1 Juan 2:10 - El Nuevo Testamento

¹⁰ Yej kineki iyikni̱n, inó̱n onoꞌ pan ta̱wi̱lyo̱ꞌ, iwá̱n akichi̱waltiá iga seꞌ makichi̱wa yej aye̱kti.

1 Juan 2:10 Iomraidhean Croise

San Mateo 13:21

Eꞌ como ayá̱ꞌ wel monelwatiáj wejkatan, ayá̱ꞌ wejkatis iga moconfia̱rojtoskej nopan iga kua̱ꞌ kipiás se̱ prueba o kikno̱chi̱waj iga kicre̱dowaj itájto̱l Dios, ayá̱ꞌ kijyo̱wiáj, iwá̱n kikajté̱waja iga moconfia̱rowaj nopan.

San Mateo 18:7

¡Ipan iní̱n ta̱jli pox onoꞌ yej kiyo̱ltila̱na se̱ iga makichi̱wa yej aye̱kti! Inó̱n nochipa onos, eꞌ poxsan kikno̱chi̱waskej yej matachi̱walti yej aye̱kti.

San Juan 11:9

Jesús kijtoj: —¿Ix aya̱ꞌtaj ankimatij iga día kipiá doce hora? Siga se̱ nejnemi ipan día, ayá̱ꞌ mokxiwi̱teki iga ta̱wi̱lpan.

San Juan 12:35

Iwá̱n Jesús kijtoj: —Yej ta̱wiá ónosoꞌ iwá̱n amejamej, eꞌ ayá̱ꞌ wejka̱was iga onos amowa̱n. Xinemika̱n mie̱j ankipiajoꞌ inó̱n yej ta̱wiá, iga amo mamitztecho̱ka̱n yówal; iga yej nejnemi takomichka̱n akimati ka̱n yawi.

San Juan 8:31

Jesús kijlij judiyojmej yej kicre̱dojkej ipan yéj: —Siga amejamej amoconfia̱rojtoskej ipan notájto̱l, anmochi̱waskej annomelaꞌdisci̱polojmej.

Romanos 14:13

Inó̱n iga ayoꞌ matikijto̱ka̱n iga tokni̱n ayompa kichijtoꞌ. Ma̱jwaꞌ xiksenta̱li̱ka̱n amoa̱lmajmej iga amo xikchi̱waka̱n nité̱ yej makikxipolo mokni̱n niga makiki̱xti ipan iyojwi toTe̱ko.

Filipenses 1:10

ken iga wel nochipa xiktapejpenaka̱n yej má̱j ye̱kti yej ankichi̱waskej. Ijkó̱n wel anye̱ꞌnemiskej, iwá̱n ijkó̱n kua̱ꞌ wi̱ꞌ Cristo, ayagaj wel mitzijli̱skej iga ayompa ankichijkej.

2 Pedro 1:10

Inó̱n iga nokni̱wa̱n, nochipa xikchijtoka̱n ini̱mej yej nimitzijlijkej iga mane̱si iga Dios mitzno̱tzkej iwá̱n mitztapejpenkej. Siga ijkó̱n ankichijtoskej, ayí̱ꞌ anmopojpolo̱skej.

1 Juan 2:11

Eꞌ yej kijiya iyikni̱n inó̱n onoꞌ ka̱n takomichka̱n iwá̱n nemi ka̱n takomichka̱n iwá̱n ayá̱ꞌ kimati ka̱n yawi, iga tako̱mitilyo̱ꞌ ken ki̱xtzaktoꞌ.

1 Juan 3:14

Tejamej timiktóyaja iwá̱n ti‑ojpa‑isákeja; inó̱n tikmatij iga tiknekij tokni̱wa̱n. Yej ayá̱ꞌ kineki iyikni̱n, inó̱n ken kua̱ꞌ míktogoꞌ.