Efesios 4:8 - El Nuevo Testamento

⁸ Inó̱n iga itájto̱l Dios kijtowa: Tejkaj ajko, kiwi̱gaꞌ no̱ pre̱sojmej, yej iyenemi̱gojmej, iwá̱n kimako̱kawij tajta̱gaꞌ yej ye̱kti.

Efesios 4:8 Iomraidhean Croise

Efesios 4:11

Yéjsan kita̱lij iga sekin maonoka̱n apo̱stolejmej, sekin yej Dios kitajto̱lmaka, sekin yej kipowiliáj itájto̱l Dios yej aya ki̱xmatij, sekin pasto̱rmej iwá̱n no̱ sekin yej tamachtiáj.

Colosenses 2:15

Cristo kita̱nij, kita̱nilij ma̱lespi̱ritojmej yej kipiáj poder iwá̱n manda̱rowaj, iwá̱n kichij iga makali̱mpamatika̱n iyi̱xtaj miaꞌ gente, kua̱ꞌ Cristo kita̱nilij ma̱lespi̱ritojmej ipan cruz.