Efesios 4:6 - El Nuevo Testamento

⁶ Onoꞌ se̱ Dios yej nochi iTaj, yéj kimanda̱rowa nochi, nochi kichi̱wa yej yéj kineki iwá̱n onoꞌ no̱ya̱n.

Efesios 4:6 Iomraidhean Croise

San Mateo 6:13

Xine̱pale̱wi̱ka̱n iga amo manikchi̱wasnekika̱n yej aye̱kti; amo xine̱semakaka̱n kua̱ꞌ Tzitzimiꞌ ne̱chi̱walti̱jnekij yej aye̱kti. Iga tej nokta yej tirreina̱rowa, iwá̱n tej yej nochi wel tikchi̱wa iwá̱n inó̱n moweyipode̱r nochipa nokta onos. Ijkó̱nyawaꞌ.

San Mateo 6:9

Amejwa̱n ijkí̱n xitajto̱ka̱n iwá̱n Dios: NoTaj yej tonoꞌ ipan cielo, nochi makiweyimati̱lti moto̱ka̱ꞌ.

San Juan 14:23

Jesús kijtoj: —Yej ne̱neki, ne̱tajto̱lkaki; iwá̱n noTaj yawi kinekiti, iwá̱n noTaj iwá̱n nej niwi̱tzej iga nisen‑onokij wa̱n yéj.

San Juan 17:26

Nikne̱xtilíjkeja a̱ꞌyéj tej, iwá̱n ijkó̱n nia nikchijtoti, iga ken tej tine̱neki, ijko̱nsan no̱ yejame̱n makinekika̱n sekin iwá̱n mase̱titoka̱n wa̱n nej.

San Juan 20:17

Jesús kijtoj: —Xine̱majka̱wa iga aya nitejkawi ka̱n onoꞌ noTaj. Eꞌ xaj iwá̱n xikijli nokni̱wa̱n iga nia ka̱n onoꞌ noTaj iwá̱n amoTaj no̱ amejwa̱n, noDio̱s iwá̱n amejwa̱n no̱ amoDio̱s.

Romanos 11:36

Nochi itatki Dios, iga yéj nochi kichij iga yéjsan. ¡Nochipa mamoweyimati̱lti Dios! Ijkó̱nyawaꞌ.

1 Corintios 12:6

Onoꞌ se̱seꞌpa yej wel tikchi̱waj, eꞌ ino̱nsan Dios yej tekipanowa ipan nochi tejamej.

1 Corintios 8:6

iga tejamej ateyi seꞌ, onoꞌ se̱san Dios, yej tóTajpa, yej kichij nochi yej onoꞌ, iwá̱n tejamej tonokej iga yéj. Onoꞌ se̱san toTe̱ko yej ito̱ka̱ꞌ Jesucristo, iga yéj onoꞌ nochi, este tejamej no̱ te̱chij.

2 Corintios 6:16

Iwá̱n ka̱n itio̱pan Dios awel no̱ ono i̱dolojmej, porque tejame̱n ken kua̱ꞌ itio̱pan Dios yej isatoꞌ iwá̱n yéj kijtoj: Nia nicha̱ntitoti iwá̱n yejame̱n wa̱n nia ninemiti iwá̱n yejame̱n; nej nimochi̱was iDio̱s iwá̱n yejame̱n yawi mochi̱watij notatki.

Efesios 1:21

Ompa kita̱lij Cristo iga má̱j mamanda̱ro que nochi espi̱ritojmej yej kipiáj poder iwá̱n nochi yej manda̱rowaj pan cielo, ipan iní̱n ta̱jli yej iná̱n onoꞌ iwá̱n yej wi̱ꞌoꞌ.

Efesios 2:22

Ijko̱nsan no̱ amejwa̱n, iga anse̱titokej wa̱n Cristo, anmosenechkowaj iga mamitzchi̱waka̱n ken se̱ kajli ka̱n maono iyEspí̱ritoj Dios.

Efesios 3:17

No̱ niktajtaniliá Dios iga Cristo maono ipan amejamej iga anmoconfia̱rowaj ipan yéj, iwá̱n ijkó̱n xiknekika̱n Dios wa̱n ximonekika̱n iga inochi amoa̱lmajmej.

Efesios 6:23

Dios yej toTaj iwá̱n toTe̱ko Jesucristo makichi̱wa iga xiye̱ꞌonoka̱n iwá̱n xonoka̱n tamelá̱.

1 Juan 3:24

Siga tikchi̱waj ken yéj te̱tekimaka, tise̱titoskej wa̱n Dios, iwá̱n Dios no̱ se̱titos wa̱n tejamej. Ijkí̱n tikmatij iga tise̱titokej wa̱n Dios: iga iyEspí̱ritoj yej yéj te̱máꞌ.