San Juan 1:14 - El Nuevo Testamento

¹⁴ Iwá̱n inó̱n Tájto̱l mochij ta̱gaꞌ, iwá̱n cha̱ntitoya iwá̱n nejame̱n, poxsan te‑ijikni̱n iwá̱n ayí̱ꞌ takajkaya̱wa. Iwá̱n nikitakej iweyipode̱r, ino̱nwaꞌ iweyipode̱r ise̱lpiltzi̱n toTaj.

San Juan 1:14 Iomraidhean Croise

San Mateo 1:16

Jacob mochij te̱taj iga José, yej iwe̱wej María. Ini̱nya María yej iye̱ꞌ Jesús, ini̱nya Jesús yej tikto̱ka̱wiáj Cristo.

San Lucas 2:11

iga a̱man nace̱ro̱co ipan iya̱ltepe̱ꞌ David se̱ yej mitzma̱nawi̱koj, toTe̱ko, el Cristo yej itati̱tan Dios.

San Lucas 2:7

Iwá̱n ompa kitaꞌ iyokichko̱pompiltzi̱n, iwá̱n kikijkimiloj iga tzótzol iwá̱n kite̱gaꞌ ipan kuacajo̱n ka̱n motamaka kawa̱yojmej, iga ayꞌya onoya ka̱n kochij yej paxa̱lowaj.

San Lucas 9:32

Malej iga Pedro iwá̱n yej íwa̱n nemiáj pox kochisnekiáj, eꞌ yejame̱n akochkej iwá̱n kitakej ita̱wi̱lyo Jesús iwá̱n ino̱mej o̱me̱n tajta̱gaꞌ yej onoyaj iwá̱n Jesús.

San Juan 1:1

Kua̱ꞌ pe̱waꞌ nochi, onóyaya in Tájto̱l; iwá̱n inó̱n Tájto̱l onoya iwá̱n Dios iwá̱n yéj in Dios.

San Juan 11:40

Eꞌ Jesús kijtoj: —¿Ix ayá̱ꞌ nimitzijlij, siga ticre̱dowa tia tikitati iweyipode̱r Dios?

San Juan 14:6

Jesús kijtoj: —Nejwaꞌ in inó̱n ojti, nej yej anitakajkaya̱wa, wa̱n nitamaka vida. Ayagaj wel asi ka̱n onoꞌ toTaj Dios siga ayá̱ꞌ moconfia̱rowa ipan nej.

San Juan 14:9

Jesús kijtoj: —Felipe, ikyay ninemi iwá̱n amejwa̱n, ¿iwá̱n áyataj tine‑i̱xmati? Yej ne‑ítaꞌya, kitaꞌ no̱ toTaj; ¿te ígataj tine‑ijliá iga manimitzne̱xtili̱ka̱n toTaj?

San Juan 17:22

Nikmakakej ino̱nsan poder yej tej tine̱máꞌ, iga maonoka̱n ken se̱san, ijkó̱n ken tej iwá̱n nej tise̱titokej.

San Juan 17:24

’NoTaj, ini̱mej yej ne̱tokaj, tej tine̱máꞌ, nikneki maonoka̱n ka̱n nej nonos, iga makitaka̱n inó̱n weyipode̱r yej tine̱máꞌ; iga tine̱neguiꞌ desde kua̱ꞌ aya mochi̱wa iní̱n ta̱jli.

San Juan 18:37

Iwá̱n Pilato kijtoj: —¿In tejtaj se̱ rey? Jesús kijtoj: —Nej nirre̱y, ken tej tikijtowa. Nej inó̱n iga ninace̱roj iwá̱n niwa̱laj ipan iní̱n ta̱jli iga nikijto̱ko yej melá̱ꞌ nokta. Nochi yej ki̱xmatij iwá̱n kijtowaj yej melaꞌcie̱rtoj, ne̱tajto̱lkakij.

San Juan 2:11

Iní̱n yej Jesús kichij Caná ipan estado de Galilea, áchto‑oꞌ kichij milagro ka̱n kine̱xtij iweyipode̱r; iwá̱n idisci̱polojmej kicre̱dojkej ipan yéj.

San Juan 3:16

Dios poxsan kineꞌ inochimej yej onokej ipan iní̱n ta̱jli, este kimáꞌ ise̱lpiltzi̱n, iga inochi yej makicre̱do ipan yéj amo mapoliwi, ma̱jwaꞌ nochipa maono wa̱n Dios.

