San Juan 1:21 - El Nuevo Testamento

²¹ Iwá̱n sej kitajtankej: —¿A̱ꞌtaj yej in tej? ¿Ix tiprofe̱taj Elías? Juan kijtoj: —Ayéj. Iwá̱n kitajtankej: —¿Ixtaj tej in inó̱n profeta yej momatiá iga asiá? Kijtoj: —Ayéj.

San Juan 1:21 Iomraidhean Croise

San Mateo 11:14

Siga anne̱cre̱dowaj, Juanwaꞌ in profeta Elías yej wi̱tzeya.

San Mateo 16:14

Disci̱polojmej kijtojkej: —Sekin kijtowaj iga tej tiJuan yej tabautiza̱rowa̱ya; sekin sej kijtowaj iga tej ikyapaprofe̱taj Elías, iwá̱n sekin sej kijtowaj iga tej ikyapaprofe̱taj Jeremías o agaj profeta.

San Mateo 21:11

La gente kijtowa̱ya: —Ini̱nwaꞌ profeta Jesús, yej moskaltij Nazaret ipan ta̱jli de Galilea.

San Lucas 1:17

Iwá̱n mopiltzi̱n tayaka̱ntiá̱j iyi̱xtaj toTe̱ko iwá̱n kipiás espíritu yej kipiaya el profeta Elías iga wel makichi̱wa ken kichij yéj. Kichi̱was iga te̱tajmej mamoye̱ꞌitaka̱n iwá̱n ipilowa̱n, iwá̱n iga yej ayá̱ꞌ tacre̱dowaj wel matacre̱do̱ka̱n. Ijkó̱n kichi̱was iga la gente wel maki‑o̱mema̱wi toTe̱ko.

San Juan 1:22

Iwá̱n kijlijkej: —¿A̱ꞌtaj yéj nokta in tej? Niknekij manikmati̱lti̱ka̱n yej ne̱ti̱tankej. ¿Té̱ wel anne‑ijliáj de tej?

San Juan 1:25

iwá̱n tatajtankej: —Sigataj ayéj tiCri̱stoj, niga ti‑Elías, niga tiprofe̱taj ¿Te ígataj titabautiza̱rowa?

San Juan 6:14

Kua̱ꞌ la gente kitaꞌ iga Jesús kichij milagro, kijtojkej: —Kena, iní̱n profeta yej momatiá iga yawi wi̱kiti ipan iní̱n ta̱jli.

San Juan 7:40

Sekin yej ompa onoyaj kua̱ꞌ kikakikej iní̱n, kijtojkej: —Iní̱n ta̱gaꞌ profeta nokta yej tikchi̱xtoyaj.