San Juan 11:40 - El Nuevo Testamento

⁴⁰ Eꞌ Jesús kijtoj: —¿Ix ayá̱ꞌ nimitzijlij, siga ticre̱dowa tia tikitati iweyipode̱r Dios?

San Juan 11:40 Iomraidhean Croise

San Mateo 17:20

Jesús kijtoj: —Iga amejwa̱n ayá̱ꞌ anmomelaꞌconfia̱ro̱waj nopan. Siga katka anmoconfia̱rowa̱yaj malej alí̱n ke̱ꞌpa íyo̱l mostaza, wel ankijlia̱yaj iní̱n tepe̱ꞌ: “Xicholo ompa iwá̱n xaj nepa”; iwá̱n inó̱n tepe̱ꞌ cholo̱j. Nochi wel ankichi̱wayaj siga anmomelaꞌconfia̱ro̱waj.

San Marcos 9:23

Jesús kijlij: —Siga timoconfia̱rowa iga niwel, wel. Iga yej moconfia̱rowa ipan nej, nochi wel kichi̱wa.

San Juan 1:14

Iwá̱n inó̱n Tájto̱l mochij ta̱gaꞌ, iwá̱n cha̱ntitoya iwá̱n nejame̱n, poxsan te‑ijikni̱n iwá̱n ayí̱ꞌ takajkaya̱wa. Iwá̱n nikitakej iweyipode̱r, ino̱nwaꞌ iweyipode̱r ise̱lpiltzi̱n toTaj.

San Juan 11:4

Kua̱ꞌ Jesús inó̱n kikaguiꞌ, kijtoj: —Iní̱n kokolis ayá̱ꞌ kimikti̱j, ino̱nwaꞌ iga mamoweyimati̱lti Dios kua̱ꞌ mone̱xtiá yej yéj wel kichi̱wa iwá̱n iga no̱ mamone̱xti iga nej iPiltzi̱n Dios.

San Juan 12:41

Isaías kijtoj inó̱n iga kitaꞌ iweyipode̱r Jesús, iwá̱n tajtowa̱ya de yéj.

San Juan 9:3

Jesús kijtoj: —Ayéj iga yéj kichij yej aye̱kti, niga itaj niga iye̱ꞌ kichijkej yej aye̱kti, sino que iga ipan yéj mamone̱xti yej Dios wel kichi̱wa.

Romanos 6:4

Iga kua̱ꞌ timobautiza̱rojkej, íkua̱ꞌ timosento̱kkej íwa̱n. Ijkó̱n ken toTaj ki‑ojpa‑ixitij Cristo iga iweyi poder, ijkó̱n iná̱n teojpa‑ixitij iga matiye̱ꞌnemíka̱nya pan iyojwi.

2 Corintios 3:18

Inó̱n iga nochi tejamej yej ticre̱dojtokej Cristo, ayꞌya ti‑i̱xtzaktokej iga tzótzol iwá̱n ne̱si ipode̱r Dios ipan toxa̱yaꞌ, toxa̱yaꞌ ken tikita se̱ espejo. Iwá̱n iyEspí̱ritoj toTe̱ko kipatatiá tovi̱dajmej este que timochi̱waj kensan Yéj.

2 Corintios 4:6

Kua̱ꞌ Dios pe̱waꞌ kichij iní̱n ta̱jli, kijtoj: “Maxo̱ta tiꞌti ka̱n takomichka̱n.” Yéjsan no̱ kita̱lij yej xo̱ta ipan toa̱lmaj, iga ijkó̱n matiki̱xmatika̱n ipode̱r Dios yej xo̱ta ipan ixa̱yaꞌ Jesucristo.