Efesios 1:1 - El Nuevo Testamento

¹ Nej niPablo, iyapó̱stol Jesucristo, ken tikijtowaj, se̱ yej yéj kiti̱tan, iga Dios ijkó̱n kineꞌ. Nimitzijkuilowiliáj iní̱n a̱maꞌ yej ankitokaj Dios iwá̱n ankicre̱dowaj Jesucristo yej ancha̱ntitokej a̱ltepe̱ꞌ Éfeso.

Efesios 1:1 Iomraidhean Croise

San Lucas 16:10

’Yej ye̱ꞌnemi kua̱ꞌ kipiá alí̱n, no̱ ye̱ꞌnemis kua̱ꞌ kipiás komati; yej takajkaya̱wa kua̱ꞌ kipiá alí̱n, no̱ takajkaya̱was kua̱ꞌ kipiás komati.

Hechos 16:15

Iwá̱n mobautiza̱roj iwá̱n inochi ifami̱liaj. Después kineꞌ mania̱ka̱n icha̱n; ne̱tekiꞌijlijkej: —Siga ankitaj iga nicré̱doja toTe̱ko Jesús, xa̱ka̱n nocha̱n iwá̱n ompa xika̱wika̱n. Iwá̱n ne̱tekiꞌijlijkej iga ompa manika̱wika̱n.

Hechos 18:19

Kua̱ꞌ asikej a̱ltepe̱ꞌ Éfeso, ómpaya ka̱wikej Priscila iwá̱n Aquila. Pablo yajki tio̱pan iwá̱n ta̱tapowaꞌ iwá̱n judiyojmej yej ompa monechkowa̱yaj.

Hechos 18:21

Sino que monawatij iwa̱mej, kijtoj: —Nia Jerusalén, iga ompa mane̱techo ilwiꞌ; eꞌ siga Dios kineki niwi̱ꞌ sej nimitzitakij. Después tejkaj ipan weyi á̱ka̱l, yajki, ki̱saꞌ Éfeso.

Hechos 9:13

Kua̱ꞌ inó̱n kikáꞌ Ananías, kite̱nkuepilij: —NoTe̱ko, eꞌ inó̱n ta̱gaꞌ, miaꞌ tokni̱mej ne‑ijlijkej kén iga yéj poxsan kikno̱chij ino̱mej yej Jerusalén mitztokaj.

Romanos 1:1

Nej niPablo, nikchi̱wa ken ne̱tekimaka Jesucristo. Dios ne̱no̱tzaꞌ iwá̱n ne̱tapejpen iga manimochi̱wa iyapó̱stol iga manikpowa ye̱ꞌnoti̱ciaj yej tasalva̱rowa.

Romanos 1:7

Nimitzijkuilowiliáj amonochi̱n amejwa̱n yej ancha̱ntitokej ipan weyi‑a̱ltepe̱ꞌ Roma. Amejwa̱n yej Dios mitznekij, iwá̱n mitztapejpenkej iga ximochi̱waka̱n itatki. Dios yej toTaj wa̱n toTe̱ko Jesucristo mamitzmakaka̱n yej ye̱kti iwá̱n makichi̱wa iga xonoka̱n tamelá̱.

Romanos 8:1

Inó̱n iga, Dios ayí̱ꞌ kicastiga̱ro̱j yej se̱titokej wa̱n Cristo Jesús, yej ayoꞌ nemij ken yejamej kinekij, sino que nemij ken kineki iyEspí̱ritoj Dios.

1 Corintios 4:12

iwá̱n nisiawij iga nitekipanowaj iga nitata̱niáj. Ne‑ijijliáj kuajkuantas, eꞌ nejamej nikye̱ꞌijliáj. Ne̱mikti̱jnekij iwá̱n nejamej nikijyo̱wiáj.

1 Corintios 4:17

Inó̱n iga nimitzti̱taniliáj Timoteo yej nikpoxneki ken nopiltzi̱n, yej akikajte̱wa iga moconfia̱rowa ipan toTe̱ko. Yéj yawi mitzejla̱nti̱tij kén iga nej ninejnemi ipan iyojwi toTe̱ko, ijkó̱n ken nitane̱xtiliá no̱ya̱n ka̱n monechkowaj tokni̱wa̱n.

2 Corintios 1:1

Nej niPablo, Dios kineꞌ iga manimochi̱wa iyapó̱stol Jesucristo, ken tikijtowaj se̱ yej yéj nokta kiti̱tan. Nej iwá̱n Timoteo nimitzijkuilowiliáj iní̱n a̱maꞌ iga amejwa̱n yej amonokej Corinto iwá̱n estado de Acaya yej ankicre̱dojtokej Dios.

