Efesios 3:11 - El Nuevo Testamento

¹¹ Dios kichij ijkó̱n kensan kejla̱ntoya pox ikyay, inó̱n kichij iga kiti̱tan toTe̱ko Cristo Jesús.

Efesios 3:11 Iomraidhean Croise

Romanos 9:11

kua̱ꞌ aya katka onoyaj kua̱tejmej, niga kichíjkaja yej ye̱kti niga yej aye̱kti, eꞌ Dios kijlij Rebeca: “Yej te̱ko̱ko yawi kichi̱wati ken kineki te̱tzo̱yo̱ꞌ.” Inó̱n no̱ senyawi wa̱n seꞌ ka̱n ijkuilijtoꞌ, kijtowa: “Nikneꞌ Jacob, eꞌ Esaú nikijiyaꞌ.” Ijkó̱n ne̱si iga Dios wel kitapejpena ken kineki, ayéj iga agaj kichi̱wa tejté̱, sino que iga Dios kiyokano̱tzaꞌ.

Gálatas 5:24

Iwá̱n yej tiktokaj Jesucristo, tikmiktijkej ipan cruz nochi yej aye̱kti yej kichi̱wasneki toa̱lmaj.

Efesios 1:11

Iwá̱n iga tise̱titokej wa̱n Cristo iná̱n timotapialiaja, iga Dios te̱máꞌ yej yéj itatki, te̱tapejpentoyay iga Dios ijkó̱n nokta kejla̱ntoya, iga kichi̱wa ken yéj kiye̱ꞌita.

Efesios 1:4

Dios te̱tapejpen áchtosan, este kua̱ꞌ aya mochi̱waya iní̱n ta̱jli, iga matise̱titoka̱n iwá̱n Cristo, iga matimochi̱waka̱n de yéjpasan iwá̱n iga matikchijtoka̱n iyi̱xtaj yej yéj kineki.

Efesios 1:9

Te̱ne̱xtilij yej i̱ya̱ntoya, yej yéj kejla̱ntoya iga tejame̱n, ken yéj kiye̱ꞌitaꞌ iga ipan Cristo kineꞌ mamochi̱wa.

Efesios 3:1

Inó̱n iga nej Pablo, nipre̱sojtitoꞌ iga nikchi̱wa ken kineki Cristo Jesús; nitekipanowa iga xiye̱ꞌonoka̱n amejwa̱n yej ayéj anjudiyojmej.

2 Timoteo 1:9

Dios te̱salva̱roj iwá̱n te̱no̱tzaꞌ iga matiye̱ꞌnemika̱n iyi̱xtaj, ayéj iga tikchijkej yej ye̱kti, sino que te̱yokano̱tzaꞌ iga matise̱titoka̱n iwá̱n Cristo Jesús. Dios te̱neguiꞌ este kua̱ꞌ aya kichi̱waya ta̱jli,