San Juan 3:18

Yej kicre̱dowa ipan iPiltzi̱n Dios, ayoꞌ kicastiga̱ro̱skej iga kichij yej aye̱kti; eꞌ yej ayá̱ꞌ kicre̱dowa, Dios kíjtoja iga yawi kicastiga̱ro̱ti iga kichij yej aye̱kti iga ayá̱ꞌ kicre̱dowa ipan ise̱lPiltzi̱n Dios.

San Juan 6:51

Nejwaꞌ in inó̱n pa̱n yej isatoꞌ; yej temoj ipan cielo. Yej kikua iní̱n pa̱n, yawi onoti nochipa wa̱n Dios. Iní̱n pa̱n yej nia nikmakati, ini̱nwaꞌ nonakayo. Nia nikmakati iga makipiá vida nochi gente.

San Juan 8:32

Iwá̱n anki̱xmatiskej yej melá̱ꞌ nokta, iwá̱n ken kua̱ꞌ ayoꞌ nité̱ mitzilpitoskej.

Hechos 13:33

Tejamej ipilówa̱mpa yejamej, Dios kíchija yej kijtoj iga ki‑ojpa‑ixitij Jesús ka̱n miktoya, ijkó̱n ijkuilijtoꞌ ipan salmos dos: “Tej tinopiltzi̱n; a̱man nej nikchij iga wel xono.”

Romanos 8:3

Iga Dios kichij iga tejamej yej ileypa Moisés awel kichi̱waya. Inó̱n ley awel te̱pale̱wiá iga tikchi̱waj yej tatekimaka, iga nochipa toa̱lmaj kineki matikchi̱waka̱n yej aye̱kti. Dios kiti̱tan iPiltzi̱n yej mochij ta̱gaꞌ yej ne̱siá kensan tejamej, yej aye̱kti tikchi̱waj, iga mamiki iga totechko. Dios ipan icue̱rpoj iPiltzi̱n kipoloj nochi yej aye̱kti tikchi̱waj.

Romanos 9:5

Yejamej ipilowa̱n ipilówa̱mpa to‑ikyapatajwe̱wetkej, ipan ino̱mej wa̱laj Cristo, iwá̱n yéj Dios yej kimanda̱rowa nochi, nochipa mamoweyimati̱lti. Ijkó̱nyawaꞌ.

1 Corintios 15:47

Yej achto ta̱gaꞌ, chijtoꞌ de ta̱lpíno̱l; iwá̱n seꞌ ta̱gaꞌ, yej toTe̱ko, wa̱laj ipan cielo.

2 Corintios 12:9

eꞌ ne‑ijlij: “Iga nimitzcho̱kiliá, ayá̱ꞌ mitzpolowa nité̱; kua̱ꞌ ayꞌya titajpalej, nopode̱r mone̱xtiá ipan tej.” Inó̱n iga nimokichmati kua̱ꞌ ayá̱ꞌ nitajpalej, ijkó̱n ipode̱r Cristo mone̱xtiá ipan nej.

Gálatas 4:4

Eꞌ kua̱ꞌ asiꞌ tiempo yej Dios kijtoj, kiti̱tan iPiltzi̱n, yej onoko ipan se̱ siwa̱ꞌ iwá̱n kichij ken tatekimaka iley Moisés.

Efesios 3:8

Nej yej má̱j até̱ noteki que nochi yej kitapejpen Dios iga itatki; eꞌ yéj kiye̱ꞌita iga manikpowili ye̱ꞌnoti̱ciaj yej ayéj judiyojmej. Inó̱n ye̱ꞌnoti̱ciaj te̱mati̱ltiá yej kichij Cristo iga tejame̱n, yej pox vale̱rowa iwá̱n ayagaj wel kaxiliá ipatiyo.

Colosenses 1:19

Puej Dios kiye̱ꞌitaꞌ iga nochi ipode̱r maono ipan Cristo.

Colosenses 2:3

Ipan yéj onoꞌ inochi itamatilis Dios yej ken tikita tejté̱ yej i̱ya̱ntoꞌ yej pox vale̱rowa.

Colosenses 2:9

Cristo, malej iga kipiaya se̱ icue̱rpoj ken tejáme̱mpa, yéjwaꞌ nokta Dios no̱.

