1 Juan 3:24 - El Nuevo Testamento

²⁴ Siga tikchi̱waj ken yéj te̱tekimaka, tise̱titoskej wa̱n Dios, iwá̱n Dios no̱ se̱titos wa̱n tejamej. Ijkí̱n tikmatij iga tise̱titokej wa̱n Dios: iga iyEspí̱ritoj yej yéj te̱máꞌ.

1 Juan 3:24 Iomraidhean Croise

San Juan 10:38

Eꞌ siga nikchi̱wa yej kichi̱wa noTaj, malej ayá̱ꞌ anne̱cre̱dowaj nej, eꞌ xicre̱do̱ka̱n yej nikchi̱wa, iga xikmelaꞌmatika̱n nokta iga noTaj onoꞌ nowa̱n iwá̱n nej nonoꞌ iwá̱n noTaj.

San Juan 14:17

iní̱n iyEspí̱ritoj Dios yej ijko̱nya nokta ken tane̱xtiliá. Yej aki̱xmatij Dios awel kipiaskej iyEspí̱ritoj, iga ayá̱ꞌ kitaj iwá̱n aki̱xmatij; eꞌ amejwa̱n anki̱xmatij iga yéj onoꞌ iwá̱n amejwa̱n iwá̱n nochipa onos ipan amejwa̱n.

San Juan 17:21

Nimitztajtaniliá iga yejamej maonoka̱n se̱san iya̱lmajmej kensan tej tinoTaj, tise̱titokej. Iwá̱n makipiaka̱n se̱san iya̱lmajmej ipan tejamej, iga yej aya mitzi̱xmatij makicre̱do̱ka̱n iga tej tine̱ti̱tan.

1 Corintios 3:16

¿Ix ayá̱ꞌ ankimatij iga amejwa̱n íkal Dios, iwá̱n iyEspí̱ritoj Dios cha̱ntitoꞌ ipan amejwa̱n?

1 Corintios 6:19

¿Ix ayá̱ꞌ ankimatij iga amejwa̱n amocue̱rpoj itio̱pan iyEspí̱ritoj Dios; ino̱nsan Espíritu yej Dios mitzmakakej iwá̱n yej onoꞌ ipan amejwa̱n? Amejwa̱n ayéj amotatki in amocue̱rpoj,

2 Corintios 6:16

Iwá̱n ka̱n itio̱pan Dios awel no̱ ono i̱dolojmej, porque tejame̱n ken kua̱ꞌ itio̱pan Dios yej isatoꞌ iwá̱n yéj kijtoj: Nia nicha̱ntitoti iwá̱n yejame̱n wa̱n nia ninemiti iwá̱n yejame̱n; nej nimochi̱was iDio̱s iwá̱n yejame̱n yawi mochi̱watij notatki.

1 Tesalonicenses 4:8

Inó̱n iga yej kijiya yej nimitzne̱xtilijkej, inó̱n ayéj ta̱gaꞌ kijiya, sino que Dios, yej te̱máꞌ no̱ iyEspí̱rito Santo.

2 Timoteo 1:14

IyEspí̱ritoj Dios yej onoꞌ towa̱n mamitzpale̱wi iga xitamachti kensan kijtowa itájto̱l Dios.

1 Juan 2:24

Inó̱n iga amejwa̱n xikchijtoka̱n kensan yej ikyay mitzne̱xtilijkej ye̱ꞌnoti̱ciaj, iwá̱n siga ankichijtoskej ken kijtowa ye̱ꞌnoti̱ciaj yej ikyay ankikakikej, anse̱titoskej wa̱n te̱Piltzi̱n iwá̱n toTaj.

1 Juan 2:3

Siga tikchi̱waj ken Dios tatekimaka, ijkó̱n tikmatij iga tiki̱xmátija Dios.

1 Juan 2:5

Eꞌ kua̱ꞌ tikchi̱waj ken Dios tatekimaka, ompa mone̱xtiá iga tiknekij nokta in Dios; iwá̱n ijkó̱n tikmatij iga tise̱titokej iwá̱n yéj.

1 Juan 2:6

Yej kijtowa iga se̱titoꞌ iwá̱n Dios, manemi ken nemiá Jesucristo.

1 Juan 3:22

Iwá̱n yéj te̱makas nochi yej tiktajtaniliáj, iga tikchi̱waj ken yéj tatekimaka iwá̱n tikchi̱waj yej yéjpa kiye̱ꞌita.

1 Juan 4:7

Nokni̱wa̱n yej nimitzpoxnekij, matimosepannekika̱n, iga Dios kichi̱wa iga wel matiknekika̱n tokni̱wa̱n. Nochi yej kineki iyikni̱n, inó̱n ipiltzi̱n Dios iwá̱n ki̱xmati Dios.