1 Juan 3:10 - El Nuevo Testamento

¹⁰ Momati a̱ꞌyéj in ipilowa̱n Dios iwá̱n a̱ꞌyéj in ipilowa̱n Tzitzimiꞌ, iga nochi yej ayá̱ꞌ kichijtoꞌ yej ye̱kti iwá̱n ayá̱ꞌ kineki iyikni̱n, inó̱n ayéj ipiltzi̱n Dios.

1 Juan 3:10 Iomraidhean Croise

San Mateo 13:38

Iwá̱n mi̱jli kijto̱jneki no̱ya̱n ipan ta̱jli. Ye̱ꞌsemi̱llaj kijto̱jneki nochi yej kichi̱waj ken kineki Dios, chakalsakaꞌ kijto̱jneki yej kichi̱waj ken kineki Tzitzimiꞌ.

San Lucas 6:35

Eꞌ amejame̱n xiknekika̱n yej mitzijiyaj iwá̱n xikchi̱waka̱n yej ye̱kti, iwá̱n siga antata̱ke̱waltiáj tejté̱, amo xikchaka̱n iga mamitzkuepili̱ka̱n. Ijkó̱n anmota̱nili̱skej yej pox ye̱kti, iwá̱n amejame̱n anmochi̱waskej ipilowa̱n Dios yej ajko onoꞌ, iga yéj no̱ kicho̱kiliá yej ayá̱ꞌ taagradece̱rowaj iwá̱n yej kichi̱waj yej aye̱kti.

San Juan 1:12

Eꞌ yej ko̱mema̱wijkej iwá̱n moconfia̱rojkej ipan yéj, yéj kichij iga ini̱mej mamochi̱waka̱n ipilowa̱n Dios.

San Juan 11:52

Ayejsan iga judiyojmej, sino que yawi mikiti iga makinechko nochi ipilowa̱n Dios yej pa̱payi̱ntokej no̱ya̱n pan ta̱jli.

San Juan 8:44

Amejamej amotaj tzitzimiꞌ, iwá̱n ankichi̱wasnekij ken amotaj kineki. Tzitzimiꞌ nochipa tamiktiá iwá̱n takajkaya̱wa. Ayí̱ꞌ kijtowa yej melá̱ꞌ nokta, wa̱n kua̱ꞌ takajkaya̱wa momelaꞌne̱xtiá ken iga yéj nokta. Yéjwaꞌ takajkaya̱wa nokta iwá̱n kichi̱wa iga matakajkaya̱walo.

San Juan 8:47

Yej itatki Dios, kikaki itájto̱l Dios. Eꞌ iga amejamej ayéj de Dios, inó̱n iga ayá̱ꞌ ankikakij notájto̱l.

Hechos 13:10

iwá̱n kijlij: —¡Tejya yej poxsan titakajkayajtoꞌ iwá̱n tikchijtoꞌ yej aye̱kti, tej motaj Tzitzimiꞌ yej kijiya nochi yej ye̱kti! ¿Te iga tiktzakuiliá iga sekin amo makicre̱do̱ka̱n Dios?

Romanos 13:8

Amo agaj xikdebe̱ro̱ka̱n ni alí̱n, ma̱jwaꞌ ximosepannekika̱n; iga yej kineki iyikni̱n, kíchija ken tatekimaka la ley.

Efesios 5:1

Amejwa̱n ipilowa̱n Dios yej mitzpoxnekij; xikte̱mo̱ka̱n iga xikchi̱waka̱n kensan yéj kichi̱wa.

Colosenses 3:14

Eꞌ de inochi ini̱mej, má̱j ye̱kti iga ximopoxnekika̱n, ijkó̱n nochipa amonoskej ken kua̱ꞌ se̱san amoa̱lmajmej.

1 Timoteo 1:5

Nimitztajtaniliá iga xitane̱xtili iga mamomelaꞌsepannekilo. Petz yejsan kimatitokej iga kichi̱waj yej ye̱kti iwá̱n momelaꞌconfia̱rowaj pan Dios, wel ijkó̱n monekij.

1 Juan 2:29

Iga amejamej ankimatij iga Jesucristo nochipa kichi̱wa yej ye̱kti, iwá̱n xikmatika̱n iga nochi yej kichi̱waj yej ye̱kti ino̱mej sí, ipilowa̱n Dios.

1 Juan 3:1

Xikitaka̱n ken iga te̱poxneki Dios yej toTaj, iga te‑ijliá iga tejamej ipilowa̱n yéj, melá̱ꞌ iga ijkó̱n. Inó̱n iga, yej ayá̱ꞌ kitokaj toTe̱ko iyojwi, ayá̱ꞌ te‑i̱xmatij iga ayá̱ꞌ ki̱xmatij Dios.

1 Juan 3:2

Nokni̱wa̱n yej nimitzpoxnekij, iná̱n tejamej ipilówa̱nya Dios, malej iga aya tikmatij kenya tonoskej inó̱n ve̱j. Eꞌ tikmatij iga kua̱ꞌ ne̱siki Cristo tijyaskej ken yéj, porque tikitaskej ken nokta in yéj.

1 Juan 4:21

Jesucristo ijkí̱n te‑ijliá iga matikchi̱waka̱n: Yej kineki Dios, no̱ makineki iyikni̱n.

1 Juan 4:6

Eꞌ tejamej itatki Dios. Yej ki̱xmati Dios, te̱tajto̱lkaki, eꞌ yej ayéj itatki Dios ayá̱ꞌ te̱tajto̱lkakij. Ijkó̱n wel tikmatij a̱ꞌyéj kipiá iyEspí̱ritoj Dios yej atakajkaya̱wa iwá̱n a̱ꞌyéj kipiá espíritu yej takajkaya̱wa.

1 Juan 4:8

Eꞌ yej ayá̱ꞌ kineki iyikni̱n, inó̱n ayá̱ꞌ ki̱xmati Dios, iga Dios nochipa te̱neki.

1 Juan 5:19

Tikmatij iga tejamej tiktokaj Dios, eꞌ no̱ tikmatij iga yej ayá̱ꞌ kitokasnekij Dios, nochi yejamej Tzitzimiꞌ kitekimakaj.

1 Juan 5:2

Siga tiknekij Dios iwá̱n tikchi̱waj yej yéj kijtowa, tikmatij iga no̱ tiknekij ipilowa̱n Dios.

3 Juan 1:11

Nokni̱n yej nimitzpoxneki, amo ximi̱xkui̱ti ipan yej kichi̱wa yej aye̱kti, xikchí̱wasan yej ye̱kti. Yej kichi̱wa yej ye̱kti, inó̱n kitoka Dios; eꞌ yej kichi̱wa yej aye̱kti, inó̱n ayí̱ꞌ kitaꞌ Dios.