Efesios 1:5 - El Nuevo Testamento

⁵ Dios iga te̱poxneguiꞌ, kejla̱n este ikyay iga te̱tapejpen iwá̱n kiti̱tan Jesucristo iga matimochi̱waka̱n nokta ipilowa̱n, ijkó̱n Dios kiye̱ꞌita.

Efesios 1:5 Iomraidhean Croise

San Mateo 1:25

Eꞌ José aya kitechowa̱ya María este iga onoko ikone̱ꞌ. Iwá̱n inó̱n kone̱ꞌ kito̱ka̱wijkej JESÚS.

San Mateo 11:26

iga tej ijkó̱n tikneꞌ.

San Lucas 10:21

Íkua̱ꞌ Jesús yo̱lpa̱guiꞌ iga iyEspí̱ritoj Dios kiyo̱lchikaj, iwá̱n kijtoj: —NoTaj yej tikchij cielo iwá̱n ta̱jli, nimitzweyimati̱ltiá iga tikne̱xtilij yej ayá̱ꞌ moweyimatij inó̱n yej ayá̱ꞌ tikne̱xtilij yej tamatij, iga tej ijkó̱n tikneꞌ.

San Lucas 11:32

Kua̱ꞌ Dios tajuzga̱ro̱j, yej icha̱mej weyi‑a̱ltepe̱ꞌ Nínive, moketzaskej iga mitzjuzga̱ro̱skej, iwá̱n kijto̱skej iga ankichijkej yej aye̱kti; iga yej cha̱ntitokej Nínive, kua̱ꞌ Jonás kipowaꞌ itájto̱l Dios, kikajtejkej iga kichi̱wayaj yej aye̱kti; iwá̱n nej ma̱jya sej que Jonás.

San Lucas 12:32

Jesús kijtoj: —Amo ximajmawika̱n, amejwa̱n yej ken amborre̱gojmej yej ayá̱ꞌ ankomatimej, eꞌ toTaj kineki iga íwa̱n xisenmanda̱ro̱ka̱n.

San Juan 1:12

Eꞌ yej ko̱mema̱wijkej iwá̱n moconfia̱rojkej ipan yéj, yéj kichij iga ini̱mej mamochi̱waka̱n ipilowa̱n Dios.

San Juan 11:52

Ayejsan iga judiyojmej, sino que yawi mikiti iga makinechko nochi ipilowa̱n Dios yej pa̱payi̱ntokej no̱ya̱n pan ta̱jli.

San Juan 20:17

Jesús kijtoj: —Xine̱majka̱wa iga aya nitejkawi ka̱n onoꞌ noTaj. Eꞌ xaj iwá̱n xikijli nokni̱wa̱n iga nia ka̱n onoꞌ noTaj iwá̱n amoTaj no̱ amejwa̱n, noDio̱s iwá̱n amejwa̱n no̱ amoDio̱s.

Hechos 13:48

Kua̱ꞌ kikakikej yej ayéj judiyojmej pa̱kikej, pe̱wakej kijtojkej iga itájto̱l toTe̱ko pox ye̱kti. Iwá̱n kicre̱dojkej inochi̱n yej ijko̱nya onóyaya iga yejame̱n yej yawij onotij nochipa wa̱n Dios.

Romanos 8:23

Iwá̱n ayejsan nochi yej Dios kichij yej kualo̱tokej, sino que tejame̱n no̱, eꞌ tikpiaja iyEspí̱ritoj Dios yej achto te̱máꞌ. Iwá̱n tikmatij iga inó̱n kijto̱jneki iga te̱mákasoꞌ má̱j. Tikmachi̱liáj iga poxsan tikualo̱tokej, iwá̱n tikchi̱xtokej iga ke̱man te̱chi̱was ipilowa̱n Dios, íkua̱ꞌ timomachi̱li̱skej íjka̱nya iga tikpiaskej séꞌpaya tocue̱rpoj.

