San Lucas 23:2 - El Nuevo Testamento

² Iwá̱n iyi̱xtaj pe̱wakej iga kite̱lwiáj Jesús: —Iní̱n ta̱gaꞌ nikasitoj ka̱n kikajkayajtinemi nokni̱mej, kijtowa iga ámokiꞌ manikixta̱waka̱n impuesto iga rey César, iwá̱n kijtowa iga yéjwaꞌ in Cristo, se̱ rey.

San Lucas 23:2 Iomraidhean Croise

San Mateo 17:27

Eꞌ iga amo agaj matikuejkueso̱ka̱n, xaj xitapilo̱ti ne̱ laguna, iwá̱n yej áchtopa tikpilo̱j, ipan ite̱n tia tikasili̱ti se̱ tomi̱n yej kimakas iga xikixta̱wa no‑impue̱stoj iwá̱n yej de tej, iwá̱n xaj xikixta̱wati.

San Mateo 22:21

Yejeme̱n kijtojkej: —Rey César. Jesús kijtoj: —Puej xikmakaka̱n rey César yej yejpa itatki, iwá̱n xikmakaka̱n Dios yej yéjpa itatki.

San Mateo 27:11

Jesús kiwi̱gakej iyi̱xtaj el gobernador, iwá̱n kitajtan: —¿Ix tejya in iRre̱y judiyojmej? Jesús kijtoj: —Ijko̱nya ken tej tikijtowa.

San Marcos 12:17

Iwá̱n Jesús kijtoj: —Xikmakaka̱n rey César yej yéjpa itatki, iwá̱n xikmakaka̱n Dios yej yéjpa itatki. Iwá̱n fariseojmej san tajtachi̱xtikajkej iga yej kijtoj.

San Marcos 15:2

Pilato kitajtan: —¿Ix tejya in iRre̱y judiyojmej? Jesús kijtoj: —Ijko̱nya ken tej tikijtowa.

San Lucas 23:14

Iwá̱n kijlijkej: —Amejemej anne̱wajliguilijkej iní̱n ta̱gaꞌ iwá̱n anne‑ijliáj iga takajkayajtinemi: eꞌ nej niktájtanya amo‑i̱xtaj iwá̱n ayá̱ꞌ nemi nikasiliá yej kichij yej aye̱kti ken amejemej ankijtowaj.

San Lucas 23:5

Eꞌ yejemej ma̱jsan kijtojkej: —Ijkó̱n ken tamachtijtinemi, kikajkayajtinemi nochi ipan estado de Judea. Pe̱waꞌ ipan estado de Galilea iwá̱n asiꞌ este nigaj.

San Juan 18:29

Inó̱n iga Pilato ki̱saꞌ iga tajtoj iwa̱mej; iwá̱n kijtoj: —¿In iní̱n ta̱gaꞌ te̱ kichij yej aye̱kti?

San Juan 18:30

Yejemej kijtojkej: —Siga iní̱n katka ayá̱ꞌ kichij yej aye̱kti, ayá̱ꞌ katka nimitzwajliguilia̱yaj.

San Juan 19:12

Desde íkua̱ꞌ Pilato kite̱mowa̱ya ken iga makimajka̱wa Jesús; eꞌ judiyojmej tzajtzikej: —¡Siga tikmajka̱wa, tej ayéj iyami̱goj el rey César! ¡Nochi yej mochi̱wa rey, mochi̱wasneki iyenemi̱goj el rey César!

Hechos 24:13

Ini̱mej gente awel mitzne̱xtiliáj ka̱n neasitoj nemi nikchi̱wa inó̱n yej ne̱pantiáj.

Hechos 24:5

Pues nikasikej iní̱n ta̱gaꞌ tayojyokatijtinemi no̱ya̱n ipan iní̱n ta̱jli iwá̱n kichi̱wa iga mamoyojyokati̱ka̱n judiyojmej, iwá̱n yéjwaꞌ in yej ken tzontekon de ino̱mej yej kitokaj Jesús de Nazaret, yej moto̱ka̱wiáj nazarenos.

Romanos 13:7

Nochi yej mo‑ixta̱wa, xikixta̱waka̱n, san katiapa impuesto yej onoꞌ, xik‑respeta̱ro̱ka̱n nochi yej kajasi.