1 Juan 4:14 - El Nuevo Testamento

¹⁴ Iwá̱n nejamej nikitakej iwá̱n niknojma‑ijtowaj iga toTaj kiti̱tan iPiltzi̱n iga makisalva̱ro nochi gente.

1 Juan 4:14 Iomraidhean Croise

San Juan 1:14

Iwá̱n inó̱n Tájto̱l mochij ta̱gaꞌ, iwá̱n cha̱ntitoya iwá̱n nejame̱n, poxsan te‑ijikni̱n iwá̱n ayí̱ꞌ takajkaya̱wa. Iwá̱n nikitakej iweyipode̱r, ino̱nwaꞌ iweyipode̱r ise̱lpiltzi̱n toTaj.

San Juan 1:29

Ipanya seꞌ día, Juan kitaꞌ Jesús iga kina̱ꞌtechojtiwi̱ꞌ, iwá̱n kijtoj: —Taꞌ xikitaka̱n, ini̱nwaꞌ in yej Dios iCorde̱roj yej wel kiperdona̱rowa yej aye̱kti yej kichij la gente.

San Juan 10:36

Siga Dios ne̱tapejpen iwá̱n ne̱ti̱tan ipan iní̱n ta̱jli, ¿kén ankijto̱skej iga nima̱ltajtoj iga nikijtoj iga nej iPiltzi̱n Dios?

San Juan 12:47

Eꞌ siga agaj kikaki notájto̱l iwá̱n ayá̱ꞌ kichi̱wa ken nikijtowa; ayéj nej yej nikjuzga̱rowa iga nej ayá̱ꞌ niwa̱laj iga nitajuzga̱ro̱ko, sino que iga nitasalva̱ro̱ko.

San Juan 3:11

Nej nimitznojma‑ijliá iga nejamej nikijtowaj yejsan nikmatij, iwá̱n niknojma‑ijtowaj yej nikitákeja, eꞌ amejwa̱n ayá̱ꞌ ankicre̱dowaj yej nejamej nimitzijliáj.

San Juan 3:32

iwá̱n kijtowa yejsan kitaꞌ iwá̱n yej kikaguiꞌ; eꞌ ayagaj kicre̱dowa yej yéj kijtowa.

San Juan 3:34

pues yej Dios kiti̱tan, kijtowa tájto̱l yej Dios kijtowa, iga Dios nokta kimaka iyEspí̱ritoj.

San Juan 4:42

Iwá̱n kijlijkej siwa̱ꞌ: —Iná̱n nicre̱dowaj, ayejsan iga inó̱n yej tej anne‑ijlijkej, sino que iga nejame̱n no̱ nikakikej iwá̱n nikmatij iga yéj nokta in Cristo yej kisalva̱rowa nochi gente yej onoꞌ ipan iní̱n ta̱jli.

San Juan 5:39

Amejwa̱n anmoye̱ꞌmachtiáj itájto̱l Dios, iga amejwa̱n ankijtowaj iga wel ompa ankasij yej mitzne̱xtiliáj kén wel xonoka̱n nochipa wa̱n Dios; ompa ka̱n ijkuilijtoꞌ tajtowa de nej,

Hechos 18:5

Kua̱ꞌ Silas iwá̱n Timoteo asikej iga wa̱lkej ipan estado de Macedonia, Pablo kikajtej seꞌ tekipáno̱l iga kipetzpowáyasan itájto̱l Dios; kijlia̱ya judiyojmej iga Jesús nokta in el Cristo yej yejamej kichi̱xtoyaj.

1 Pedro 5:12

Tokni̱n Silvano, yej akikajte̱wa iyojwi toTe̱ko, ne̱pale̱wij iga nimitzijkuilowilijkej iní̱n a̱maꞌ iga nimitzno̱no̱tzaj iwá̱n iga xikmatika̱n iga nochi yej mitzpasa̱rojkej mitzne̱xtiliáj iga Dios mitzpoxnekij. Iwá̱n iní̱n amo xike̱lka̱waka̱n.

1 Juan 4:10

Ipan iní̱n ne̱si iga te̱neki: ayéj iga tejamej tikpoxnekikej Dios, sino que yéj te̱neguiꞌ iwá̱n kiti̱tan iPiltzi̱n iga yéj mamiki iga tejamej iga wel mate̱perdona̱rowili yej tejamej tikchijkej yej aye̱kti.

1 Juan 5:9

Siga wel ticre̱dowaj yej kijtowaj tajta̱gaꞌ, ma̱jya sej vale̱rowa yej kijtowa Dios, porque Dios kijtowa yej kichij iPiltzi̱n.