Efesios 5:2 - El Nuevo Testamento

² Ximosepannekika̱n, kensan Cristo te̱neki, iwá̱n mote̱máꞌ iga miꞌ ga tejame̱n. Kua̱ꞌ miꞌ Cristo, Dios kiye̱ꞌitaꞌ ken kua̱ꞌ se̱ yo̱lka̱ꞌ kimiktiliáj iwá̱n ajwiya̱ꞌ kua̱ꞌ tata.

Efesios 5:2 Iomraidhean Croise

San Mateo 20:28

Ijkó̱n nej yej iPiltzi̱n Ta̱gaꞌ ayá̱ꞌ niwa̱laj iga mane̱pale̱wi̱ka̱n, sino que iga manitapale̱wi, iwá̱n iga manimiki iga miaꞌ manikxitoma yej ken ilpitokej iga aye̱kti kichijtokej.

San Juan 13:34

Nimitzmakaj iní̱n nuevo mandamiento: ximosepannekika̱n. Ijkó̱n ken nej nimitznekij, amejwa̱n no̱ ximosepannekika̱n.

San Juan 6:51

Nejwaꞌ in inó̱n pa̱n yej isatoꞌ; yej temoj ipan cielo. Yej kikua iní̱n pa̱n, yawi onoti nochipa wa̱n Dios. Iní̱n pa̱n yej nia nikmakati, ini̱nwaꞌ nonakayo. Nia nikmakati iga makipiá vida nochi gente.

Romanos 15:16

iga nej itekipanowa̱ni Jesucristo. Nikui̱guiliá itájto̱l Dios yej ayéj judiyojmej iga inó̱n notekipáno̱l. Ijkó̱n yej ayéj judiyojmej Dios makikui iga ofrenda yej makiye̱ꞌita. El Espíritu Santo mitztapejpenkej iga xonoka̱n ken ofrenda iga Dios.

Romanos 4:25

Dios kineꞌ iga makimikti̱ka̱n Jesús iga yej tikchijkej yej aye̱kti, iwá̱n ki‑ojpa‑ixitij iga matiye̱ꞌonoka̱n iyi̱xtaj yéj.

Romanos 8:3

Iga Dios kichij iga tejamej yej ileypa Moisés awel kichi̱waya. Inó̱n ley awel te̱pale̱wiá iga tikchi̱waj yej tatekimaka, iga nochipa toa̱lmaj kineki matikchi̱waka̱n yej aye̱kti. Dios kiti̱tan iPiltzi̱n yej mochij ta̱gaꞌ yej ne̱siá kensan tejamej, yej aye̱kti tikchi̱waj, iga mamiki iga totechko. Dios ipan icue̱rpoj iPiltzi̱n kipoloj nochi yej aye̱kti tikchi̱waj.

Romanos 8:37

Eꞌ ipan nochi iní̱n, nochipa tiye̱ꞌki̱saj iga te̱pale̱wiá Cristo yej te̱neki.

1 Corintios 16:14

Nochi yej ankichi̱waj, xikchi̱waka̱n iga ankinekij amokni̱wa̱n.

1 Corintios 5:7

Xiki̱xti̱ka̱n inó̱n ta̱gaꞌ yej ken tikita ikyapa levadura iga amo mitzmopaskej. Ijkó̱n anmochi̱waskej ken pa̱n yej mokua ipan iyilwi la Pascua, yej mochi̱wa iga tixti yej akipiá levadura, ijko̱nwaꞌ nokta in amejwa̱n. Iga Cristo kimiktijkej iga totechko, iga yéj mochij ken Cordero yej kimiktijkej ipan iyilwi la Pascua.

2 Corintios 2:14

Eꞌ gracias a Dios iga nochipa wel tiye̱ꞌki̱saj iga Cristo te̱pale̱wiá. Dios te̱pale̱wiá iga tikpowaj itájto̱l iga sekin maki̱xmatika̱n Cristo, inó̱n ken tikita tejté̱ yej no̱ya̱n ajwiya̱ya.

2 Corintios 2:15

Iga tejame̱n ken tikita iyajwiya̱xka incienso yej Cristo kimaka Dios, iwá̱n kijnekuij yej moma̱nawi̱skej wa̱n yej mopojpolowaj.

