmej, xikmatika̱n iga inó̱n Jesús yej ankimiktijkej ipan cruz, Dios kita̱lij iga mamochi̱wa toTe̱ko iwá̱n iga mamochi̱wa Cristo.

Hechos 3:13

Ayéj ijkó̱n, ma̱jwaꞌ ino̱nsan iDio̱s to‑ikyapatajwa̱n Abraham, Isaac iwá̱n Jacob kichij iní̱n iga kipoxye̱ꞌita Jesús yej iPiltzi̱n. Inó̱n Jesús yej amejame̱n ankijiyakej iwá̱n ankika̱watoj ipan ima̱ꞌ Pilato yej gobernador. Kua̱ꞌ Pilato kinekiá makimajka̱wa, amejame̱n ayá̱ꞌ ankinekikej.

2 Corintios 3:18

Inó̱n iga nochi tejamej yej ticre̱dojtokej Cristo, ayꞌya ti‑i̱xtzaktokej iga tzótzol iwá̱n ne̱si ipode̱r Dios ipan toxa̱yaꞌ, toxa̱yaꞌ ken tikita se̱ espejo. Iwá̱n iyEspí̱ritoj toTe̱ko kipatatiá tovi̱dajmej este que timochi̱waj kensan Yéj.

Efesios 1:12

Ijkó̱n Dios kichij iga nejamej nijudiyojmej áchtosan maniksenta̱li̱ka̱n noa̱lmajmej pan Cristo iwá̱n manikweyimati̱lti̱ka̱n.

Efesios 2:7

Ijkó̱n kichij iga makine̱xti pan miaꞌ xiwiꞌ yej wi̱ꞌoꞌ, iga te̱poxye̱ꞌita iwá̱n pox te̱cho̱kiliá iga timoconfia̱rowaj ipan Cristo Jesús.

Efesios 3:10

Ijkó̱n a̱ngelejmej yej onokej ipan cielo iwá̱n espi̱ritojmej yej kipiáj poder, kitaj ipan tokni̱mej yej kitokaj Dios, iga Dios nokta kipoxmati te̱ kichi̱wa.

Filipenses 2:11

iwá̱n nochi makijto̱ka̱n iga Jesucristo yéj nokta toTe̱ko, iwá̱n mamoweyimati̱lti Dios yej toTaj.

1 Pedro 1:21

Kua̱ꞌ wa̱laj Jesucristo, yéj mitzne̱xtilijkej kén iga ankicre̱dowaj Dios yej ki‑ojpa‑ixitij Cristo ka̱n miktoya. Iwá̱n Dios kichij iga Cristo poxsan makiweyimati̱lti̱ka̱n. Inó̱n iga amejwa̱n anmoconfia̱rojkej ipan Dios iwá̱n ankimelaꞌmatitokej iga Dios kichi̱was ken kijtoj.

1 Pedro 2:12

Xiye̱ꞌnemika̱n iyi̱xtaj yej ayá̱ꞌ kicre̱dowaj Dios. Ijkó̱n yejamej, malej iga amejwa̱n mitzijliáj iga ankichi̱waj yej aye̱kti, yejame̱n kitaskej iga ankichi̱waj yej ye̱kti iwá̱n kiweyimati̱lti̱skej Dios kua̱ꞌ yéj wi̱ꞌ tajuzga̱ro̱ki.

1 Pedro 4:11

Siga agaj wel ye̱ꞌtajtowa, makipowa itájto̱l Dios. Siga agaj wel kipale̱wiá seꞌ tokni̱n, makichi̱wa iga itájpal yej Dios kimaka. Nochi yej ankichi̱waj, xikchi̱waka̱n iga mamoweyimati̱lti Dios ipan ito̱ka̱ꞌ Jesucristo, porque yéj iga iweyi poder nochipa manda̱rowa. Ijkó̱nyawaꞌ.