JONÁS 4:2 - Nahuatl Huasteca (Western)

² Huajca motlatlajti ica TOTECO, huan quiilhui: ―Xiquita TOTECO, na cuali nijmatiyaya para panosquía ya ni quema noja niitztoya ipan notlal. Yeca nimantzi nijnequiyaya nicholos huejca hasta altepetl Tarsis. Nijmatiyaya para ta se tiDios catli titetlasojtla huan titeicnelía. Amo nimantzi ticualani, huan nelhueyi motlaicnelilis hasta titlayolmelahua se tlatzacuiltilistli huan teipa timoyolcuepa.

JONÁS 4:2 Iomraidhean Croise

1 REYES 19:4

Teipa Elías nejnenqui semilhuitl hasta nopa huactoc tlali, huan mosehuito itzintla se cuahuitl catli amo quipiya miyac ixihuiyo huan quinequiyaya ma miqui. Quiilhui TOTECO: “¡Ya cuali noTECO! ¡Techquixtili nonemilis! ¡Pampa na amo más nicuali que notatahua!”

SALMOS 103:8

TOTECO tetlasojtla miyac huan quipiya hueyi iyolo. Yaya tlahuel huejcahua para pehuas cualanis. Amo quema tlami itlaicnelijcayo.

SALMOS 145:8

TOTECO, hueyi moyolo huan tlahuel titetlasojtla. Amo nimantzi ticualani huan titeicnelía miyac.

SALMOS 78:38

Pero Toteco quipixqui hueyi iyolo ica inijuanti. Quintlapojpolhuiyaya inintlajtlacolhua huan amo quintzontlamiltiyaya. Miyac huelta quiquetzqui icualancayo para amo quintlatzacuiltis.

SALMOS 86:15

Pero ta Toteco nelía titetlasojtla huan hueyi moyolo. Amo nimantzi ticualani. San ta titeicnelía huan san ta timelahuac.

SALMOS 86:5

Toteco, ta nelía ticuali huan timoquetztoc timocualtlalijtoc para titetlapojpolhuis. Tiquinicnelía huan nimantzi tiquintlasojtla nochi catli mitztlajtlaníaj motlapalehuil.

SALMOS 90:13

TOTECO, xihuala huan techtiochihua. ¿Hasta quema tlamis ticualantos? Techtlasojtla tojuanti timotequipanojcahua.

ÉXODO 32:14

Huajca TOTECO moyolcuepqui ica catli moilhuijtoya quinchihuilisquía imasehualhua.

JEREMÍAS 18:8

Pero sintla nopa masehualme tlen nopa altepetl quicahuase inintlajtlacolhua, huajca amo nijsosolos quen nimoilhuijtoya.

JEREMÍAS 20:7

NoTECO, ta techchihualti ma nieli motlajtol pannextijca. Huan na nimotemaca para nijchihua. Tiitztoc más chicahuac que na huan nechtlani. Pero xiquita, ama nochi masehualme ipan ni altepetl san nechhuetzquilíaj huan nechpinajtíaj.

JEREMÍAS 26:13

Pero sintla amojuanti anquicahuase amotlajtlacolhua huan anpehuase anquitlepanitase TOTECO catli itztoc toDios, huajca yaya amo anmechtitlanilis nopa tlatzacuiltili catli quiijtojtoya quititlanis amopani.

JEREMÍAS 42:10

‘Ximocahuaca ipan ni tlali. Sintla anmocahuase, huajca na nimechtiochihuas huan amo aqui anmechcuatotonis. Tlahuel nimotequipachohua por nochi nopa tlatzacuiltili catli nimechtitlanili.

AMÓS 7:3

Huan TOTECO moyolcuepqui tlen nopa tlamantli catli quinectoya quichihuas, huan quiijto: ―Cualtitoc, amo nijchihuas huajca.

AMÓS 7:6

Huajca TOTECO Dios sempa moyolcuepqui ica catli moilhuiyaya quichihuas huan quiijto: ―Huajca niyon ya nopa amo nijchihuas.

JONÁS 1:3

Pero Jonás cholojtejqui iixpa TOTECO huan yajqui altepetl Jope iteno hueyi atl. Huan nepa campa quisaj barcos, quipanti se barco catli quisayaya para se altepetl catli itoca Tarsis catli huejca mocahuayaya tlen Nínive. Huajca Jonás tlaxtlajqui huan calajqui para nojquiya yas pampa quinequiyaya cholos iixpa TOTECO.

JONÁS 3:10

Huan Toteco Dios quiitac catli quichihuayayaj nochi masehualme ipan altepetl Nínive huan quenicatza quitlahuelcajtoyaj catli fiero quichihuayayaj. Huajca moyolcuepqui para ayacmo quinajsis nopa tlatzacuiltili catli quinilhuijtoya.

JONÁS 3:9

Pampa nohueli Toteco Dios quicahuas icualancayo. Pampa hueyi itlaicnelilis, huelis moyolpatlas huan amo techmictis.

MIQUEAS 7:18

Amo aqui seyoc Dios quen ta. Ta titetlapojpolhuía tlaixpanoli huan masque fiero quichijtoque momasehualhua catli mocahuaj yoltoque, tiquelcahua inintlajtlacolhua. Amo tijyoltipantlalía cualantli pampa ta mitzpactía titeicnelía.

LUCAS 10:29

Pero nopa tlacatl quinequiyaya monextis cuali iniixpa nopa masehualme, huajca quitlatzintoquili Jesús: ―¿Ajqueya ne sequinoc catli monequi niquinicnelis quen nimoicnelía?

DEUTERONOMIO 4:31

Pampa amoTECO Dios tlahuel tetlasojtla. Yaya amo anmechtlahuelcahuas, niyon amo anmechtzontlamiltis nochi amojuanti. Amo quielcahuas nopa camanal sencahuali catli quichijqui ica amohuejcapan tatahua.