2 Corintios 8:9

Porque amejwa̱n ankimátija iga toTe̱ko Jesucristo ye̱ꞌonoya ipan cielo iwá̱n kua̱ꞌ wa̱laj pan ta̱jli, mochij ken yej amotapialiá iga mitznekij, iwá̱n iga yéj amotapialij, mochij iga amejwa̱n xiye̱ꞌonoka̱n ipan cielo.

Gálatas 1:4

Jesucristo kichij ken kineꞌ Dios yej toTaj wa̱n mote̱máꞌ iga miꞌ iga totechko, iga mate̱ma̱nawi iga ayꞌya matikchi̱waka̱n yej aye̱kti ken kitekichi̱waj yej onokej iná̱n ipan iní̱n ta̱jli.

Gálatas 2:20

Nej nimíguiꞌya pan cruz wa̱n Cristo; inó̱n iga ayoꞌ nej in yej nisatoꞌ, Cristo isatoꞌ nopan, iwá̱n iná̱n iga nonoꞌ, nonoꞌ iga nimoconfia̱rowa ipan iPiltzi̱n Dios yej ne̱neguiꞌ iwá̱n miguiꞌ iga nej.

Efesios 1:4

Dios te̱tapejpen áchtosan, este kua̱ꞌ aya mochi̱waya iní̱n ta̱jli, iga matise̱titoka̱n iwá̱n Cristo, iga matimochi̱waka̱n de yéjpasan iwá̱n iga matikchijtoka̱n iyi̱xtaj yej yéj kineki.

Efesios 3:17

No̱ niktajtaniliá Dios iga Cristo maono ipan amejamej iga anmoconfia̱rowaj ipan yéj, iwá̱n ijkó̱n xiknekika̱n Dios wa̱n ximonekika̱n iga inochi amoa̱lmajmej.

Efesios 3:19

Niktajtaniliá iga xikmatika̱n ken iga te̱neki, malej iga ayagaj wel kimati nochi ken iga Cristo te̱neki, ijkó̱n anmomelaꞌconfia̱rojtoskej ipan Dios.

Efesios 4:15

Iga timonekij, matikijto̱ka̱n yej melaꞌcie̱rtoj, ijkó̱n nochi tikchijtia̱skej ken Cristo te̱ne̱xtiliá, iga yéjwaꞌ in totzontekon.

Efesios 4:2

Ximoali̱mpamatika̱n, xite‑ijikni̱mej; amo nimaní̱n xikuesiwika̱n, ximosepancho̱kili̱ka̱n iga anmonekij,

Efesios 5:15

Inó̱n iga ximo‑itaka̱n ken iga annemij. Amo xonoka̱n ken yej ayá̱ꞌ ki̱xmati yej ye̱kti, sino que ken yej kimati te̱ mochi̱wa iga nochi maye̱ꞌki̱sa.

Efesios 5:25

Ta̱gaꞌ, xikneki mosiwa̱ꞌ, ijkó̱n ken Cristo kineꞌ yej kitokaj Dios iwá̱n miꞌ iga nochi tejamej.

Filipenses 4:18

Pues nej nikpiaya nochi, ayꞌ te̱ ne̱polowa. Inó̱n tomi̱n yej anne̱ti̱tanilijkej iwá̱n Epafrodito ken tikita incienso yej ajwiya̱ꞌ yej kitatiliáj Dios, iwá̱n Dios inó̱n kipoxye̱ꞌita.

Colosenses 3:14

Eꞌ de inochi ini̱mej, má̱j ye̱kti iga ximopoxnekika̱n, ijkó̱n nochipa amonoskej ken kua̱ꞌ se̱san amoa̱lmajmej.

1 Tesalonicenses 4:9

Ayá̱ꞌ kajási‑oꞌ iga nimitzijkuilowiliáj iga ximosepannekika̱n iwá̱n amokni̱mej, iga Dios nokta mitzne̱xtilíjkeja ken iga ximonekika̱n.

1 Timoteo 2:6

yej mote̱máꞌ iga miꞌ iga nochi tokni̱mej wel mamosalva̱ro, iní̱n momatiko kua̱ꞌ nokta Dios kineꞌ.

