Efesios 5:9 - El Nuevo Testamento

⁹ Iga yej kipiá iyEspí̱ritoj Dios pox te‑ijikni̱n, ye̱ꞌnemi, iwá̱n atakajkaya̱wa.

Efesios 5:9 Iomraidhean Croise

San Mateo 3:8

Xiye̱ꞌnemika̱n iga mane̱si iga ankikajtéjkeja iga ankichi̱waj yej aye̱kti.

San Juan 1:47

Kua̱ꞌ Jesús kitaꞌ iga kina̱ꞌtechojtia̱ya Natanael, kijtoj: —Nigaj wi̱ꞌ se̱ yej melaꞌisraeli̱taj, yej ayí̱ꞌ takajkaya̱wa.

Romanos 15:14

Nokni̱wa̱n nej nikmati iga amejwa̱n poxsan ante‑ijikni̱mej iwá̱n ankimátija itájto̱l Dios iwá̱n welya anmosepanno̱no̱tzaj.

Romanos 2:4

¿Anka tikijiya yej Dios mitzmaka iga Dios pox tacho̱kiliá wa̱n ayá̱ꞌ nimaní̱n kuesiwi? ¿Ix atikmati iga pox tacho̱kiliá iga mitzne̱xtiliá iga xikajte̱wa iga tikchi̱wa yej aye̱kti?

Efesios 4:15

Iga timonekij, matikijto̱ka̱n yej melaꞌcie̱rtoj, ijkó̱n nochi tikchijtia̱skej ken Cristo te̱ne̱xtiliá, iga yéjwaꞌ in totzontekon.

Efesios 4:25

Inó̱n iga ayoꞌ xitakajkaya̱waka̱n, sejsé̱ de amejwa̱n amo makikajkaya̱wa iyikni̱n, iga tejáme̱mpasan iga pansan se̱ cuerpo tise̱titokej.

Efesios 6:14

Xiye̱ꞌisatoka̱n; nochipa xikijto̱ka̱n yej melaꞌcie̱rtoj iwá̱n ijkó̱n kenkua̱ꞌ antajko‑ilpitokej iga anmoma̱nawiáj, iwá̱n nochipa xikchi̱waka̱n yej ye̱kti iwá̱n ijkó̱n kenkua̱ꞌ anmoe̱ltzakuaj iga kua̱chti de tepos.

Filipenses 1:11

Pues amejamej, iga mitzpale̱wiáj Jesucristo, ankichi̱waskej yej ye̱kti iga tokni̱wa̱n makiweyimati̱lti̱ka̱n Dios.

Colosenses 3:18

Siwa̱tkej yej anwe̱wejyójkeja, xikchi̱waka̱n yej mitztekimakaj amowé̱j, iga ijkó̱n kineki toTe̱ko.

1 Timoteo 6:11

Eꞌ tej Timoteo yej tiktoka Dios, amo ijkó̱n xikchi̱wa. Xiye̱ꞌnemi, xikchi̱wa ken Dios kineki, ximoconfia̱ro ipan Dios, xite‑ijikni̱n, amo nimaní̱n xikuesiwi iwá̱n xiyo̱lyama̱niꞌ.

Hebreos 1:8

Eꞌ Dios kijlij iPiltzi̱n: Tej tiDio̱s iwá̱n ayí̱ꞌ tamis iga timanda̱rowa; iwá̱n tej nochi tikye̱ꞌchi̱wa iga tirreina̱rowa.

Hebreos 11:33

Iga moconfia̱rojkej pan Dios wel kita̱nilijkej re̱yejmej iwá̱n wel taye̱ꞌjuzga̱rojkej, iwá̱n kimakakej yej Dios kijtoj. Iwá̱n te̱kua̱nimej kikamatzakkej iga amo wel makikua̱ka̱n yejamej.

1 Juan 2:29

Iga amejamej ankimatij iga Jesucristo nochipa kichi̱wa yej ye̱kti, iwá̱n xikmatika̱n iga nochi yej kichi̱waj yej ye̱kti ino̱mej sí, ipilowa̱n Dios.

3 Juan 1:11

Nokni̱n yej nimitzpoxneki, amo ximi̱xkui̱ti ipan yej kichi̱wa yej aye̱kti, xikchí̱wasan yej ye̱kti. Yej kichi̱wa yej ye̱kti, inó̱n kitoka Dios; eꞌ yej kichi̱wa yej aye̱kti, inó̱n ayí̱ꞌ kitaꞌ Dios.