1 Timoteo 3:16

Tikmelaꞌmatij iga iní̱n yej aya momatiá, yej ticre̱dowaj pox ye̱kti: Dios wa̱laj ken se̱ ta̱gaꞌ; IyEspí̱ritoj Dios kinojma‑ijtoj iga ayí̱ꞌ kichij yej aye̱kti, iwá̱n a̱ngelejmej kitakej, iwá̱n no̱ya̱n ipan pai̱smej mopowaꞌ, iwá̱n no̱ya̱n ipan iní̱n ta̱jli kicre̱dojkej, iwá̱n tejkaj sej ipan cielo.

Hebreos 1:3

Ipan Jesús mo‑ita ipode̱r Dios iwá̱n ípan ne̱si ken nokta in Dios, iwá̱n iga ipode̱r itájto̱l kichi̱wa iga nochi yej onoꞌ wel maonoka̱n. Kua̱ꞌ Jesús kíchija iga Dios wel te̱perdona̱rowiliá yej tikchijkej yej aye̱kti, mota̱lij ila̱doj iye̱ꞌma̱ꞌ Dios ka̱n manda̱rowa ipan cielo.

Hebreos 1:5

Iwá̱n Dios ayí̱ꞌ kijlij nisé̱ ángel: Tej tinopiltzi̱n; a̱man nej nimitzmáꞌ movi̱daj; iwá̱n seꞌ ve̱j kijtoj: Nej nimochi̱was te̱taj iga yéj; iwá̱n yéj mochi̱was te̱piltzi̱n iga nej.

Hebreos 10:5

Inó̱n iga Cristo, kua̱ꞌ wa̱laj ipan ta̱jli, kijlij Dios: Ayá̱ꞌ tikneꞌ mamitzmiktili̱ka̱n yo̱lka̱mej niga seꞌpa ofrenda mamitzmakaka̱n, sino que tikchij iga nej manikpiá nocue̱rpoj ken ta̱gaꞌ iga manikchi̱wa ken tikneki.

Hebreos 2:11

Jesús kichi̱wa iga se̱ tokni̱n wel maye̱ꞌono iyi̱xtaj Dios. Nochi yej ye̱ꞌonokej iyi̱xtaj Dios, se̱san mochi̱waj wa̱n Jesús iga Dios isenTajmej. Iwá̱n Jesús ayá̱ꞌ pi̱na̱wa iga kijtowa iga iyikni̱mej yejame̱n,

Hebreos 5:5

Ijko̱nsan no̱ Cristo, ayá̱ꞌ igá̱najsan mochij ije̱fej sacerdo̱tejmej, sino que Dios kijlij: Tej tinopiltzi̱n; a̱man nej nimochij motaj.

1 Juan 4:14

Iwá̱n nejamej nikitakej iwá̱n niknojma‑ijtowaj iga toTaj kiti̱tan iPiltzi̱n iga makisalva̱ro nochi gente.

1 Juan 4:9

Dios kine̱xtij iga te̱poxneki kua̱ꞌ kiti̱tan ise̱lPiltzi̱n ipan iní̱n ta̱jli, iga timoconfia̱rowaj pan yéj, nochipa tonoskej wa̱n Dios.

2 Juan 1:7

Ipan iní̱n ta̱jli onoꞌ miaꞌ yej takajkayajtinemij. Yejamej ayá̱ꞌ kijtowaj iga Jesucristo kipiáꞌ icue̱rpoj ken nochi ta̱gaꞌ. Yej ijkó̱n kijtowa, ino̱nwaꞌ takajkaya̱wa iwá̱n kijiya Cristo.

El Apocalipsis 19:13

Iwá̱n kakijtoꞌ itzótzol yej kajkakalijtoꞌ esti, iwá̱n ito̱ka̱ꞌ: Itájto̱l Dios.

El Apocalipsis 21:3

Iwá̱n nikaguiꞌ se̱ tájto̱l recio yej wi̱tzeya ipan cielo kijtowa: —¡Xikita, Dios cha̱ntitoꞌ ka̱n onolo̱ꞌ! Yéj yawi cha̱ntitoti iwa̱mej, yejamej mochi̱waskej ige̱ntej, iwá̱n Dios onos iwa̱mej. Yéj isé̱ltisan onos Dios iga ino̱mej.