3 Juan 1:12 - El Nuevo Testamento

¹² Nochi ye̱ꞌtajtowa iga Demetrio, iwá̱n ken iga nemi ne̱si iga ki̱xmati yej melá̱ꞌ nokta. Nejame̱n no̱ niye̱ꞌtajtowaj iga yéj, iwá̱n tikmátiya iga yej nejame̱n nikijtowaj ayá̱ꞌ nitakajkaya̱waj.

3 Juan 1:12 Iomraidhean Croise

San Juan 19:35

Iní̱n kipowa yej kitaꞌ, iwá̱n ijko̱nya ken kijtowa, yéj kimati iga ijko̱nya nokta yej kijtowa iga amejwa̱n no̱ xicre̱do̱ka̱n.

San Juan 21:24

Nejsan in inó̱n discípulo yej nikpowa nochi iní̱n yej nikitaꞌ, iwá̱n nikijkuiloj. Iwá̱n nikmati iga ayá̱ꞌ nitakajkaya̱wa.

Hechos 10:22

Iwá̱n yejame̱n kijtojkej: —Niwa̱lkej iga ne̱ti̱tankej el capitán Cornelio. Yéj poxsan ye̱ꞌnemi iwá̱n kiweyimati̱ltiá Dios. Nochi judiyojmej kipoxye̱ꞌitaj Cornelio iwá̱n kipoxnekij. Se̱ iyá̱ngel Dios kitekimáꞌ iga mamitzno̱tzaki iga xajkiꞌ ícha̱n, iga makikaki yej tej tia tikijli̱ti.

Hechos 22:12

’Ompa onoya se̱ ta̱gaꞌ yej ito̱ka̱ꞌ Ananías, yéj nochipa kichi̱wa ken kijtowa iley Moisés, nochi judiyojmej yej ompa icha̱mej Damasco ye̱ꞌtajtowa̱yaj iga inó̱n Ananías.

Hechos 6:3

Inó̱n iga nokni̱wa̱n, xiktapejpenaka̱n siete tajta̱gaꞌ yej ankitaj ye̱ꞌnemij, iwá̱n yej kimatij te̱ kichi̱waj, iwá̱n yej kipiáj nokta el Espíritu Santo iga yejame̱n makichi̱waka̱n iní̱n tekipáno̱l.

1 Tesalonicenses 4:12

iga mamitzye̱ꞌitaka̱n yej aki̱xmatij Dios, iwá̱n iga amo mamitzpolo̱ka̱n nité̱.

1 Timoteo 3:7

No̱ se̱ yej mochi̱wasneki pastor, maye̱ꞌtajto̱ka̱n iga yéj ken iga nemi. Maye̱ꞌtajto̱ka̱n no̱ iga yéj yej ayá̱ꞌ kitokaj toTe̱ko iga amo agaj makipo̱powa, iwá̱n amo mamokxipolo ipan iyojwi toTe̱ko ken kichi̱walti̱jneki Tzitzimiꞌ.