1 Juan 2:20 - El Nuevo Testamento

²⁰ Cristo mitzmakakej el Espíritu Santo, iwá̱n amonochi̱n amejwa̱n anki̱xmátija itájto̱l Dios.

1 Juan 2:20 Iomraidhean Croise

San Mateo 13:11

Jesús kijtoj: —Amejwa̱n Dios mitzmati̱ltiáj yej aya agaj kimati ken yéj reina̱rowa, eꞌ yejamej awel kimatij.

San Marcos 1:24

—¿Té anne̱chi̱wili̱koj Jesús de Nazaret? ¿Ix tiwa̱laj iga anne̱polo̱koj? Nej nimitzi̱xmati, iwá̱n nikmati iga tej nokta yej Dios mitztapejpen.

San Lucas 4:18

IyEspí̱ritoj toTe̱ko ne̱pale̱wiá, Dios ne̱tapejpen iga manikui̱guili ye̱ꞌnoti̱ciaj yej ayá̱ꞌ motapialiáj. Ne̱ti̱tan iga manikachitialti yej moyo̱lmiktijtokej, iwá̱n iga manikijto̱ki ken iga maxitomika̱n yej ken ilpitokej, iwá̱n iga maniktachalti yej pachamej. Ne̱ti̱tan iga manikma̱nawi̱ki yej kikno̱chi̱waj.

San Lucas 4:34

—Xine̱kajte̱waka̱n; ¿té̱ tikpiá iwá̱n nejame̱n, Jesús de Nazaret? ¿Ix tiwa̱laj iga anne̱polo̱koj? Nej nimitzi̱xmati a̱ꞌyéj tej, tejwaꞌ yej atikchi̱wa yej aye̱kti iwá̱n mitzti̱tan Dios.

San Juan 14:26

eꞌ iyEspí̱ritoj Dios yej mitzyo̱lchika̱waj, yej toTaj mitzti̱tanili̱skej iga makikui notekipáno̱l, yawi mitzne̱xtili̱tij nochi, iwá̱n mitzejla̱nti̱skej inewi yej nimitzijlijkej.

San Juan 16:13

Kua̱ꞌ wi̱ꞌ iyEspí̱ritoj Dios, yéj mitzmachti̱skej nochi yej melaꞌcie̱rtoj, iwá̱n ayá̱ꞌ tajto̱j kensan yéj kineki, yawi kijto̱ti inewi yejsan kikakis, iwá̱n yawi mitzmati̱lti̱tij nochi yej mochi̱was.

Hechos 10:38

Ankimatij no̱ ken iga Dios kimáꞌ Jesús de Nazaret iyEspí̱rito Santo iga wel makichijtinemi yej ye̱kti iwá̱n makachitialtijtinemi nochi yej tzitzimiꞌ kikno̱chijtoya. Jesús kichi̱waya inó̱n iga Dios onoya íwa̱n.

Hechos 3:14

Amejamej katka xiktajtowili̱ka̱n iga makimajka̱waka̱n Jesús yej ayá̱ꞌ kichij yej aye̱kti, ma̱jwaꞌ ankijtojkej iga makimajka̱waka̱n seꞌ ta̱gaꞌ yej tamiktij.

1 Corintios 2:15

Eꞌ yej kipiá iyEspí̱ritoj Dios wel kijuzga̱rowa inewi yej mochi̱wa ipan iní̱n ta̱jli iwá̱n yéj ayagaj wel kijliá: “Tej ayompa tikchijtoꞌ.”

Hebreos 1:9

Tej tikye̱ꞌita yej ye̱kti iwá̱n tikijiya yej aye̱kti; inó̱n iga Dios, yej moDio̱s, mitztapejpen iga xitagoberna̱ro, iwá̱n kichij iga má̱j xiyo̱lpa̱kto que sekin mokni̱wa̱n.

Hebreos 8:11

Ayagaj yawi kimachti̱ti seꞌ, niga yej íwa̱n motoka, niga iyikni̱n iga makijli: “Xiki̱xmatika̱n toTe̱ko”, iga nochi yawij ne‑i̱xmatitij, este yej aya yo̱lej iwá̱n este yej ma̱jya yo̱lej.

1 Juan 2:27

Eꞌ amejwa̱n ankipiáj el Espíritu Santo yej Jesucristo mitzmakakej, iwá̱n ayꞌ ankinekij iga seꞌ mamitzmachti̱ka̱n, porque el Espíritu mitzne̱xtiliáj nochi iwá̱n yej yéj mitzne̱xtiliáj ijko̱nya nokta. Xise̱titoka̱n iwá̱n Cristo ijkó̱n ken el Espíritu mitzne̱xtilijkej.

1 Juan 4:13

Ijkí̱n tikmatij iga tise̱titokej wa̱n Dios iwá̱n Dios se̱titoꞌ wa̱n tejamej: iga iyEspí̱ritoj yej yéj te̱máꞌ.

Judas 1:5

Malej ankimátija, amo xike̱lka̱waka̱n yej kipasa̱rojkej israeli̱tajmej kua̱ꞌ toTe̱ko kiki̱xtij ino̱mej ka̱n escla̱vojtitoyaj Egipto; yej ayá̱ꞌ kichijkej ken Dios kijtowa, kimijmiktij.

El Apocalipsis 3:7

’No̱ xikijkuilowili el ángel yej kitztoꞌ tokni̱mej yej ne̱tokaj yej icha̱mej Filadelfia: “Ijkí̱n kijtowa yej ayí̱ꞌ kichi̱wa yej aye̱kti iwá̱n ayí̱ꞌ takajkaya̱wa, yej kipiá illa̱vej el rey David, yej kua̱ꞌ kitapowa kalte̱n ayagaj wel kitzakua, iwá̱n kua̱ꞌ kitzakua, ayagaj wel kitapowa:

El Apocalipsis 4:8

Ina̱wixtimej ino̱mej anima̱lmej kipiayaj seis iya̱stakapalmej, iwá̱n iyakapamej pepechijtoyaj i̱xtimej iwá̱n este itampa iya̱stakapalmej; iwá̱n semilwiꞌ iwá̱n senyówal ijkí̱n kijtojtoyaj: Kajasi iga mamopoxweyimati̱lti toTe̱ko Dios yej nochi wel kichi̱wa, yej ikyay onoya, ónoꞌsan iná̱n iwá̱n yáwiya wi̱kiti sej.