1 Juan 5:3 - El Nuevo Testamento

³ Yej kicho̱kiliá toTaj, kichi̱wa ken toTaj tatekimaka iwá̱n yej toTaj te̱tekimaka iga matikchi̱waka̱n, ayéj ken yej awel mochi̱wa.

1 Juan 5:3 Iomraidhean Croise

San Mateo 23:4

Yejeme̱n tatekimakaj iga mamochi̱wa yej ayagaj wel kichi̱wa, iwá̱n tatekiꞌchi̱waltiáj, eꞌ yejémejsan akichi̱waj ni alí̱n.

San Juan 14:15

Jesús no̱ kijtoj: —Siga amejeme̱n anne̱cho̱kiliáj, xikchi̱waka̱n ken nimitztekimakaj.

San Juan 15:10

Siga ankichi̱waj ken nimitzijlijkej, nochipa nimitzcho̱kili̱skej, ijkó̱n ken noTaj ne̱cho̱kiliá iga nikchi̱wa yej yéj ne̱tekimaka.

San Juan 15:14

Amejeme̱n anmochi̱waskej anoami̱gojmej siga ankichi̱waj yej nimitztekimakaj.

Romanos 7:12

Iná̱n tikijtowaj iga la ley nokta wa̱laj de Dios, iwá̱n nochi yej tatekimaka pox ye̱kti, Dios kiye̱ꞌita wa̱n tane̱xtiliá ken iga se̱ maye̱ꞌnemi.

Romanos 7:22

Ipan noa̱lmaj nikye̱ꞌita iley Dios;

Hebreos 8:10

Inó̱n iga, iní̱n pacto yej nikchi̱was wa̱n israeli̱tajmej, ke̱man kua̱ꞌ asis idíaj, kijtowa toTe̱ko: Nikchi̱was iga noley nochipa makimatitoka̱n, iwá̱n ijkuilijtos ipan iya̱lmajmej. Wa̱n nej nimochi̱was iDio̱s, iwá̱n yejemej yawij mochi̱watij notatki.

1 Juan 2:3

Siga tikchi̱waj ken Dios tatekimaka, ijkó̱n tikmatij iga tiki̱xmátija Dios.

2 Juan 1:6

Iga matikcho̱kili̱ka̱n tokni̱wa̱n, kineki iga matinemika̱n ken Dios te̱tekimaka; iwá̱n inó̱n yej Dios te‑ijliá iga matikchi̱waka̱n, ikyay ankimatitokej iwá̱n te̱tekimaka iga matikcho̱kili̱ka̱n tokni̱wa̱n.