1 Corintios 1:1

Nej niPablo, ne̱no̱tzaꞌ Dios iga kineꞌ manimochi̱wa iyapó̱stol Jesucristo, ken tikijtowaj se̱ yej yéj nokta kiti̱tan. Nej iwá̱n tokni̱n Sóstenes,

1 Corintios 1:21

Dios, yej kimati te̱ kichi̱wa, kichij iga yej onokej ipan iní̱n ta̱jli amo maki̱xmatika̱n iga itamatilismej; ma̱jwaꞌ kineꞌ Dios iga makima̱nawi yej moconfia̱rowa ípan iga inó̱n ye̱ꞌnoti̱ciaj yej mopowa, malej iga yej ayá̱ꞌ kicre̱dowaj inó̱n ye̱ꞌnoti̱ciaj, ne̱si ken xe̱toꞌtájto̱l.

2 Corintios 6:18

Iwá̱n nej nimochi̱was amotaj, iwá̱n amejwa̱n anmochi̱waskej nopilowa̱n. Kijtowa toTe̱ko yej nochi wel kichi̱wa.

Gálatas 3:26

Iga anmoconfia̱rowaj ipan Cristo Jesús, amejwa̱n nochi ipilowa̱n Dios.

Efesios 1:11

Iwá̱n iga tise̱titokej wa̱n Cristo iná̱n timotapialiaja, iga Dios te̱máꞌ yej yéj itatki, te̱tapejpentoyay iga Dios ijkó̱n nokta kejla̱ntoya, iga kichi̱wa ken yéj kiye̱ꞌita.

Efesios 1:9

Te̱ne̱xtilij yej i̱ya̱ntoya, yej yéj kejla̱ntoya iga tejame̱n, ken yéj kiye̱ꞌitaꞌ iga ipan Cristo kineꞌ mamochi̱wa.

Filipenses 2:13

Iga Dio̱swaꞌ in yej mitzejla̱ntiáj iga xikchi̱waka̱n yej ye̱kti, iwá̱n yéj mitzpale̱wiáj iga xikchi̱waka̱n ijkó̱n ken yéj kineki.

Colosenses 1:19

Puej Dios kiye̱ꞌitaꞌ iga nochi ipode̱r maono ipan Cristo.

2 Tesalonicenses 1:11

Inó̱n iga nejame̱n nochipa ni‑ora̱dowaj iga amejwa̱n, niktajtanilijtokej toDio̱s iga makita iga mitzajasij iga mitztapejpenkej. Iwá̱n no̱ niktajtaniliáj Dios iga ipode̱r mamitzpale̱wi̱ka̱n iga xikchi̱waka̱n nochi yej ye̱kti yej ankejla̱ntokej iga anmoconfia̱rowaj ipan toTe̱ko.

Hebreos 2:4

Iwá̱n Dios ima̱tika tane̱xtilij ipan yejame̱n ga mane̱si iga melá̱ꞌ yej kipojkej. Dios tane̱xtilij ipan kuajkuantas yej este tamajmájti̱lsan wa̱n de se̱seꞌpa mila̱grojmej, wa̱n no̱ kimajmakakej tokni̱wa̱n iyEspí̱ritoj Santo kensan yéj kiye̱ꞌitaꞌ.

1 Juan 3:1

Xikitaka̱n ken iga te̱poxneki Dios yej toTaj, iga te‑ijliá iga tejamej ipilowa̱n yéj, melá̱ꞌ iga ijkó̱n. Inó̱n iga, yej ayá̱ꞌ kitokaj toTe̱ko iyojwi, ayá̱ꞌ te‑i̱xmatij iga ayá̱ꞌ ki̱xmatij Dios.

El Apocalipsis 21:7

Inó̱n nia nikmakati yej kita̱nili̱j Tzitzimiꞌ; iwá̱n nej iDio̱s, iwá̱n yéj nopiltzi̱n.