NÚMEROS 2:34 - Nahuatl Huasteca (Western)

³⁴ Huajca nopa israelitame quichijque nochi senquistoc quen TOTECO quinahuatijtoya Moisés. Huan sesen hueyi familia quiquetzque ininchaj tlen yoyomitl iica ibandera campa quinilhuijtoyaj. Huan quema quistejque, motecpantiyajque huan nejnenque sesen hueyi familia senquistoc quen TOTECO quinahuatijtoya Moisés.

NÚMEROS 2:34 Iomraidhean Croise

SALMOS 119:6

Quej nopa amo nimopinahuasquía sintla niquinchijtinemis nochi motlanahuatilhua.

LUCAS 1:6

Zacarías huan Elisabet itztoyaj xitlahuaque iixpa Toteco. Quintoquilijque itlanahuatilhua Toteco huan nochi catli yaya quinnahuati ma quichihuaca. Yeca amo aqui huelqui quintlaijilhui ica niyon se tlamantli fiero.

NÚMEROS 24:2

Huan quema Balaam tlachixqui huan quinitac nochi nopa israelitame catli quiquetztoyaj ininyoyoncalhua ica pamitl, sese ica ihueyi familia imasehualhua, nimantzi Itonaltzi Toteco Dios motlali ipan ya,

NÚMEROS 23:21

TOTECO amo quipantía tlajtlacoli ipan ni israelitame. Inijuanti catli iteipan ixhuihua Jacob. Amo hualas tequipacholi ipan inijuanti pampa TOTECO catli inintata quihueyichijqui huan yaya itztoc ininhuaya. Yeca inijuanti tzajtzij ica paquilistli, pampa tlahuel hueyi inintlanahuatijca catli ininhuaya yohui.

NÚMEROS 10:28

Quej ni motecpanque nopa huejhueyi familias tlen israelitame quema quistehuayayaj para yase seyoc lugar.

NÚMEROS 2:2

“Nochi israelitame monequi quiquetzase ininyoyoncalhua para huejca quiitase nopa yoyon tiopamitl campa timopantíaj. Huan sesen mocahuas nechca ibandera ihuejcapan tata huan mocahuas nechca ihueyi bandera nopa tlahuilanca pamitl catli quitocarohua.

NÚMEROS 1:54

Huajca nopa israelitame quichijque senquistoc nochi catli TOTECO quinahuati Moisés.

ÉXODO 39:42

Huan nopa israelitame quichijque nochi senquistoc quen TOTECO quinahuatijtoya Moisés.

NÚMEROS 1:52

Huan monequi nochi masehualme ipan sesen hueyi familia tlen israelitame quipiyase campa quiquetzase ininyoyoncalhua san sejco, ica se pamitl nopona campa quintocarohua iteipan ixhuihua ininhueyi familia. Huan sesen huejcapan tata quipiyase ininbandera para quinextis canque mocahua ininpamitl.

NÚMEROS 2:33

Pero amo quintlalijque san sejco nopa levitame pampa TOTECO quinahuatijtoya Moisés ma amo quinpohuaj ica catli tlahuilanase.

NÚMEROS 3:1

Ya ni techpohuilía tlen iteiximatcahua Moisés huan iicni Aarón ipan nopa tonali quema TOTECO quicamanalhui Moisés ipan nopa tepetl Sinaí.

NÚMEROS 1:19

Huajca nopona ipan nopa huactoc tlali catli itoca Sinaí quinpojque nochi ni tlacame quen TOTECO quinahuatijtoya Moisés.

NÚMEROS 10:12

Huajca nopa israelitame quistejque ipan nopa huactoc tlali itoca Sinaí huan quitoquilijque. Huan teipa nopa mixtli moquetzato ipan nopa huactoc tlali catli itoca Parán.