NÚMEROS 23:4 - Nahuatl Huasteca (Western)

⁴ Huajca Balaam yajqui ipan se piltepetzi catli amo tleno quipiya, huan Toteco hualajqui quinamiquico huan quiilhui: ―Na nijcualtlalijtoc chicome tlaixpamitl huan ipan sesen tlaixpamitl nimitztencahuilijtoc se becerro huan se borrego.

NÚMEROS 23:4 Iomraidhean Croise

NÚMEROS 22:20

Huan ica tlayohua Toteco Dios monexti campa itztoya Balaam huan quiilhui: ―Pampa nopa tlacame hualajtoque para mitzcuiquij, ximehua huan xiya ininhuaya. Pero san tijchihuas catli na nimitzilhuis.

NÚMEROS 22:9

Huan Toteco quinojnotzqui Balaam, huan quitlatzintoquili: ―¿Ajqueya ne tlacame catli itztoque mohuaya?

NÚMEROS 23:1

Huajca Balaam quiilhui Tlanahuatijquetl Balac: ―Techchihuili nica chicome tlaixpame, huan techcualtlalili chicome becerros huan chicome borregojme.

NÚMEROS 23:16

Huan TOTECO quinamiquico Balaam huan quimacac nopa camanali catli quinequiyaya ma quiijto. Huan nojquiya quiilhui: ―Ximocuepa campa itztoc Tlanahuatijquetl Balac huan xiquilhui catli na nimitzilhuijtoc.

NÚMEROS 23:3

Huan teipa nopa tlachixquetl Balaam quiilhui Balac: ―Ximocahua nica ica motlacajcahualis tlatlatili huan na niyas nepa niquitas sintla TOTECO nechnamiquiqui. Teipa nimitzilhuis catli ya nechilhuis para ma nimitzilhui.

NÚMEROS 23:5

Huajca TOTECO quimacac Balaam nopa camanali catli quinequiyaya ma quiijto, huan quiilhui: ―Ximocuepa campa itztoc Tlanahuatijquetl Balac huan xiquijto nochi senquistoc quen nimitzilhuijtoc.

MATEO 20:12

Huan quiilhuijque: ‘Ni tlacame catli teipa hualajque san tequitque se hora huan quitlanque san se quen tojuanti catli titequitque chicahuac se tonal huan quema chicahuac eltoya tonati.’

LUCAS 18:12

Na nimosahua ompa ipan se semana huan nimitzmaca majtlactli por ciento tlen nochi catli nijpiya.’

JUAN 16:2

Pampa teipa ayacmo anmechcahuilise xicalaquica ipan israelita tiopamitl. Huan ajsis se tonal quema masehualme catli anmechmictise moilhuise quitequipanohuaj Toteco.

ROMANOS 3:27

Huajca ¿huelis timohueyimatise huan tiquijtose catli tijchijtoque para timochihuase tixitlahuaque iixpa Toteco? Amo tihueli. Pampa amo tiitztoque tixitlahuaque iixpa pampa tijchijtoque catli cuali, pero Toteco techchihua tixitlahuaque iixpa quema tijneltocaj Jesucristo.

EFESIOS 2:9

Huan amo anmechmaquixti pampa anquichijtoyaj se tlamantli catli cuali para quej nopa amo aqui huelis mohueyimatis iixpa.