1 Juan 3:11 - El Nuevo Testamento

¹¹ Ini̱nwaꞌ in ye̱ꞌnoti̱ciaj yej ikyay ankikaktiwi̱tzej: iga matimosepannekika̱n.

1 Juan 3:11 Iomraidhean Croise

San Juan 13:4

Moketzaꞌ ka̱n nemi cena̱rowa, kiki̱xtij isota̱ntzótzol iwá̱n motajko‑ilpij iga toalla.

San Juan 15:12

Ini̱nwaꞌ in nimitztekimakaj iga xikchi̱waka̱n: ximosepannekika̱n ken nej nimitznekij.

Gálatas 6:2

Ximosepampale̱wi̱ka̱n kua̱ꞌ ayꞌya ankojasij ken ankichi̱waj ipan tejté̱ yej mitzyo̱lmiktijtokej. Iga ijkó̱n, ankichi̱waj ken tatekimaka iley Cristo.

Efesios 5:2

Ximosepannekika̱n, kensan Cristo te̱neki, iwá̱n mote̱máꞌ iga miꞌ ga tejame̱n. Kua̱ꞌ miꞌ Cristo, Dios kiye̱ꞌitaꞌ ken kua̱ꞌ se̱ yo̱lka̱ꞌ kimiktiliáj iwá̱n ajwiya̱ꞌ kua̱ꞌ tata.

1 Tesalonicenses 4:9

Ayá̱ꞌ kajási‑oꞌ iga nimitzijkuilowiliáj iga ximosepannekika̱n iwá̱n amokni̱mej, iga Dios nokta mitzne̱xtilíjkeja ken iga ximonekika̱n.

1 Timoteo 1:5

Nimitztajtaniliá iga xitane̱xtili iga mamomelaꞌsepannekilo. Petz yejsan kimatitokej iga kichi̱waj yej ye̱kti iwá̱n momelaꞌconfia̱rowaj pan Dios, wel ijkó̱n monekij.

1 Pedro 1:22

Iná̱n amejwa̱n iga ankichi̱waj ken kijtowa itájto̱l Dios, ayꞌya ankejla̱ntokej yej aye̱kti iwá̱n welja ankimelaꞌnekij tokni̱wa̱n. Inó̱n iga poxsan ximosepannekika̱n sewoꞌ iwá̱n seꞌ iga inochi amoa̱lmajmej.

1 Pedro 3:8

Iní̱n nimitzijliáj, xonoka̱n ken kua̱ꞌ se̱san amoa̱lmajmej, xitacho̱kili̱ka̱n iwá̱n ximosepannekika̱n. Xite‑ijikni̱wa̱n iwá̱n amo ximoweyimatika̱n.

1 Pedro 4:8

Eꞌ yej má̱j ye̱kti, amejwa̱n ximopoxnekika̱n porque iga anmopoxnekij wel anmoe̱lka̱wiliáj siga agaj mitzchi̱wiliáj yej aye̱kti.

1 Juan 1:5

Ini̱nwaꞌ in ye̱ꞌnoti̱ciaj yej Jesucristo ne̱ne̱xtilijkej yej nejamej nimitzpowiliáj amejwa̱n: Dios ayí̱ꞌ kichi̱wa yej aye̱kti, iga yéjwaꞌ nokta ta̱wi̱lyo̱ꞌ, ka̱n yéj onoꞌ ayá̱ꞌ takomichka̱n.

1 Juan 4:11

Nokni̱wa̱n yej nimitzpoxnekij, siga Dios ijkó̱n te̱neguiꞌ, tejamej no̱ matimonekika̱n.

1 Juan 4:21

Jesucristo ijkí̱n te‑ijliá iga matikchi̱waka̱n: Yej kineki Dios, no̱ makineki iyikni̱n.

1 Juan 4:7

Nokni̱wa̱n yej nimitzpoxnekij, matimosepannekika̱n, iga Dios kichi̱wa iga wel matiknekika̱n tokni̱wa̱n. Nochi yej kineki iyikni̱n, inó̱n ipiltzi̱n Dios iwá̱n ki̱xmati Dios.

2 Juan 1:5

Iná̱n nokni̱wa̱n, nimitzijliáj iga matimosepannekika̱n. Iní̱n yej nimitzijkuilowiliáj, ayéj ken yej aya mitztekimakakej iga xikchi̱waka̱n, sino que ino̱nsan yej ikyay tikmatikej.