San Juan 11:33 - El Nuevo Testamento

³³ Kua̱ꞌ Jesús kitaꞌ iga cho̱katoꞌ María iwá̱n judiyojmej yej íwa̱n wa̱lkej, Jesús poxsan mokno̱matiꞌ este kualo̱ꞌ iya̱lmaj.

San Juan 11:33 Iomraidhean Croise

San Marcos 3:5

Jesús kitachi̱lij ino̱mej; kikuesowílijpa, iwá̱n moyo̱lmiktij iga ino̱mej yo̱ltakuaktikej. Jesús kijlij inó̱n yej ma̱takua̱wayaxtoꞌ: —Xikmela̱wa moma̱ꞌ. Iwá̱n inó̱n ta̱gaꞌ kimelaj ima̱ꞌ, iwá̱n ye̱ktiaꞌya.

San Marcos 9:19

Jesús kijtoj: —¡Mataj amejwa̱n ayá̱ꞌ anmomelaꞌconfia̱rojtokej nopan! ¿Este ké̱manoꞌ má̱j nia nonoti iwá̱n amejwa̱n? ¿Este ke̱man nia nimitzijyo̱wijtotij? Taꞌ xine̱wajliguili̱ka̱n in chokotzi̱n.

San Juan 11:19

iwá̱n miaꞌ judiyojmej yajkij kipaxa̱lowili̱toj Marta iwá̱n María iga kiyo̱lchika̱watoj, iga miguiꞌ iyikni̱n.

San Juan 11:31

Kua̱ꞌ kitakej María moketzaꞌ iwá̱n ki̱ste̱waꞌ, judiyojmej yej onoyaj cha̱n María iga kiyo̱lchika̱waj, kitokakej, yejamej kijtojkej anka yawi ka̱n moto̱gaꞌ Lázaro iga cho̱kati.

San Juan 11:34

Iwá̱n Jesús tatajtan: —¿Ka̱n ankito̱kakej in Lázaro? Yejamej kijtojkej: —NoTe̱ko, xiwi̱ki xikitaki.

San Juan 11:35

Iwá̱n Jesús cho̱gaꞌ.

San Juan 11:38

Jesús sej cho̱gaꞌ iya̱lmaj, kitechoj a̱nimajxapoꞌ, inó̱n xapoꞌ te̱ntzaktoya iga se̱ weyiteꞌti.

San Juan 12:27

’Iná̱n pox nitayo̱koxtoꞌ; ¿te̱ nia nikijto̱ti? ¿Ix manikijto: “NoTaj, xine̱ma̱nawi ipan iní̱n yej yawij ne̱chi̱wili̱tij iná̱n”? Eꞌ iga inó̱n nokta niwa̱laj.

San Juan 13:21

Kua̱ꞌ tamiꞌ iní̱n kijtoj, Jesús poxsan moyo̱lmiktij, iwá̱n kinojma‑ijtoj: —Nimitznojma‑ijliáj, iga se̱ de amejwa̱n yawi ne̱ne̱xti̱ti iga mane̱ki̱tzki̱ka̱n.

Romanos 12:15

Xipa̱kika̱n wa̱n yej pa̱ktokej, iwá̱n xisencho̱kaka̱n wa̱n yej nemi cho̱kaj.

Hebreos 4:15

Jesús tosacerdo̱tej yej ijé̱fejpa sacerdo̱tejmej, yéj wel te̱pale̱wiá iga amo matikchi̱waka̱n kua̱ꞌ tikchi̱wasnekij yej aye̱kti; iga Tzitzimiꞌ kichi̱walti̱jnekiá Jesús no̱ yej aye̱kti ken kineki tejamej no̱ matikchi̱waka̱n; eꞌ Jesús nike̱man ayí̱ꞌ kichij yej aye̱kti.