1 Timoteo 4:12

Amo agaj mamitzali̱mpamati iga aya tiyo̱lej; ma̱jwaꞌ wel ipan tej mami̱xkui̱ti̱ka̱n ken iga titajtowa, ken iga tinemi, ken iga tite‑ijikni̱n, tiyo̱lyama̱niꞌ, ken iga timoconfia̱rowa pan Dios wa̱n iga ateyi nité̱ yej aye̱kti ipan moa̱lmaj.

Tito 2:14

Yéj mote̱máꞌ iga miꞌ iga tejamej iga te̱salva̱roj iga tikchijtoyaj inochi yej aye̱kti, iwá̱n te̱perdona̱rowilij yej tikchijkej yej aye̱kti, iga matimochi̱waka̱n itatki, iwá̱n nochipa matikchijtoka̱n yej ye̱kti.

Hebreos 8:3

Nochi sacerdote kita̱liáj iga kimaka ofrenda iwá̱n kimiktiá yo̱lka̱ꞌ iga kitatiliá Dios. No̱ kajasi iga Jesús makipiá tejté̱ iga makimaka Dios.

Hebreos 9:14

Eꞌ Cristo iyesyo ma̱jya sej kipiá poder que iyesyo yo̱lka̱mej. Iwá̱n iyEspí̱ritoj Dios yej nochipa onoꞌ kipale̱wij Cristo iga wel mote̱máꞌ iga makimikti̱ka̱n, sinke tejté̱ makichi̱wa yej aye̱kti, iwá̱n iyesyo tee̱wi̱ltilij iga ayꞌ matikejla̱ntoka̱n iga tikchi̱waj yej aye̱kti yej te̱miktiá, iga wel matikchi̱waka̱n yej kineki Dios yej isatoꞌ.

Hebreos 9:23

Nochi ini̱mej ken copia de yej onoꞌ ipan cielo. Inó̱n iga mamoajtzelwi iga esti iga Dios makiye̱ꞌita. Eꞌ yej onoꞌ ipan cielo kineki iga mamiki yej má̱j vale̱rowa que yo̱lka̱mej.

Hebreos 9:26

Siga cada año katka makichi̱wa Cristo, miaꞌ ve̱j mikiá desde kua̱ꞌ mochij iní̱n ta̱jli. Eꞌ iná̱n, kua̱ꞌ alí̱n kipolowa iga poliwilo̱j, Cristo wa̱laj mikiko se̱san ve̱j iga nochi mate̱perdona̱rowili yej tikchijkej yej aye̱kti.

1 Pedro 4:8

Eꞌ yej má̱j ye̱kti, amejwa̱n ximopoxnekika̱n porque iga anmopoxnekij wel anmoe̱lka̱wiliáj siga agaj mitzchi̱wiliáj yej aye̱kti.

1 Juan 3:16

Tikmatij ken iga matimonekika̱n, ken Jesucristo te̱ne̱xtilij kua̱ꞌ miguiꞌ iga tejamej. Ijko̱nsan no̱ tejamej, matiknekika̱n tokni̱wa̱n este wel matimikika̱n iga yejamej.

1 Juan 3:23

Dios te̱tekimaka iga maticre̱do̱ka̱n Jesucristo yej iPíltzi̱mpa iwá̱n matimosepannekika̱n ken yéj tatekimaka.

El Apocalipsis 1:5

No̱ mamitzyo̱lchika̱waka̱n Jesucristo yej kimelaꞌmati inewi yej yawi mochi̱wati, yej achto ojpa‑isaꞌ ka̱n miktoya, yej kimanda̱rowa inochi yej manda̱rowaj ipan ta̱jli. Cristo te̱neki iwá̱n te̱pájpa̱ꞌya iga iyesyo, inó̱n iga te‑ita ken atikchijkej yej aye̱kti.

El Apocalipsis 5:9

Iwá̱n kikui̱kayaj iní̱n nuevo takui̱ꞌ: Tej mitzajasi nokta iga xikui inó̱n kimilo̱la̱maꞌ iwá̱n iga xikpostekili ise̱llojyo; iga mitzmiktijkej, iwá̱n iga moesyo ane̱kojkej iga manimochi̱waka̱n itatki Dios, nejamej de inochi raza, yej de se̱seꞌpa iga tajtowaj, de inochi a̱ltepe̱mej iwá̱n de inochi pai̱smej.