Gálatas 1:1

Nej, niPablo, yej itati̱tan Jesucristo. Ne̱tapejpen Jesucristo iwá̱n Dios yej toTaj yej ki‑ojpa‑ixitij Jesús ka̱n miktoya. Ayá̱ꞌ ne̱tapejpen niga ne̱ti̱tan ta̱gaꞌ iga iní̱n tekipáno̱l.

Gálatas 3:26

Iga anmoconfia̱rowaj ipan Cristo Jesús, amejwa̱n nochi ipilowa̱n Dios.

Gálatas 3:28

Até̱ kichij siga se̱ judío o yej ayéj, esclavo o yej ayéj, ta̱gaꞌ o siwa̱ꞌ; iga anse̱titokej iwá̱n Cristo Jesús, kenkua̱ꞌ se̱san amonokej.

Gálatas 3:9

Ijkó̱n iga yej moconfia̱rowaj ipan Dios, Dios kichi̱was iga maye̱ꞌonoka̱n ijkó̱n kensan Abraham ye̱ꞌonoya iga moconfia̱roj ipan Dios.

Efesios 1:15

Inó̱n iga nej, kua̱ꞌ nikaguiꞌ iga amejwa̱n anmoconfia̱rowaj ipan toTe̱ko Jesucristo iwá̱n anmonekij wa̱n yej kitokaj Dios,

Efesios 2:10

Tejame̱n Dios teojpachij iga matisenemika̱n wa̱n Cristo Jesús, iga matikchi̱waka̱n yej ye̱kti, iga ijkó̱n yéj áchtosan kejla̱n ken matinemika̱n.

Efesios 2:13

Eꞌ iná̱n iga ansenemij wa̱n Cristo Jesús, amejwa̱n yej amonoyaj wejka iga Dios, ankina̱ꞌtechójkeja iga miguiꞌ Cristo iga amejwa̱n.

Efesios 2:6

Dios teojpa‑ixitij wa̱n Cristo Jesús, iwá̱n tee̱wato̱ltij ite̱noj ka̱n onoꞌ ipan cielo.

Efesios 6:21

Tíquico, yej tókni̱mpa yej nikpoxnekij, ayá̱ꞌ kikajte̱wa iga ne̱pale̱wiá ipan itekipáno̱l toTe̱ko, yéj yawi mitzta̱tapo̱wi̱tij de nej iwá̱n yej te̱ nemi nikchi̱wa.

Colosenses 1:2

nimitzijkuilowiliáj iní̱n a̱maꞌ amejwa̱n nokni̱mej yej amonokej Colosas yej Dios mitztapejpenkej, iwá̱n ayá̱ꞌ ankikajte̱waj iga ankitokaj iyojwi Cristo. Dios yej toTaj mamitzyo̱lchika̱waka̱n iwá̱n makichi̱wa iga xonoka̱n tamelá̱.

El Apocalipsis 17:14

Yawij momijmikti̱tij iwá̱n el Cordero, eꞌ el Cordero yawi tata̱ni̱li̱ti iga yéj nokta iTe̱ko nochi te̱komej wa̱n Rey iga nochi re̱yejmej. Iwá̱n el Cordero sen‑onoskej iwá̱n yej Dios kino̱tzkej iwá̱n kitapejpenkej iwá̱n moconfia̱rowaj nochipa ipan yéj.

El Apocalipsis 2:10

Amo ximomajti̱ka̱n iga yawij mitzikno̱chi̱watij; Tzitzimiꞌ yawi kichi̱wati iga sekin de amejwa̱n makaki̱ka̱n ca̱rcelijtiꞌ iga makita siga anmosemakaskej iga anmoconfia̱rowaj ipan Dios, yawij mitzikno̱chi̱watij diez días. Eꞌ amo ximosemakaka̱n este que ximikika̱n iwá̱n nej nikchi̱was iga nochipa xonoka̱n wa̱n Dios iga ankita̱nilijkej Tzitzimiꞌ.

El Apocalipsis 2:13

Nej nikmati inewi yej ankichi̱waj, iwá̱n nikmati iga ancha̱ntitokej ka̱n goberna̱rowa Tzitzimiꞌ, eꞌ amejwa̱n anne̱melaꞌtokaj. Iwá̱n ayá̱ꞌ nemi ankikajte̱waj iga anne̱tokaj, malej iga ankitakej iga kimiktijkej Antipas inó̱n yej nochipa kipowaꞌ notájto̱l, kimiktijkej ipan amoa̱ltepe̱ꞌ ka̱n cha̱ntitoꞌ Tzitzimiꞌ.