JOSUÉ 2:4 - Nahuatl Huasteca (Western)

⁴ Pero nopa sihuatl ya quintlatijtoya nopa tlacame huan huajca quiijto: ―Melahuac sequin tlacame nechpaxalocoj, pero amo nijmatqui canque ehuayayaj.

JOSUÉ 2:4 Iomraidhean Croise

2 REYES 6:19

Huajca Eliseo quinilhui nopa soldados: ―Ya ni amo nopa ojtli, niyon amo ya ni nopa altepetl catli anquitemohuaj. Techtoquilica huan nimechhuicas hasta campa itztoc nopa tlacatl catli anquitemohuaj. Huan quinhuicac hasta altepetl Samaria.

ÉXODO 1:19

Huan nopa sihuame quinanquilijque Faraón: ―Nopa hebreo sihuame amo tlatlacatiltíaj yolic quen egipto sihuame. Más cuali inintlacayohua huan nimantzi tlatlacatiltíaj quema tojuanti ayamo tionajsij para tiquinpalehuise.

SANTIAGO 2:25

Quej nopa nojquiya eltoya ica Rahab catli itztoya huejcajya huan achtihuiya tlacanenqui. Toteco quichijqui xitlahuac iixpa por catli cuali quichijqui catli quinextili itlaneltoquilis. Pampa Rahab quinseli nopa israelitame catli yajque tlachiyatoj ipan itlal huan ichtacatzi quintitlanqui ipan seyoc ojtli para quinmanahuis.

JOSUÉ 2:3

Huajca nopa tlanahuatijquetl tlatitlanqui ma quiilhuitij Rahab: ―Techmaca nopa tlacame catli itztoque ipan mochaj, pampa hualajtoque para quitlachilise quenicatza huelis quitlanise toaltepe.

JOSUÉ 2:5

Huan quema tlayohuixqui, ipan nopa hora para quitzacuase nopa puerta ipan nopa tepamitl catli quiyahualohua toaltepe, inijuanti yajque. Huan amo nijmati canica yajtoque. Pero sintla nimantzi anquintoquilise, huelis anquinajsitij.

JOSUÉ 6:17

Xiquinmictica nochi catli itztoque ipan ni altepetl huan xijsemanaca nochi catli eltoc nopona. Nochi eltos quen se tlacajcahualistli para TOTECO. San xiquincahuilica ma itztoca Rahab nopa ahuilnenca sihuatl huan catli itztose ihuaya ipan ichaj pampa yaya quintlati nopa tlacame catli quitlachilicoj ni tlali.

JOSUÉ 6:25

Huan Josué quinmanahui Rahab, iteiximatcahua huan inintequipanojcahua pampa quintlatijtoya nopa tlacame catli quintitlantoya ma quitlachilitij altepetl Jericó. Huajca hasta ama Rahab noja itztoc ininhuaya israelitame.