NÚMEROS 24:3 - Nahuatl Huasteca (Western)

³ huan pejqui quiijtohua ni camanali: “Ya ni nopa camanali catli niBalaam, niicone Beor, nijhualica. Na nise tlacatl catli cuali hueli niquita catli ininpantis ni israelitame.

NÚMEROS 24:3 Iomraidhean Croise

1 REYES 22:17

Huajca Micaías quiilhui: “Ipan se tlanextili tlen TOTECO niquitac quenicatza elis. Niquinitac nochi nopa israelita soldados catli mosemantoyaj, ipan cuatitlamitl campa hueli, quen pilborregojtzitzi catli amo quipiyaj inintlamocuitlahuijca. Huan TOTECO nechilhui: ‘Ni masehualme ya mijqui ininteco, huajca xiquintitlani ininchajchaj ica tlasehuilistli.’ ”

1 REYES 22:19

Huajca Micaías quiilhui: ―Xijtlacaquili ni seyoc camanali tlen TOTECO: ‘Na niquitac TOTECO mosehuijtoc ipan isiya nepa ilhuicac ica nochi itequihuajcahua huan catli itztoque nopona quiyahualojtoyaj ipan inejmac huan iopoch.’

JOB 29:1

Job quisenhuiquili camanaltic huan quiijto:

NÚMEROS 22:31

Huajca TOTECO quichijqui para Balaam ma quiita itequihua catli mosehuijtoya tlajco ojtli ica se machete imaco. Huan Balaam motlancuaquetzqui hasta tlaltenamijqui.

NÚMEROS 23:18

Huajca Balaam sempa pejqui camanalti huan quiijto ni camanali: “¡Tlanahuatijquetl Balac, ta catli tiicone Zipor, cuali techtlacaquili!

NÚMEROS 23:7

Huajca Balaam quiijto ni camanali: “Nechchijtoc ma nihuala nica nopa hueyi Tlanahuatijquetl Balac ipan ni tlali Moab. Huan nihualajtoc tlen nopa tepeme ipan tlali Aram ica campa hualquisa tonati. ‘Xihuala’, yaya nechilhui, ‘xiquintelchihuaqui ni israelitame. Xijcahua mocualancayo ma tlejco ica inijuanti para ma ininpanti catli fiero.’

NÚMEROS 24:15

Huajca Balaam sempa camanaltic quen se tlachixquetl huan quiijto ni camanali: “Ya ni nocamanal niBalaam, niicone Beor. Ama cuali niquita catli huala.

NÚMEROS 24:16

Nicamanaltis na catli nijcactoc icamanal TOTECO. Quena, Toteco catli más hueyi nechmachiltijtoc ni catli ya quimati. Niquitztoc ya catli quipiya nochi chicahualistli, huan ya ni catli nechnextilijtoc.

NÚMEROS 24:4

Nijcactoc icamanal Toteco catli quipiya nochi chicahualistli, huan niquitztoc ya catli quipiya nochi chicahualistli huan catli nechnextilijtoc. Huan quema nihuetzqui iixpa, nechtlapoli noixteyol huan nochi nijmachili. Huajca ya ni catli nechilhui para ininpantis: