1 Juan 4:21 - El Nuevo Testamento

²¹ Jesucristo ijkí̱n te‑ijliá iga matikchi̱waka̱n: Yej kineki Dios, no̱ makineki iyikni̱n.

1 Juan 4:21 Iomraidhean Croise

San Mateo 5:43

’Moisés este ikyay kijtoj: “Xikneki mokni̱n iwá̱n xikijiya yej mitzijiya.”

San Lucas 10:37

Yej tamachtiá ipan la ley kijtoj: —Yej kicho̱kilij. Iwá̱n Jesús kijtoj: —Xaj iwá̱n ijko̱nsan no̱ xikchí̱ tej.

San Juan 15:12

Ini̱nwaꞌ in nimitztekimakaj iga xikchi̱waka̱n: ximosepannekika̱n ken nej nimitznekij.

Gálatas 5:14

Iga nochi yej tatekimaka la ley wel mochi̱wa ipan iní̱n yej ijkí̱n kijtowa: “Xikneki mokni̱n kensan tej timoneki.”

Gálatas 5:6

Siga tise̱titokej iwá̱n Cristo Jesús, até̱ kichij siga tonokej circuncida̱doj o ayá̱ꞌ, monékisan iga matimoconfia̱ro̱ka̱n ipan Dios, iwá̱n siga timoconfia̱rowaj, tiknekískeja tokni̱wa̱n.

1 Tesalonicenses 4:9

Ayá̱ꞌ kajási‑oꞌ iga nimitzijkuilowiliáj iga ximosepannekika̱n iwá̱n amokni̱mej, iga Dios nokta mitzne̱xtilíjkeja ken iga ximonekika̱n.

1 Pedro 3:8

Iní̱n nimitzijliáj, xonoka̱n ken kua̱ꞌ se̱san amoa̱lmajmej, xitacho̱kili̱ka̱n iwá̱n ximosepannekika̱n. Xite‑ijikni̱wa̱n iwá̱n amo ximoweyimatika̱n.

1 Pedro 4:8

Eꞌ yej má̱j ye̱kti, amejwa̱n ximopoxnekika̱n porque iga anmopoxnekij wel anmoe̱lka̱wiliáj siga agaj mitzchi̱wiliáj yej aye̱kti.

1 Juan 2:7

Nokni̱wa̱n, iní̱n yej nimitzijkuilowiliáj iga xikchi̱waka̱n, ayéj seꞌpay yej te̱tekimaka Dios: ino̱nsan yej amejwa̱n ikyay mitztekimakakej iga xikchi̱waka̱n. Iní̱n yej ikyay mitztekimakakej, amejwa̱n ankikakíkeja.

1 Juan 3:11

Ini̱nwaꞌ in ye̱ꞌnoti̱ciaj yej ikyay ankikaktiwi̱tzej: iga matimosepannekika̱n.

1 Juan 3:14

Tejamej timiktóyaja iwá̱n ti‑ojpa‑isákeja; inó̱n tikmatij iga tiknekij tokni̱wa̱n. Yej ayá̱ꞌ kineki iyikni̱n, inó̱n ken kua̱ꞌ míktogoꞌ.

1 Juan 3:18

Nopilowa̱n, amo matikijtó̱ka̱nsan iga timonekij, sino que mamelaꞌne̱si iga timonekij.

1 Juan 3:23

Dios te̱tekimaka iga maticre̱do̱ka̱n Jesucristo yej iPíltzi̱mpa iwá̱n matimosepannekika̱n ken yéj tatekimaka.

1 Juan 4:11

Nokni̱wa̱n yej nimitzpoxnekij, siga Dios ijkó̱n te̱neguiꞌ, tejamej no̱ matimonekika̱n.